ကော်တင်ညို

A d v e r t i s e m e n t With Us

July 29, 2020

ပရီးမီးယားလိဂ်တွင် ပြန်လည်ကစားရန် ကော်တင်ညို စိတ်ဝင်စား

ဘာစီလိုနာ ကွင်းလယ်ကစားသမား ကော်တင်ညိုဟာ ပရီးမီးယားလိဂ်မှာ ပြန်ကစားဖို့ စိတ်ဝင်စားမှုရှိတယ်လို့ အေးဂျင့်ဖြစ်သူက အတည်ပြုလိုက်ပါတယ်။ ကော်တင်ညိုဟာ ပြီးခဲ့တဲ့ရာသီက ဘိုင်ယန်မြူးနစ်မှာ တရာသီ အငှားစာချုပ်နဲ့ ကစားခဲ့ရပြီး ချန်ပီယံလိဂ်ပွဲစဉ်တွေ ဆက်ကစားရဦးမှာပါ။ သြဂုတ် ၂၃ ရက်အထိ ချန်ပီယံလိဂ်ပွဲစဉ်တွေ ရှိနေတာကြောင့် အသင်းပြောင်းရွှေ့ဖို့ကိစ္စကို  ပြိုင်ပွဲအပြီးမှ လုပ်ဆောင်နိုင်လိမ့်မယ်လို့ အေးဂျင့် ဂျော်ရက်ဘ်ချီယန်က ပြောပါတယ်။  ကော်တင်ညိုဟာ ပရီးမီးယားလိဂ်နဲ့ အံဝင်ခဲ့ဖူးပြီးသား ကစားသမားဖြစ်ပြီး အင်္ဂလန်မှာ ပြန်ကစားဖို့လည်း စိတ်ဝင်စားမှုရှိတယ်ဆိုတာ လျှို့ဝှက်စရာကိစ္စ မဟုတ်ကြောင်း အေးဂျင့် ရက်ဘ်ချီယန်က ပြောပါတယ်။  ပရီးမီးယားလိဂ်မှာ ပြန်လည်ကစားဖို့က သူ့ရဲ့ ဦးစားပေးအစီအစဉ်တွေထဲက တစ်ခုဖြစ်ပြီး ဘာစီလိုနာကနေ ထွက်ခွာမယ်လို့လည်း ပြောလို့မရသေးကြောင်း ကော်တင်ညိုရဲ့ အေးဂျင့်က ဆိုပါတယ်။ ဒီအခြေအနေကြောင့် အငှားစာချုပ်နဲ့ပဲ ပရီးမီးယားလိဂ်ကလပ်တွေဆီ ပြန်ကစားဖွယ် ရှိနေတယ်လို့ သတင်းထွက်နေပါတယ်။  ကော်တင်ညိုကို အာဆင်နယ်၊ စပါးနဲ့ လက်စတာအသင်းတွေက ခေါ်ယူလိုနေပါတယ်။
7 months Ago

July 28, 2020

ကော်တင်ညိုကို အငှားစာချုပ်ဖြင့် ခေါ်ယူရန် အာဆင်နယ် ပြင်ဆင်

အာဆင်နယ်အသင်းဟာ ဘာစီလိုနာ ကွင်းလယ်လူ ကော်တင်ညိုကို အငှားစာချုပ်နဲ့ ခေါ်ယူဖို့ ပြင်ဆင်နေတယ်လို့ သိရပါတယ်။  ပြီးခဲ့တဲ့ရာသီက ဘိုင်ယန်မြူးနစ်အသင်းမှာ တစ်ရာသီစာချုပ်နဲ့ အငှားထွက် ကစားခဲ့တဲ့ ကော်တင်ညိုကို ဘာစီလိုနာအသင်းက ရောင်းချဖို့ ဆုံးဖြတ်ထားတာပါ။ ဒါပေမဲ့လည်း အပြီးသတ် ခေါ်ယူမယ့်အသင်း မရှိတာကြောင့် အငှားစာချုပ်နဲ့ပဲ လက်လွှတ်ဖို့ ဘာစီလိုနာအသင်းက ပြင်ဆင်ထားတယ်လို့ သိရပါတယ်။  ကော်တင်ညိုကို တစ်ရာသီစာချုပ်နဲ့ အငှားခေါ်ယူလိုတဲ့ အသင်းတွေအနေနဲ့ စုစုပေါင်း ကုန်ကျငွေ ယူရိုသန်း ၃၀ လောက် ပေးချေရနိုင်တာပါ။ အငှားစာချုပ်အတွက်  ဘာစီလိုနာကို ယူရို သန်း ၂၀ ပေးချေရမှာဖြစ်ပြီး ကော်တင်ညိုရဲ့ တစ်ရာသီစာ လုပ်ခက ယူရို ၁၀ သန်း ခန့်ရှိတာ ဖြစ်ပါတယ်။  ကော်တင်ညိုရဲ့ အေးဂျင့်ဖြစ်သူဟာ အာဆင်နယ်နဲ့ ဆက်သွယ်နေတယ်လို့ သတင်း ထွက်ပေါ်နေပြီး စပါးနဲ့ လက်စတာအသင်းတွေကလည်း ခေါ်ယူဖို့ စိတ်ဝင်စားနေတယ်လို့ သိရပါတယ်။  ကော်တင်ညိုဟာ ပြီးခဲ့တဲ့ရာသီက ဘိုင်ယန်မြူးနစ်နဲ့အတူ ၃၄ ပွဲ ကစားခဲ့ပြီး ၉ ဂိုးသွင်း၊ ၈ ကြိမ် ဂိုး ဖန်တီးနိုင်ခဲ့ပါတယ်။
7 months Ago
More News
Up