ကျိုက်ထီးရိုးရင်ပြင်ပေါ်

October 22, 2017

ကျိုက်ထီးရိုးရင်ပြင်ပေါ် တရားမ၀င်ရောင်းချသည့် အစားအစာများအား ဖျက်ဆီး

ကျိုက်ထီးရိုးရင်ပြင်တော်မှာ တရားမဝင်ရောင်းချနေတဲ့ ဈေးသည် ၂၀ ကျော်အား ခေါ်ယူသတိပေးပြီး အစားအစာတွေကို ဖျက်ဆီးလိုက်တယ်လို့ ပြန်ကြားရေးဝန်ကြီးဌာန ဖေ့စ်ဘွတ်ခ်စာမျက်နှာမှာ ဖော်ပြပါတယ်။ ကျိုက်ထိုမြို့နယ်မှာ နှစ်စဉ်ကျင်းပနေတဲ့ ဆံတော်ရှင်ကျိုက်ထီးရိုး စေတီဗုဒ္ဓပူဇနိယဘုရားပွဲ တော်မှာ သတ်မှတ်အခွန်နဲ့ ရောင်းချနေတဲ့ လုပ်ငန်းရှင်တွေ အခက်အခဲမဖြစ်ပေါ်စေဖို့ ဘုရားဖူး ပြည်သူတွေ အစားအသောက်ကြောင့် ဘေးအန္တရာယ်မဖြစ်ပေါ်စေဖို့ တာဝန်ရှိသူတွေက အခုလို ပြုလုပ်တာလို့ ဆိုပါတယ်။ ဘဏ္ဍာတော်ထိန်း ဂေါပက အဖွဲ့က ကြပ်မတ်ပြီး ရင်ပြင်တော်မှာ တရားမဝင် လာရောက်ရောင်းချနေတဲ့ အစားအစာတွေကို အောက်တိုဘာ ၂၁ ရက် မနက်ပိုင်းမှာ ဂေါပကအဖွဲ့ဝင်တွေ၊ ရင်ပြင်တော်ရဲကင်းစခန်းမှူးနဲ့ တပ်ဖွဲ့ဝင်တွေနဲ့ ဈေးကော်မတီတာဝန်ရှိသူတွေက ရင်ပြင်တော်ပေါ် တရားမဝင် လာရောက်ရောင်းချနေတဲ့ ဈေးသည် ၂၂ ဦးကို ခေါ်ယူပြီး ထပ်မံ လာရောက်ရောင်းချတာ မပြုလုပ်ဖို့ ခံဝန်လက်မှတ်ရေးထိုးစေပြီး ရောင်းချတဲ့ အစားအစာတွေကို သိမ်းဆည်း ဖျက်ဆီးခဲ့တယ်လို့ သတင်းမှာ ဖော်ပြထားပါတယ်။ သိမ်းဆည်းဖျက်ဆီးခဲ့တဲ့ အစားအစာတွေက ကြက်ကြော်၊ ငှက်ကြော်၊ ဗယာကြော် အချဉ်ပေါင်း၊ ငုံးဥ၊ ကြက်ဥ၊ အသားလုံး၊ ဒုတ်ထိုးတွေဖြစ်ပြီး ထပ်မံရောင်းချပါက ထိရောက်စွာအ ရေးယူသွားမယ်လို့ သိရပါတယ်။
4 years Ago

October 15, 2017

ကျိုက်ထီးရိုးရင်ပြင်ပေါ် သန့်ရှင်းမှုမရှိသည့် အစားအစာ ရောင်းသူများကို သတိပေး

မွန်ပြည်နယ်၊ ကျိုက်ထိုမြို့နယ် ဆံတော်ရှင်ကျိုက်ထီးရိုးဘုရား ရင်ပြင်ပေါ်မှာ သန့်ရှင်းလတ်ဆက်မှုမရှိတဲ့ အစားအစာတွေကို ဘုရားဖူးပြည်သူထံရောင်းချနေတဲ့ ပျံကျဈေးသည် တွေကို အောက်တိုဘာလ ၁၄ ရက်နေ့က စေတီတော်ဂေါပကအဖွဲ့က သိမ်းဆည်းခေါ်ယူ သတိပေးခဲ့ကြောင်း သိရပါတယ်။ ကျိုက်ထီးရိုးစေတီ ဘဏ္ဍာထိန်းဂေါပကအဖွဲ့ဝင် ဦးအေးမြင့်သိန်းက "ဘုရားရင်ပြင်မှာ ပျံကျဈေးသည်တွေကို ဈေးရောင်းချခွင့်မပေးထားပါဘူး။ ဘုရားဖူးပြည်သူတွေ ၀ယ်စားချင်စိတ် မရှိဘဲ အတင်းထိုးရောင်းနေကြလို့ပါ။ အခုလိုခေါ်ယူသတိပေးတာကလည်း ဘုရားဖူးပြည်သူတွေ စိတ်အနှောင့်အယှက် မဖြစ်စေချင်လို့ပါ။ ကြက်ကြော်တွေဆိုရင်လည်း ဘယ်နှစ်ခါ ပြန်ကြော်ထားမှန်းမသိဘူး။ ဈေးသည်တွေကိုတော့ ၀န်ခံကတိထိုးခိုင်းလိုက်ပြီး စားသုံးဖို့မသင့်တဲ့ ပစ္စည်းတွေကိုတော့ သူ့တို့အရှေ့မှာပဲ ဖျက်ဆီးလိုက်တယ်" လို့ ဒီဗွီဘီကိုပြောပါတယ်။ စေတီတော်ရင်ပြင်တော်ပေါ် ရောင်းချနေတဲ့ ပျံကျဈေးသည်တွေကို ဂေါပကအဖွဲ့အပါအ၀င် ရင်ပြင်တော်ရဲစခန်း၊ ဘုရားဈေးကော်မတီအဖွဲ့မှ ဦးစီးကာ ဖမ်းဆီးမှုပြုလုပ်ခဲ့ပြီး ကြက်ကြော်ရောင်းချတဲ့ ဈေးသည် ၆ ဦး၊ သရက်သီး ချိုချဉ်သည် ၆ ဦးနဲ့ ဘယာကြော်ရောင်းချတဲ့ ဈေးသည် ၃ ဦးကို ယခုနှစ်ဘုရားဖူးရာသီအစ၌ ပထမအကြိမ်အဖြစ် သိမ်းဆည်းခေါ်ယူကာ ဝန်ခံကတိထိုးခိုင်းခဲ့တာဖြစ်ပါတယ်။ "သမီးတို့က တောင်ပေါ်မှာနေပြီး အိမ်အပိုဝင်ငွေရအောင်လို့ ဈေးထွက်ရောင်းတာပါ။ အသီးအနှံလေးနည်းနည်းပါးပါးလောက်ပါဘဲ။ တနေ့စာကုန်သလောက်ပဲလုပ်ပြီး ရောင်းတာ။ အမြတ်လေးလိုချင်လို့ရောင်းတာ ခုလိုအဖမ်းခံရတော့ အရင်းပါပြုတ်တာပေါ့" လို့ ပျံကျဈေးသည်တဦးက ပြောပါတယ်။ ဆံတော်ရှင်ကျိုက်ထီးရိုးစေတီတော်ရဲ့ အခုနှစ်ဘုရားပွဲရာသီ ကျိုက်ထီးရိုးစေတီ တောင်ပေါ်မှာ တောရိုင်းတိရိစ္ဆာန်အသွေးအသားတွေပါဝင်တဲ့ အစားအသောက်တွေကို ရောင်းချတာ မပြုဖို့ပိတ်ပင်ထားကာ ဘုရားပုံတော်ပါ အ၀တ်အထည်တွေ ရောင်းချရာမှာလည်း ဂေါပကအဖွဲ့မှသတ်မှတ်ထားတဲ့ ဈေးနှုန်းထားထက် ဈေးတင်ရောင်းချတာတွေ့ရှိပါက တင်းကြပ်စွာ အရေးယူမှုများ ပြုလုပ်သွားမှာဖြစ်တယ်လို့ ဘဏ္ဍာထိန်းဂေါပကအဖွဲ့ရဲ့ ထုတ်ပြန်ချက်များအရ သိရပါတယ်။ သတင်း-ယူမင်းစိုး
4 years Ago
Up