ကလေးမြို့နယ်

March 27, 2019

ကလေးမြို့နယ်တွင် ယာဉ်မတော်တဆမှုကြောင့် သုံးနှစ်အတွင်း လူ ၁၅၀ သေဆုံး

ပြီးခဲ့တဲ့ ၂၀၁၈ ခုနှစ်အတွင်း စစ်ကိုင်းတိုင်း ကလေးမြို့နယ်မှာ ယာဉ်မတော်တဆဖြစ်ပွား မှုပေါင်း ၁၄၀ မှု ဖြစ်ခဲ့ပြီး သေဆုံး ၅၄ ဦးနဲ့ ဒဏ်ရာရ ၁၈၂ ဦးထိ ရှိခဲ့ပါတယ်လို့ ကလေးခရိုင် ယာဉ်ထိန်းတပ်ဖွဲ့ ထုတ်ပြန်ချက်အရ သိရပါတယ်။ ကလေးမြို့နယ်ထဲမှာ  ယာဉ်မတော်တဆမှုတွေကြောင့် သေဆုံး၊ ဒဏ်ရာရ ပျက်စီးမှု စာရင်းတွေကို ကလေးခရိုင် ယာဉ်ထိန်းတပ်ဖွဲ့က မကြာသေးခင်က ထုတ်ပြန်လိုက်တာပါတယ်။ ပြီးခဲ့တဲ့ သုံးနှစ်တာ ကာလအတွင်းမှာ ၂၁၀၈ ခုနှစ်ဟာ ယာဉ်မတော်တဆမှု ရော သေဆုံးမှုပါ အများဆုံးနှစ်ဖြစ်တယ်လို့  ကလေးခရိုင် အမှတ် ၁၀၇ ယာဉ်ထိန်းရဲတပ်ဖွဲ့ စုမှူးရုံးက ဒုရဲအုပ် ညီညီမင်းထိုက်ကပြောပါတယ်။ "ဒါကိုမြင်ကြရင် အက်ဆီးဒင့်ကြောင့် လူတွေ သေကြတာ၊ ဒဏ်ရာရကြတာကို ဆင်ခြင်နိုင်ဖို့လည်း ပါတာပေါ့" ကလေးမြို့နယ်မှာ ၂၀၁၆ ခုနှစ်မှာ ယာဉ်မတော်တဆမှုပေါင်း ၁၂၄ မှု ၊ သေဆုံးသူ ၄၄ ဦးနဲ့ ဒဏ်ရာရသူ ၁၇၆ ဦးရှိခဲ့ပြီး  ၂၀၁၇ ခုနှစ်မှာ ၁၂၇ မှု၊ သေဆုံးသူ ၅၂ ဦးနဲ့ ဒဏ်ရာရသူ ၂၃၄ ဦး၊ ၂၀၁၈ ခုနှစ်မှာတော့ ၁၄၀ မှုထိတိုးလာသလို သေဆုံးသူ  ၅၄ ဦးနဲ့ ဒဏ်ရာရသူ ၁၈၂ ဦးထိ ရှိခဲ့ပါတယ်။ ယာဉ်မတော်တဆမှုတွေကြောင့်  ပျက်စီးဆုံးရှုံးခဲ့ရတဲ့ ပမာဏကတော့ ပြီးခဲ့တဲ့ သုံးနှစ် အတွင်း ကျပ်သိန်း ၃၄၀ ကျော်ဆုံးရှုံးခဲ့တယ်လို့ သိရပါတယ်။ ကလေးမြို့မှာ တနှစ်ထက်တနှစ် ယာဉ်အသုံးပြုမှုတွေက ပိုမိုများပြားလာနေပြီး  အရင်က ဆိုင်ကယ်အသုံးပြုတာများပေမယ့် ၂၀၁၆ နောက်ပိုင်း မော်တော်ကားအသုံးပြုမှုလည်း များပြားလာပါတယ်။ သတင်း- မင်းရဲစစ်နိုင်
2 years Ago

May 4, 2018

ကလေးမြို့နယ်တွင် သစ်တင်ကား ၃ စီး၊ သစ်တန် ၁၄ တန်ကျော် ဖမ်းမိ

မေလ ၂ ရက်နေ့က ကလေးမြို့နယ် အင်ဒိုင်းကြီးရွာ တပ်ထိန်းလမ်းခွဲမှာ တရားမဝင် သစ်တင်ကား ၃ စီးနဲ့ သစ်တန်ချိန် ၁၄ တန်ကျော် ဖမ်းဆီးမိခဲ့တယ်လို့ ကလေးမြို့မ ရဲစခန်းက သိရပါတယ်။ အမှတ် (၇) တပ်မတော် တပ်ထိန်းတပ်ခွဲက အရာရှိကိုယ်တိုင် ပါဝင်ပြီး သစ်တောဌာန တာဝန်ရှိသူတွေ အပါအဝင် ကလေးမြို့ရဲတပ်ဖွဲ့ နယ်ထိန်းခေါင်းဆောင် ရဲအုပ်ချစ်စမ်းမောင် ကျေးရွာတာဝန်ရှိသူတွေ ပူးပေါင်းပြီး ဖမ်းဆီးခဲ့တာပဲ ဖြစ်ပါတယ်။ တရားမဝင် သစ်ဖမ်းဆီးမှုမှာ HINO ၆ ဘီးယာဉ် ၃ စီးနဲ့အတူ တရားမဝင်ပျဉ်းကတိုး သစ်ခွဲသား ၂၉ လုံး၊ တန်ချိန် ၁၄ ဒသမ ၇၄၃ တန်နဲ့ ယာဉ်မောင်း ၃ ဦးတို့ကို ဖမ်းဆီးရမိခဲ့တယ်လို့လည်း သစ်တောဌာန တာဝန်ရှိသူတဦးက ဆိုပါတယ်။ တရားမဝင် သစ်သယ်ဆောင်လာတဲ့ ယာဉ်သုံးစီးနဲ့အတူ နေထက်လင်း(ခ)ချင်းလေး၊ ဖိုးလုံး(ခ)ဇင်မင်းထွန်းနဲ့ မောင်ဝင်းတုိ့ကို ကလေးနယ် သစ်တောဌာန တောအုပ် အောင်ကျော်ထွေးက တရားလိုပြုပြီး ပြည်သူပိုင်ပုဒ်မ ၆(၁) နဲ့ အမှုဖွင့်တိုင်ကြားထားပြီး ရဲအုပ်မျိုးမြင့်သန်းက စစ်ဆေးနေတယ်လို့ သိရပါတယ်။ သတင်း - မင်းရဲစစ်နိုင်
3 years Ago
Up