ကျမတို့နိုင်ငံ ပြန်လည်မွေးဖွားနိုင်ဖို့ ကျမအနေနဲ့ အကျိုးပြုနိုင်ပါစေ- ဒေါ်အောင်ဆန်းစုကြည်

July 12, 2015

သမ္မတ မဖြစ်နိုင်ပေမယ့် ပြည်သူလက်ခံမည့်အစီအစဉ်တခု လုပ်မည်ဟု ဒေါ်အောင်ဆန်းစုကြည် ပြော

  ၂၀၀၈ ဖွဲ့စည်းပုံ အခြေခံဥပဒေအရ သမ္မတ မဖြစ်နိုင်ပေမယ့် ပြည်သူတွေ လက်ခံနိုင်မယ့် အစီအစဉ်တခုကို လုပ်ဆောင်သွားမယ်လို့ ဒေါ်အောင်ဆန်းစုကြည်က ပြောပါတယ်။ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၅၉  (စ) အရ သူ့အနေနဲ့ သမ္မတ ဖြစ်ခွင့် မရှိပေမယ့် ပြည်သူတွေလက်ခံနိုင်မယ့် အစီအစဉ်တခုကိုတော့ စီစဉ်သွားမယ်လို့ ဇူလုိုင် ၁၁ ရက်နေ့က နေပြည်တော်မှာ ပြုလုပ်တဲ့ ဗဟိုကော်မတီစည်းဝေးပွဲအပြီး သတင်းစာရှင်းလင်းပွဲမှာ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြောကြားလိုက်ပါတယ်။ “ဖွဲ့စည်းပုံအခြေခံဥပဒေ ပြင်ဆင်တာနဲ့ ပတ်သက်လို့ လုံးဝစိတ်ဓာတ်မကျပါဘူး။ ဒီဖွဲ့စည်းပုံဟာ ပြင်ရမယ် ပြောင်းရမယ်ဆုိုတာ ကျမတုို့ ပြည်သူတွေ လက်ခံထားပြီးသားဖြစ်တဲ့ အတွက် ပြင်ပစ်ပြောင်းပစ်မယ်ဆုိုတာ ကျမတုို့ ယုံကြည်ပါတယ်။ အဲ့တော့ ဘယ်တော့ ပြင်မလဲဆုိုတာကိုတော့ အန်အယ်လ်ဒီ ရွေးကောက်ပွဲနိုင်မယ်ဆုိုရင် မြန်မြန်ပြင်ပေးမယ်လို့ ပြောချင်ပါတယ်။ မမေးခင်ဖြေထားမှာနော် တချို့ကမေးမှာပဲ၊ ၅၉  (စ) မပြင်ဘူးဆုိုလုို့ရှိရင် ကျမအနေနဲ့ သမ္မတ ဖြစ်နိုင်ခြေမရှိဘူး ဒီတော့ အန်အယ်လ်ဒီက ဘယ်လို ဒီကိစ္စကို ကုိုင်တွယ်မလဲ ဆုိုတာကို ကျမတုို့ စဉ်းစားထားပါပြီ။ အချိန်မတန်သေးလို့ မပြောသေးတာပါ။ ပြည်သူတွေလက်ခံနိုင်မယ့် အစီအစဉ် တခုကို ကျမတုို့လုပ်မှာဖြစ်ပါတယ်။” လောလောဆယ်တော့ အန်အယ်လ်ဒီ ပါတီထဲမှာ နာယက ဦးတင်ဦးနဲ့ ဗဟုိုအလုပ်အမှုဆောင် ဦးဝင်းထိန်တုို့ဟာ စစ်မှုထမ်းဟောင်းတွေ ဖြစ်တဲ့အတွက် သမ္မတ ဖြစ်နုိုင်ချေ ရှိတဲ့လူတွေအဖြစ် နုိုင်ငံရေး အသုိုင်းအ၀ုိုင်းက ခန့်မှန်းနေပါတယ်။ ဒါ့အပြင် အမျိုးသားဒီမိုကရေစီအဖွဲ့ချုပ်က ၂၀၁၅ အထွေထွေရွေးကောက်ပွဲမှာ ၀င်ရောက်ယှဉ်ပြိုင်မယ်လို့ ပြောပါတယ်။ အဖွဲ့ချုပ် ကိုယ်စားလှယ် ၁၂၀၀ ကျော်ထဲက မဲဆန္ဒနယ် အားလုံးနီးပါးကို ဝင်ရောက်ယျဉ်ပြိုင်သွားမယ်လုို့ ဒေါ်အောင်ဆန်းစုကြည်က ပြောပါတယ်။ “တတ်နိုင်သမျှ မဲဆန္ဒနယ် အားလုံးကို ဝင်ရောက်ယျဉ်ပြိုင်မှာဖြစ်ပါတယ်။ အားလုံးသိတဲ့ အတုိုင်းပဲ တတုိုင်းပြည်လုံး အတုိုင်းအတာနဲ့ ဆုိုရင် ၁၂၀၀ ကျော်ပါတယ်။ ၁၂၀၀ အားလုံးကိုတေ့ာ ဝင်ပြိုင်မှာတော့ မဟုတ်ပါဘူး။ တချို့တလေမှာတော့ ဝင်မပြိုင်တဲ့နေရာတွေ ရှိပါတယ်၊ အများစုကြီးကိုတော့ ကျမတို့ဝင်ပြိုင်မှာဖြစ်ပါတယ်။ ကုိုယ်စားလှယ်စာရင်းတွေကိုလည်း ရွေးကောက်ပွဲကော်မရှင်ကို ၈ ရက်နေ့ ၉ လပိုင်း နောက်ဆုံးထားပြီးတော့ ထည့်သွင်းရမယ်ဆုိုတာ ဒီဟာတွေကိုလည်း ကျမတုို့လုပ်နေပါတယ်။” တချို့မဲဆန္ဒနယ်တွေမှာတော့ မဟာမိတ်ပါတီတွေနဲ့ ညှိနှိုင်းပြီး ၀င်ပြိုင်တာမျိုးလည်း ရှိနိုင်တယ်လို့ ဒီဗွီဘီရဲ့ မေးမြန်းချက်ကို ဖြေဆိုသွားပါတယ်။ ပြီးတော့ ကိုယ်တိုင်လည်း ကော့မှူးမဲဆန္ဒနယ်မှာ ၀င်ပြိုင်မယ်လို့ အတည်ပြုခဲ့ပါတယ်။ အဖွဲ့ချုပ်အနေနဲ့ ဖွဲ့စည်းပုံပြင်ဆင်မယ်ဆိုတဲ့ ရည်ရွယ်ချက်နဲ့ လွှတ်တော်ထဲ ရောက်ခဲ့ပြီးနောက်ပိုင်း ပြည်သူတွေအနေနဲ့ ဖွဲ့စည်းပုံပြင်ဖို့အရေး စိတ်ဝင်တစား ရှိလာတယ်လို့လည်း ပြောပါတယ်။ အဖွဲ့ချုပ်ကိုယ်စားလှယ်လောင်း ရွေးချယ်တဲ့အခါ အရည်အချင်းရှိသူ၊ လူငယ်၊ အမျိူးသမီး နဲ့ တိုင်းရင်းသားတွေကို ဦးစားပေးရွေးချယ်မယ်လို့ သိရပါတယ်။ အဖွဲ့ချုပ်အနေနဲ့ ရွေးကောက်ပွဲကော်မရှင်က ရွေးကောက်ပွဲကျင်းပမယ့်ရက် ကြေညာပြီးမှ ရွေးကောက်ပွဲဝင် မ၀င် ကြေညာမယ်လို့ ပြောဆိုထားတဲ့အတိုင်း ကော်မရှင်ကြေညာအပြီး ၃ ရက်မြောက်နေ့မှာ ရွေးကောက်ပွဲဝင်မယ့်အကြောင်း ကြေညာခဲ့တာ ဖြစ်ပါတယ်။
6 years Ago

June 27, 2015

ဒေါ်အောင်ဆန်းစုကြည် တအိမ်တက်ဆင်း မဲစာရင်း ပညာပေး

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ဟာ ဒီနေ့မွန်းလွဲပိုင်းက နေပြည်တော်၊ ပုဗ္ဗသီရိမြို့နယ်၊ ကျည်တောင်ကန်ရွာ၊ အမှတ် (၂) နယ်မြေအတွင်း တအိမ်တက်ဆင်း သွားရောက်ပြီး မဲစာရင်းပညာပေးဆွေးနွေးမှုတွေ ပြုလုပ်ခဲ့ပါတယ်။ ပြီးခဲ့တဲ့အပတ်အတွင်း ပြုလုပ်ခဲ့တဲ့ ပါတီဗဟိုကော်မတီစည်းဝေးပွဲကနေ မဲစာရင်းစိစစ်ရေး လုပ်ငန်းတွေကို ပါတီအနေနဲ့ အင်တိုက်အားတိုက်လုပ်ဆောင်သွားဖို့ ဆုံးဖြတ်ခဲ့ပြီး အခု ဥက္ကဋ္ဌဒေါ်အောင်ဆန်းစုကြည်ကိုယ်တိုင် ပညာပေးလုပ်ငန်းတွေ လိုက်လံလုပ်ဆောင်နေတာ ဖြစ်ပါတယ်။ ဒေါ်အောင်ဆန်းစုကြည်ရဲ့ မဲစာရင်းပညာပေးဆွေးနွေးမှုခရီးမှာ လိုက်လံသတင်းရယူနေတဲ့ ဒီဗွီဘီ သတင်းထောက် ကိုပိုင်စိုးက သူမြင်တွေ့ကြားသိခဲ့ရတာတွေကို အခုလို ပြောပါတယ်။ “ပထမဆုံးမေးတာကတော့ မဲစာရင်း သွားကြည့်ပြီးပြီလား၊ ပါလား၊ အမှားအယွင်း ရှိလား မေးတယ်။ တကယ်လို့ အမှားအယွင်းရှိတယ်ဆိုရင် ပြင်ပြီးပြီလားပေါ့။ ဒီရွေးကောက်ပွဲဟာ လာမယ့် နိုင်ငံရေးဖြစ်စဉ်တွေအတွက် အရေးကြီးတယ်။ နောက်တခုက ပန်းဖလက်တွေဝေတယ်။ မဲစာရင်းနဲ့ ပတ်သက်လို့ ဘာတွေ ဘာတွေလုပ်ရမယ်ဆိုတဲ့ ပညာပေးလက်ကမ်းစာစောင်တွေကို ဒေါ်အောင်ဆန်းစုကြည်ကိုယ်တိုင် ဝေတယ်ခင်ဗျ။” မဲစာရင်းမှာမပါလို့ သွားရောက်ပြောဆို တောင်းဆိုတဲ့အခါ တားဆီးဟန့်တားတာမျိုး လုပ်လာရင် သက်ဆိုင်ရာရဲတပ်ဖွဲ့ကို တိုင်ကြားဖို့ ဒေါ်အောင်ဆန်းစုကြည်က ပြောဆိုခဲ့တယ်လို့လည်း ဆိုပါတယ်။ ပြည်ထောင်စုရွေးကောက်ပွဲကော်မရှင်က မြန်မာနိုင်ငံတ၀န်း မဲပေးခွင့်ရှိသူ ရှေ့ပြေးဆန္ဒမဲစာရင်းတွေ ကပ်ထားရာမှာ အချက်အလက်မှားယွင်းမှုတွေ အများအပြား တွေ့မြင်နေရပြီး ဒါနဲ့ပတ်သက်လို့ အဖွဲ့ချုပ်က ကော်မရှင်နဲ့ ပူးပေါင်းလုပ်ဆောင်သွားမယ်လို့ ထုတ်ဖော်ကြေညာထားပါတယ်။  
6 years Ago
More News
Up