ကျားသစ်

A d v e r t i s e m e n t With Us

January 4, 2019

၁၅ မီတာအမြင့် သစ်ပင်ထိပ်မှ ပြုတ်ကျခဲ့သည့် ကျားသစ် ကံကောင်းစွာ အသက်ရှင် (ရုပ်သံ)

ချီလီနိုင်ငံ မြို့တေ်ာ ဆန်တီယေဂိုမှာ ဇန်နဝါရီ ၃ ရက်နေ့က ၁၅ မီတာမြင့်တဲ့ သစ်ပင်ပေါ်ကနေ ပူးမား ကျားသစ်တကောင် ပြုတ်ကျခဲ့ပေမယ့် ထိခိုက်ဒဏ်ရာမရဘဲ အသက်ရှင်ခဲ့ပါတယ်။ သစ်ပင်ပေါ်ကနေ ဆင်းမရဖြစ်နေတဲ့ ကျားသစ်ကို ကယ်ဆယ်နေစဉ်အတွင်း ကျားသစ်ဟာ သစ်ပင်ထိပ်ဖျားကနေ ပြုတ်ကျခဲ့တာပါ။ တိရစ္ဆာန်ရုံ ဝန်ထမ်းတွေက သစ်ပင်အောက်မှာ မွေ့ရာတွေခင်းပြီးနောက် မေ့ဆေးမြားနဲ့ပစ်ပြီး ကျားသစ်ကို ဖမ်းဆီးခဲ့တာ ဖြစ်ပါတယ်။ ပူးမားကျားသစ် အထီးလေးဟာ မွေ့ရာတွေပေါ်ကို ဘေးကင်းစွာ ကျခဲ့ပြီး ထိခိုက်ကျိုးပဲ့တာ မရှိဘူးလို့ တိရစ္ဆာန်ရုံ တာဝန်ရှိသူက ပြောပါတယ်။ အဲဒီနောက်မှာတော့ နောက်ထပ် စစ်ဆေးမှုတွေ ပြုလုပ်ဖို့ ကျားသစ်လေးကို တိရစ္ဆာန်ရုံဆီ ခေါ်ဆောင်သွားပါတယ်။
2 years Ago

December 13, 2018

တောတွင်း တရားကျင့်နေသည့် အိန္ဒိယဘုန်းကြီးတပါး ကျားသစ်တိုက်ခိုက်ခံရပြီး ပျံလွန်

အိန္ဒိယနိုင်ငံ၊ မဟာရက်ခ်ျထရာပြည်နယ် တောတွင်းတနေရာမှာ တရားကျင့်နေတဲ့ ဗုဒ္ဓဘာသာဝင် ဘုန်းကြီးတပါးဟာ ကျားသစ်တိုက်ခိုက်ခံရပြီး ပျံလွန်တော်မူသွားပါတယ်။ ဘုန်းတော်ကြီး ရာအူးဝေါလ်ကီဟာ ကျားဘေးမဲ့ထိန်းသိမ်း ကာကွယ်တောတခု ဖြစ်တဲ့ တာဒိုဘာတောထဲက သစ်ပင်တပင်အောက်မှာ တရားထိုင်နေခဲ့တာ ဖြစ်တယ်လို့ အာဏာပိုင်တွေက အိန္ဒိယအခြေစိုက် ပီတီအိုင်သတင်းဌာနကို ပြောပါတယ်။ ဘုန်းတော်ကြီးဟာ အဲဒီတောနက်ထဲက ဘုန်းကြီးကျောင်းထဲက အတော်ဝေးဝေးမှာ တရားထိုင်ဖို့ သွားခဲ့ချိန်မှာ တိုက်ခိုက်ခံခဲ့ရတာလို့ ဆိုပါတယ်။ သစ်တောဦးစီးဌာန တာဝန်ရှိသူတွေကတော့ ဘုန်းတော်ကြီးတွေကို တောနက် အတွင်းပိုင်းထိ မသွားရောက်ကြဖို့ သတိပေးထားခဲ့တယ်လို့ ပြောပါတယ်။ လက်ရှိမှာတော့ အဲဒီကျားသစ်ကို ခြေရာခံနိုင်ဖို့ ကြိုးစားနေပြီး “ကျနော်တို့မှာ လှောင်အိမ် ၂ ခုနဲ့ ထောင်ချောက်ကင်မရာတခု တပ်ဆင်ထားပြီးပါပြီ။ ဒီကျားသစ်ကို စိတ်ချရစေဖို့ ကျနော်တို့ ကြိုးစားသွားမှာပါ” လို့ သစ်တောဦးစီးဌာနမှ ပြောရေးဆိုခွင့်ရှိသူ နာရာဝါနီးက ပြောပါတယ်။ ပြည်နယ်အစိုးရကတော့ ပျံလွန်တော်မူသွားတဲ့ ဘုန်းတော်ကြီး ဝေါလ်ကီရဲ့ ကျန်ရစ်သူ မိသားစုကို ရူပီးငွေ ၁ ဒသမ ၂ သန်း ပေးအပ်သွားမယ်လို့ ဆိုပါတယ်။ ဘုန်းတော်ကြီး ဝေါလ်ကီကို ကျားသစ်က တိုက်ခိုက်နေတာကို ဘုန်းကြီးကျောင်းမှာ အတူသီတင်းသုံးတဲ့ ဘုန်းကြီးတပါးက ဆွမ်းကပ်ဖို့ သွားရောက်ချိန်မှာ မြင်တွေ့ခဲ့ပြီး ကူညီကယ်တင်နိုင်ဖို့ တခြားသူတွေကို ခေါ်ပြီး ပြန်လာခဲ့ချိန်မှာတော့ ပျံလွန်ခဲ့ပြီးဖြစ်တယ်လို့ ပြောပါတယ်။ တာဒိုဘာတောတွင်းမှာ ကျားကောင်ရေ ခန့်မှန်းခြေ ၈၈ ကောင်လောက်ရှိနေပြီး တခြားသော တိရစ္ဆာန်တွေဖြစ်ကြတဲ့ ကျားသစ်တွေ၊ ဝက်ဝံတွေ၊ ခွေးအတွေလည်း အများစု နေထိုင်နေကြတာ ဖြစ်ပါတယ်။
2 years Ago
More News
Up