ကျန်းမာရေးလုပ်သား

July 27, 2018

စိန်ခေါ်မှုတွေ ရှိနေသေးတဲ့ ကျန်းမာရေးလုပ်သားများ

ကွန်ဟိန်းမြို့နယ်ဟာ ရှမ်းပြည်နယ် တောင်ပိုင်းက လမ်းပန်းဆက်သွယ်ရေး ခက်ခဲနေသေးတဲ့ မြို့နယ်တခု ဖြစ်ပါတယ်။ [caption id="attachment_282115" align="alignleft" width="384"] ဓာတ်ပုံ - နန်းမွေခေါင်[/caption] မိုးရွာလိုက်တာနဲ့ ကွန်ဟိန်းမြို့နယ်အတွင်းက ကျေးရွာတွေဆီသွားတဲ့ လမ်းတွေဟာ ရွှံ့နွံတွေကြောင့် ခြေမြန်တော် ထော်လာဂျီ၊ ကား၊ ဆိုင်ကယ်တွေနဲ့ မသွားရောက်နိုင်တော့ဘူးလို့ အရန်သားဖွားဆရာမ နန်းမွေခေါင်က ပြောပါတယ်။ ပြီးခဲ့တဲ့တနှစ်လောက်ကတော့ နန်းမွေခေါင်အတွက် မေ့ပျောက်လို့ မရနိုင်စရာ အဖြစ်တခု ကြုံခဲ့ရပါတယ်။ ကွန်ဟိန်းမြို့နယ်အတွင်းက ကျေးရွာတရွာမှာ အရေးပေါ်လူနာဆီကို အချိန်မီ မရောက်နိုင်တာကြောင့် ကလေးငယ်တဦး သေဆုံးသွားခဲ့တာပါ။ အဲဒီဒေသတွေကို ကျန်းမာရေး စောင့်ရှောက်မှုပေးဖို့ သေရေးရှင်ရေးအတွက် လိုအပ်တယ် ဆိုရင်တောင် အချိန်မီမသွားရောက်နိုင်တဲ့ ပြဿနာဟာ ကျေးလက်ဒေသက အရန်သားဖွားတွေ နှစ်စဉ်ကြုံတွေ့နေရတဲ့ ပြဿနာပါလို့ နန်းမွေခေါင်က ဆိုပါတယ်။ ဆရာမနန်းမွေခေါင်ဟာ အရန်သားဖွားဆရာမ မဖြစ်ခင်ကတော့ ကျောင်းဆရာမတဦး ဖြစ်ခဲ့ပါတယ်။ သူ့ရဲ့ ကျောင်းသားတယောက် နေမကောင်းဖြစ်ပြီး သေဆုံးသွားခဲ့ရတာဟာ နန်းမွေခေါင်ရဲ့ဘဝကို တဆစ်ချိုး ပြောင်းလဲစေခဲ့တာပါ။ “ကျမလည်း သာမန် နေမကောင်းဖြစ်ပြီး အအေးမိတယ်လို့ပဲ ထင်ခဲ့တယ်။ နောက်ပိုင်း သူ ဆုံးသွားခဲ့တယ်” လို့ အဲဒီတုန်းက အဖြစ်အပျက်ကို ပြန်ပြောပြပါတယ်။ “ဒါပေမယ့် ဘာဖြစ်လို့ နေမကောင်းလဲဆိုတာ မသိခဲ့ဘူး” အခုချိန်ထိ ဒီကျောင်းသားလေး ဘာရောဂါနဲ့ ဆုံးသွားတယ်ဆိုတာ အဖြေမသိခဲ့ရပါဘူး။ “ကျမသာ ဆေးကုတတ်ရင် ကျမ စာသင်ပေးတဲ့ကလေး သေမှာမဟုတ်ဘူး” လို့ ဝမ်းနည်းစွာနဲ့ နန်းမွေခေါင်က ပြောပြပါတယ်။ သူ မသေသင့်ဘဲ သေသွားတာ။ စိတ်အားငယ်မိတယ်။ ဝမ်းနည်းတယ်။ သူက အရမ်းတော်တယ်။ သွက်လက်တယ်။   စာသင်ရင်လည်း ဖျတ်လတ်တယ်။” ဒါနဲ့ပဲ နန်းမွေခေါင်တယောက် ပညာရေးလုပ်သားဘဝကနေ ကျန်းမာရေးလုပ်သားဘဝကို ပြောင်းရွှေ့ခဲ့ပါတယ်။ သူဟာ ၂ဝဝ၇ ခုနှစ်မှ စတင်ပြီး အရန်သားဖွားဆရာမသင်တန်းကို ကွန်ဟိန်း ပြည်သူ့ဆေးရုံမှာ တက်ရောက်ခဲ့ပြီး ကျေးရွာမှာ လိုအပ်နေတဲ့ ကျန်းမာရေး စောင့်ရှောက်မှုတွေကို ပြန်လည်ပြုလုပ်ပေးသူတဦး ဖြစ်လာခဲ့ပါတယ်။ အခုချိန်မှာတော့ ကွန်ဟိန်းမြို့နယ် ကျိုင်းလွန်းကျေးရွာမှ အရန်သားဖွားဆရာမတဦး ဖြစ်ပါတယ်။ သူဟာ ကျိုင်းလွန်းကျေးရွာ အုပ်စုဝင်တွေဖြစ်တဲ့ တောခေါင်တဲ့ ဒေသတွေကို သွားရောက်ပြီး မွေးလူနာတွေကို ကြည့်ပေးတဲ့အပြင် ကျန်းမာရေးမကောင်းတဲ့ သူတွေကိုလည်း ဆေးကုသပေးနေတဲ့ ကျန်းမာရေးဆရာမတဦးပါပဲ။ ဒါပေမယ့်လည်း ကျန်းမာရေးလုပ်ငန်းတွေကို စိတ်ရှိလက်ရှိ မလုပ်နိုင်သေးပါဘူး။ ပထမဆုံး စိန်ခေါ်မှုကတော့ လမ်းပန်းဆက်သွယ်ရေးပဲ ဖြစ်ပါတယ်။ လွန်ခဲ့တဲ့တနှစ်ခန့်ကတော့ အသက် ၂၂ နှစ်အရွယ်သာ ရှိသေးတဲ့ ကိုယ်ဝန်ဆောင် မိခင်လောင်းတယောက်ဟာ ငွေကြေးမပြည့်စုံမှု၊ လမ်းပန်းဆက်သွယ်ရေး ခက်ခဲမှုတွေကြောင့် ကွန်ဟိန်းမြို့အထိ သွားရောက်သားဖွားရန် မဖြစ်နိုင်တာကြောင့် သူ့ရဲ့ရွာမှာပဲ မွေးဖွားနိုင်အောင် ကြိုးပမ်းခဲ့ပါတယ်။ ကျေးလက်ဒေသကို သားဖွားတွေ ရောက်မလာခင်မှာပဲ အဲဒီမိခင်လောင်းဟာ ကိုယ်ဝန်ကို ဆုံးရှုံးလိုက်ရတယ်လို့ နန်းမွေခေါင်က ပြောပါတယ်။ အခုချိန်မှာတော့ အရန်သားဖွားလက်မှတ်ကို ကိုင်ဆောင်ထားပေမယ့် ကျန်းမာရေးဝန်ကြီးဌာနက ခန့်အပ်ထားတဲ့သူတဦးတော့ မဟုတ်ပါဘူး။ နန်းမွေခေါင်လိုပဲ အခက်အခဲတွေ ရင်ဆိုင်နေရတဲ့ နောက်တယောက်ကတော့ ကျန်းမာရေး ဆရာမ နန်းရွှေဟန် ဖြစ်ပါတယ်။ နန်းရွှေဟန်ကလည်း မိုင်းရှူးမြို့နယ် လွိုင်နိုင်းကျေးရွာအုပ်စု ဝမ့်နမ့်ပွန်းကျေးရွာက အရန်သားဖွားဆရာမတဦး ဖြစ်ပါတယ်။ မြို့နဲ့အလှမ်းဝေးကာ မိမိကျေးရွာမှာ ပညာတတ် မရှိတဲ့အပြင် ရွာကိုလာရောက်ပြီး ကျန်းမာရေးစောင့်ရှောက်မှု ပြုလုပ်ပေးမယ့် ဆရာဝန်လည်း မရှိတဲ့အတွက် ကျန်းမာရေးဆရာမပါ လုပ်ရတယ်လို့ နန်းရွှေဟန်က ပြောပြပါတယ်။ ကျေးလက်ကျန်းမာရေးဆရာမ နန်းရွှေဟန်ကလည်း နန်းမွေခေါင်လိုပဲ အရင်က ကျောင်းဆရာမတဦး ဖြစ်ခဲ့သူပါ။ “ကျောင်းဆရာမလုပ်တုန်းက ကျေးရွာမှာ ငွေကြေးအခက်အခဲတွေ့တော့ မြို့ကိုမသွားနိုင်။ မြို့ပေါ်သွားဖို့ကလည်း လမ်းပန်းခက်ခဲတယ်။ နေမကောင်းရင် ကိုယ့်နည်းကိုယ့်ဟန်နဲ့ ဆေးကုသနေကြတာတွေ၊ ကိုယ့်ရှေ့မှာ သေဆုံးတာတွေ မြင်ခဲ့ရတယ်” လို့ နန်းရွှေဟန်က ကိုယ်တိုင်ကြုံတွေ့ရတဲ့ အဖြစ်အပျက်ကို ဝမ်းနည်းစွာ ပြန်လည်ပြောပြနေပါတယ်။ မြို့နဲ့အလှမ်းဝေးတဲ့ ကျေးလက်ဒေသတွေမှာ အစိုးရခန့်အပ်တဲ့ သူနာပြုဆရာမတွေ ရှိပေမယ့်  ကျေးလက်ဆေးပေးခန်းမှာ အချိန်ပြည့် လာရောက်တာဝန်ယူတာ မရှိဘူးလို့ ဒေသခံ အရန်သားဖွားဆရာမတွေက ပြောဆိုလိုက်ပါတယ်။ လမ်းပန်းဆက်သွယ်ရေး ခက်ခဲမှုက ရှမ်းပြည်တောင်ပိုင်းက သားဖွားဆရာမလေးတွေအတွက် တခုတည်းသော [caption id="attachment_282116" align="alignright" width="384"] ဓာတ်ပုံ - နန်းမွေခေါင်[/caption] စိန်ခေါ်မှု မဟုတ်ပါဘူး။ ကျန်းမာရေးဝန်ကြီးဌာနက ခန့်အပ်တဲ့ သူနာပြုဆရာမတွေဟာ ကိုယ်ဝန်သည်၊ မွေးလူနာနဲ့ မွေးကင်းစကလေးတွေစာရင်း လာကောက်ပြီး ပြန်သွားတတ်ကြကြောင်းလည်း အရန်သားဖွားဆရာမများက ပြောပါတယ်။ “ကျန်းမာရေးဝန်ကြီးဌာနက တယောက်လာထားတယ်။ ဒါပေမယ့် သူက ဒီဇာတိမဟုတ်ဘူး။ သူက တလကို ၂ ရက် ၃ ရက်လောက်ပဲ လာတယ်။ ကျေးရွာမှာ နေရမယ်၊ စားရမယ်၊    အချိန်ပြည့်နေရမယ် ဆိုပေမယ့် သူတို့တွေက မနေဘူး” လို့ နန်းမွေခေါင်က သူမတို့ ကြုံတွေ့နေရတာတွေကို ပြန်ပြောပြပါတယ်။ ဒါ့ကြောင့် သူတို့ ၂ ဦးကတော့ အဓိက ကိုယ်ဝန်သည်တွေ၊ သားဖွားမိခင်တွေ၊    ကလေးငယ်တွေအတွက် အားကိုးနေရတဲ့ သားဖွားဆရာမတွေ ဖြစ်နေကြသလို မိမိကျေးလက်ဒေသ ကျန်းမာရေးအတွက် တဖက်တလမ်းကနေ ထောက်ပံ့ပေးနေရတဲ့ ကျန်းမာရေးဆရာမတွေ ဖြစ်နေကြပါပြီ။ လမ်းပန်းဆက်သွယ်ရေး မကောင်းတဲ့ ဒေသတွေကို မွေးလူနာတွေ သွားကြည့်ဖို့အတွက် အခက်အခဲများစွာ ကြုံတွေ့ရပြီး တခါတလေ တခြား ဝေးလံတဲ့ကျေးရွာက မွေးလူနာတွေ လမ်းပန်းဆက်သွယ်ရေး ခက်ခဲမှုကြောင့် အရေးပေါ် ဆေးရုံပို့ဖို့ မမီတော့ဘဲ  အသက်ပေးဆပ်ကြရတယ်လို့လည်း နန်းရွှေဟန်က စိတ်မကောင်းစွာ ပြောပြနေပါတယ်။ လမ်းပန်းဆက်သွယ်ရေး မကောင်းတဲ့ဒေသ၊ မအေးချမ်းတဲ့နယ်မြေမှာ နေထိုင်တဲ့ ကိုယ်ဝန်သည် မွေးလူနာတွေအတွက်ကတော့ အခက်အခဲတွေ စိန်ခေါ်မှုမျိုးစုံ ရှိနေပါတယ်။ “မိုးရွာတော့ မွေးလူနာအတွက်ရော ကျမတို့ သားဖွားတွေအတွက်ရော အခက်အခဲဖြစ်တယ်။ မိုးကရွာ လမ်းကမပေါက်တော့ မွေးလူနာတွေရှိတဲ့နေရာကို ခြေကျင်လျှောက်ရတယ်။ ရွှံ့ထဲမှာ ၅ နာရီလောက် လျှောက်ရတယ်” လို့ နန်းရွှေဟန်က ကြုံတွေ့ခဲ့တာတွေ ပြန်ပြောပြပါတယ်။ ဒါ့အပြင် ဝေးလံခေါင်ဖျားတဲ့ ကျေးလက်ဒေသက ပြည်သူတွေက မြို့ပေါ်ဆေးရုံတွေကို သွားရောက်ဆေးကုသဖို့ အလွန်ပင် စိတ်ပူပန် ဝန်လေးနေကြပြီး မြို့ပေါ်ဆေးရုံကိုသွားဖို့ အစစအရာရာ အဆင်မပြေမှုတွေ ကြုံတွေ့နေရတယ်လို့ သိရပါတယ်။ “တကယ်လို့ မဖြစ်မနေ သွားရမယ်ဆိုရင်တောင် သူတို့ ကြိတ်မှိတ်ပြီး အိမ်မှာပဲ ဆေးကု၊    ကလေးမွေးကြတယ်။ မြို့ပေါ်သွားမယ်ဆို ကားခလည်း ပေးရမယ်။ လမ်းကမကောင်း၊ ထော်လာဂျီနဲ့ သွားရမယ်။ လမ်းကခုန်တော့ မွေးလူနာအတွက်လည်း ခက်ခဲတယ်။ မိုးရာသီဆို ပိုတောင်ဆိုးသေးတယ်” လို့ နန်းရွှေဟန်က ပြောပါတယ်။ အစိုးရက သူတို့တွေအတွက် ထောက်ပံ့ပေးမှုတွေ မရှိနေဘူးလို့လည်း ဆရာမတွေက ပြောပါတယ်။ ကျန်းမာရေးဆရာမတွေဟာ ကိုယ့်ကျေးရွာဖြစ်တဲ့အတွက် ကိုယ်တတ်တဲ့ပညာနဲ့ ကျေးရွာပြည်သူတွေကို ပြန်လည်ကုသပေးနေကြတာ ဖြစ်တယ်လို့ နန်းရွှေဟန်က ဆိုပြန်ပါတယ်။ ငွေကြေးအပြင် လုံခြုံရေးကလည်း ဆရာမလေးတွေအတွက်တော့ စိန်ခေါ်မှုတခုပါ။ မွေးလူနာတွေ ညသန်းခေါင်ချိန် လာရောက်ခေါ်ယူရင်လည်း ကြောက်စိတ်ရှိပေမယ့် လိုက်သွားရပါတယ်လို့ နန်းရွှေဟန်က ပြောပါတယ်။ “စစ်ဖြစ်တဲ့နေရာတွေကို သွားတာ ကြောက်တော့ကြောက်တယ်။ အခုခေတ်က ပိုဆိုးတယ်။   ဘိန်းသမားတွေကလည်း များတော့ ပိုကြောက်ရတယ်။ အသည်းအသန်ရှိရင်တော့ ညရေးညတာလည်း သွားရတယ်။ ဗိုက်နာတာ ကလေးမွေးခါနီးဆိုရင်တော့ မသွားလို့ မဖြစ်ဘူးပေါ့” လို့ နန်းရွှေဟန်က ပြောပြပါတယ်။ ဆက်လက်ပြီး “မွေးလူနာတွေက ကျမကိုပဲ အားကိုးနေရတယ်။ မွေးဖွားခတော့ စေတနာရှိသလောက်ပဲ။ ဒါပေမယ့် ဆေးဖိုးကတော့ သူတို့ပြန်ပေးတယ်” လို့ သူမက ထပ်လောင်းပြောပြပါတယ်။ ရှမ်းပြည်နယ် တောင်ပေါ်ဒေသမှာတော့ ကျန်းမာရေးအတွက် လိုအပ်ချက်များစွာ ရှိနေပြီး အဓိကအနေနဲ့တော့ လမ်းပန်းဆက်သွယ်မှု၊ နယ်မြေမအေးချမ်းမှုနဲ့ ကျေးလက် ကျန်းမာရေးဆေးပေးခန်း စနစ်တကျ မရှိမှုတွေက ကျေးလက်ပြည်သူတွေအတွက် စိန်ခေါ်မှုတွေ ဖြစ်နေပါတယ်လို့လည်း ရှမ်းပြည်နယ် ကျန်းမာရေးဆရာမများက ထောက်ပြလိုက်ပါတယ်။ ဒါ့အပြင် ဝေးလံခေါင်ဖျား ဒေသတွေမှာ ကျန်းမာရေး စောင့်ရှောက်နိုင်မှု အားနည်းနေသေးကြောင်း၊ ဆေးကုသရန် စရိတ်မတတ်နိုင်လို့ ပြည်သူတချို့ ဆေးကုသဖို့ ခက်ခဲနေသေးကြောင်း ယခုနှစ် ဖေဖော်ဝါရီ ၆ ရက်နေ့မှာ ကျင်းပတဲ့ ပြည်သူ့လွှတ်တော်မှာ တပ်မတော်သား ကိုယ်စားလှယ်တဦးက ပြောကြားခဲ့ပါတယ်။ ဝေးလံခေါင်ဖျားတဲ့ အရပ်ဒေသတွေမှာ တာဝန်ထမ်းဆောင်နေကြတဲ့ ကျန်းမာရေးဝန်ထမ်းတွေ ရေရှည် တာဝန်ထမ်းဆောင်နိုင်ရန်အတွက် ဒေသခံဝန်ထမ်းတွေ ဖြစ်လာအောင် လေ့ကျင့်ပေးသင့်ကြောင်း တပ်မတော်ကိုယ်စားလှယ်တဦးက အကြံပြု တင်ပြခဲ့ပါတယ်။ ကျေးရွာတွေမှာ ကျန်းမာရေး ဆေးပေးခန်းတွေရှိပြီး ဝေးလံခေါင်ဖျားတဲ့ ကျေးရွာက ကိုယ်ဝန်သည်တွေ လာရောက် ကလေးမွေးဖွားရင် ညအိပ်စောင့်နိုင်တဲ့ နေရာလေး စီစဉ်ပေးဖို့ တောင်းဆိုချင်တယ်လို့လည်း နန်းမွေခေါင်က ပြောပါတယ်။ “ကျေးရွာတွေမှာ မွေးခန်းရှိမယ်ဆိုရင် မိုးဘယ်လောက်ရွာရွာ ကိုယ်ဝန်သည်တွေ ရွှံ့နွံထဲ လမ်းလျှောက်စရာ မလိုတော့ဘူး” လို့  နန်းမွေခေါင်က ဆိုလိုက်တာပါ။ နန်းဆိုင်နွမ် (hiburma.net ဝက်ဘ်ဆိုက်မှ ပြန်လည်ဖော်ပြသည်။)
3 years Ago
Up