ကလေးပြည့်တန်ဆာ

October 19, 2018

ကလေးပြည့်တန်ဆာဇာတ်သွင်း ခိုင်းစေခဲ့သည့် ရဲအရာရှိဟောင်း ထောင်ဒဏ် ၃၀၉ နှစ် ချမှတ်ခံရ

ထိုင်းနိုင်ငံမှာ အသက်မပြည့်သေးတဲ့ မိန်းကလေးငယ်တွေကို ပြည့်တန်ဆာဇာတ်သွင်း ခိုင်းစေခဲ့တဲ့အမှုမှာ ပါဝင်ခဲ့တဲ့ ရဲအရာရှိဟောင်းတဦးကို ရာဇဝတ်ပြစ်မှုဆိုင်ရာ တရားရုံးက ထောင်ဒဏ် ၃၀၉ နှစ်အထိ အမြင့်ဆုံးပြစ်ဒဏ် ချမှတ်လိုက်တယ်လို့ သည်နေးရှင်းသတင်းမှာ အောက်တိုဘာ ၁၈ ရက်နေ့က ဖော်ပြပါတယ်။ ကင်းလှည့်ရဲအရာရှိဟောင်း တယောက်ဖြစ်တဲ့ အသက် ၄၃ နှစ်အရွယ် ယူသချိုင် ထောင်ချာ့တ်ဟာ ဘန်ကောက်မြို့မြောက်ပိုင်း၊ မယ်ဟောင်ဆောင်ခရိုင်ထဲမှာ ၂၀၁၂ ခုနှစ်ကနေ ၂၀၁၆ ခုနှစ်အထိ အသက် ၁၈ နှစ်အောက် မိန်းကလေးတွေကို သိမ်းသွင်းပြီး ပြည့်တန်ဆာအဖြစ် ခိုင်းစေ ပြစ်မှုကျူးလွန်ခဲ့တာ ဖြစ်ပါတယ်။ သူနဲ့အတူ ကြံရာပါ အမျိုးသမီး ၂ ဦးကိုလည်း ထောင်ဒဏ် ၁၈၃ နှစ်စီ ကျခံစေဖို့ အမိန့်ချမှတ်ခဲ့ပြီး နောက်ထပ်တဦးကိုတော့ ထောင်ဒဏ် ၆၅ နှစ် အသီးသီး ချမှတ်ခဲ့တာ ဖြစ်ပါတယ်။ ရဲအရာရှိနဲ့ အပေါင်းပါတွေဟာ တန်ဘွန်ခရိုင်ထဲက ဟိုတယ်တခုထဲမှာ မိန်းကလေးတွေကို ပြည့်တန်ဆာအဖြစ် ခိုင်းစေရောင်းစားမှုတွေ ကျူးလွန်ခဲ့တာကို ဖော်ထုတ်နိုင်ခဲ့ပြီးနောက်မှာ ဘတ်ငွေ ၈ သိန်းခွဲစီ ကာယကံရှင်တွေကို လျော်ကြေးပေးဖို့ ကနဦး ပြစ်ဒဏ်ချမှတ်ခံခဲ့ရတာပါ။ ဒီအမှုဟာ ပြည့်တန်ဆာအဖြစ် ရောင်းစားခံခဲ့ရသူ မိန်းကလေးတဦးရဲ့ မိခင်ဖြစ်တဲ့ အသက် ၄၃ နှစ်အရွယ် အမျိုးသမီးတဦးက ရဲတွေကို တိုင်ကြားခဲ့ပြီးနောက်မှာ ကွင်းဆက်လိုက် ဖော်ထုတ်နိုင်ခဲ့တာ ဖြစ်ပါတယ်။
3 years Ago

June 14, 2016

ကလေးပြည့်တန်ဆာ ၀ယ်ယူမှုဖြင့် အမေရိကန် နိုင်ငံသားတဦးကို ထောင်ဒဏ် ၁၀ နှစ်ချမှတ်

ကမ္ဘောဒီးယားနိုင်ငံမှာ အသက် ၅၃ နှစ်အရွယ် အမေရိကန်နိုင်ငံသားတဦးကို ကလေးပြည့်တန်ဆာ ၀ယ်ယူမှုနဲ့ တရားရုံးက ထောင်ဒဏ် ၁၀ နှစ် ချမှတ်လိုက်တယ်လို့ ဆင်ဟွာသတင်းတပုဒ်မှာ ဖော်ပြပါတယ်။ ဘရိုင်ယန်နက်စ်ဝေါလ် အမည်ရတဲ့ အဲဒီအမျိုးသားဟာ ဖနွမ်းပင်မြို့တော်အခြေစိုက် Aero Cambodia လေယာဉ်ထုတ်လုပ်ရေး သင်တန်းမှ အမှုဆောင်အရာရှိချုပ်တဦး ဖြစ်ပါတယ်။ သူ့မှာ ကလေးပြည့်တန်ဆာ ၀ယ်ယူမှုနဲ့ ပတ်သက်တဲ့ သံသယဖြစ်ဖွယ် တွေ့ရှိခဲ့ရတာ ဖြစ်တယ်လို့ တရားမမှု ဆုံးဖြတ်ချက်မှာ ဖနွမ်းပင်မြို့တော် တရားရုံးမှ တရားသူကြီး ခေချေက ထုတ်ပြန်ကြေညာခဲ့တာပါ။ တရားရုံးဆုံးဖြတ်ချက်ထဲမှာ ပြစ်မှုကျူးလွန်ခံရတဲ့သူ ၈ ဦးကို တဦးချင်းစီ အမေရိကန်ဒေါ်လာ ၂၀၀၀ လျော်ကြေးအဖြစ် ပေးဆောင်စေဖို့လည်း ပါရှိပါတယ်။ နက်စ်ဝဲလ်ကို ၂၀၁၅ ခုနှစ်၊ မေလ ၂၂ ရက်နေ့မှာ ခိုပစ်ခ်ျကျွန်းမှာ ၁၃ နှစ်အရွယ် မိန်းကလေးတဦးကို သူ့ရဲ့သူငယ်ချင်း ၂ ဦးရှေ့မှာ သူ့ရဲ့လိင်အင်္ဂါကို ထိကိုင်စေတဲ့အမှုနဲ့ ဖမ်းဆီးနိုင်ခဲ့တာပါ။ သူဟာ တခြား အသက်မပြည့်သေးတဲ့ မိန်းကလေး ၆ ဦးကိုလည်း ခုလို ပြစ်မှုကျူးလွန်ခဲ့ပါသေးတယ်။ ကမ္ဘောဒီးယားနိုင်ငံမှာ အရွယ်မရောက်သေးတဲ့ ကလေးသူငယ်တွေကို လိင်ပိုင်းဆိုင်ရာ ပြစ်မှုကျူးလွန်မှုတွေမှ ကာကွယ်အဆုံးသတ်နိုင်ဖို့ ၂၀၀၃ ခုနှစ်မှာမှ စတင်လာခဲ့ပြီး ဒါဇင်နဲ့ချီတဲ့ နိုင်ငံခြားသားတွေကို ကလေးသူငယ် လိင်ပိုင်းဆိုင်ရာ ပြစ်မှုတွေအတွက် ထောင်ဒဏ်တွေ ချမှတ်ခဲ့တယ်လို့ ဆိုပါတယ်။
5 years Ago
Up