ကလေးများ

November 24, 2018

ကလေးများအတွက် ပြည်တွင်းထုတ်သင်ထောက်ကူပစ္စည်း နိုင်ငံခြားက မှာယူလာ

ကလေးတွေအတွက်သာမက တက္ကသိုလ်ဝင်ကျောင်းသားတွေအတွက်ပါ ထုတ်လုပ်နေတဲ့ ပြည်တွင်းထုတ် သင်ထောက်ကူပစ္စည်းတွေကို နိုင်ငံခြားတိုင်းပြည်တွေကပါ မှာယူလာတယ်လို့ ကုမ္ပဏီတာဝန်ရှိသူက ပြောပါတယ်။ ကလေးတွေအတွက် အင်္ဂလိပ်စာအက္ခရာတွေကို သုံးဖက်မြင်ပုံတွေနဲ့ လေ့လာနိုင်မယ့် အက်ပလီကေးရှင်းအပါအဝင် တက္ကသိုလ်ဝင်တန်းအတွက် ဓာတုဗေဒ၊ ဇီဝဗေဒအတွက် သင်ထောက်ကူအက်ပလီကေးရှင်းကို ထုတ်လုပ်ထားပြီး မကြာခင် ရူပဗေဒအတွက်လည်း ဖြန့်ချိတော့မယ်လို့ ဆိုပါတယ်။ မြန်မာနိုင်ငံသားတွေကပဲ ထုတ်လုပ်တာဖြစ်ပြီး သူတို့က ဒါကို ဓာတ်သင်ပုန်းလို့ အမည်ပေးထားပါတယ်။ ထုတ်လုပ်တဲ့ 360 ed ကုမ္ပဏီရဲ့ ဦးဆောင်ညွှန်ကြားရေးမှူး ဦးရန်မင်းအောင်က “အထက်တန်း ကျောင်းသားတွေအတွက် ထုတ်ထားတဲ့ ဓာတ်သင်ပုန်းမှာ အဓိကအားဖြင့် လုပ်ဆောင်မှု ငါးမျိုး ရှိပါတယ်။ flashcards လို့ ခေါ်တဲ့ စာကျက်ကတ်တွေ။ စာကျက်ကတ်နဲ့ app နဲ့ တွဲသုံးရတဲ့ Augmented Reality လို့ခေါ်တဲ့ AR။ ဖတ်စာအုပ်ထဲက အရေးကြီး သဘောတရားတွေကို နားလည်အောင် မြန်မာလိုပါ ရှင်းပြထားတဲ့ နုတ်စ်တွေ။ မြန်မာလိုရှင်းပြပြီး အင်္ဂလိပ်လို ဖတ်စာအုပ်ထဲက ပါတဲ့အတိုင်း စာတန်းထိုးထားတဲ့ ဗွီဒီယိုဖိုင်တွေ။ မေးခွန်းဟောင်းတွေကို အခြေခံပြီး မေးခွန်းသစ်ပုံစံဖြေနိုင်တဲ့ chapter end test နဲ့ exam တွေဖြစ်ပါတယ်။ exam နဲ့ test တွေဆိုရင် ဖြေပြီး ချက်ချင်း ကိုယ့်အမှတ်ကို သိရတဲ့ ဘယ်နေရာမှားလဲ၊ အဖြေမှန်ကဘာလဲ ဆိုတာပါ ချက်ချင်းသိရမှာဖြစ်ပါတယ်” လို့ ပြောပါတယ်။ ပြီးတော့ ဓာတုဗေဒမှာဆို interactive ဖြစ်တဲ့ periodic table၊ AR ဓာတ်ခွဲခန်းတို့၊ အင်္ဂလိပ်အသံထွက် အမှန်နဲ့နားထောင်ပြီး မြန်မာပြန်နဲ့ ဖတ်နိုင်တဲ့ အဓိပ္ပာယ်ဖွင့်ဆိုချက်တွေ၊ ဇီဝဗေဒမှာဆိုရင် ပုံဆွဲနည်းတွေ၊ ပုံကို အညွှန်းထိုးလေ့ကျင့်တာတွေ၊ lab လုပ်နည်း လမ်းညွှန် ဗွီဒီယိုတွေ၊ ရူပဗေဒမှာဆိုရင် interactive ရုပ်ပုံလေးတွေနဲ့ ကိုယ့်ဘာသာကိုယ်လေ့လာနိုင်တဲ့ လုပ်ဆောင်ချက်တွေ ပါသေးတယ်လို့ ပြောပါတယ်။ “ဖုန်းနဲ့တွဲပြီးသုံးရတဲ့ App ထဲမှာတော့ လူကြိုက်အများဆုံးက AR (Augmented Reality) ပါ။ AR ဆိုတာကတော့ ကိုယ့်ရဲ့ ကမ္ဘာထဲကို 3D ပုံရိပ်လေးတွေ ခေါ်လာတဲ့ နည်းပညာဖြစ်ပါတယ်။ App ထဲမှာ AR ခလုပ်နှိပ်လိုက်ရင် ကင်မရာလို စကရင်လေးပေါ်လာပါလိမ့်မယ်။ အဲဒီကင်မရာနဲ့ ခုနကပြောတဲ့ flashcard (စာကျက်ကတ်) ထဲက အရောင်ကွပ်ထားတဲ့ ကတ်တွေကို ထောက်ကြည့်လိုက်ရင် ကတ်နဲ့ သက်ဆိုင်တဲ့ သုံးဖက်မြင် လှုပ်ရှားနေတဲ့ ပုံလေးတွေ ပေါ်လာပါလိမ့်မယ်။ စာရွက်ပေါ်မှာ ပြားပြားကြီး ဖြစ်လို့ နားလည်ရခက်တဲ့ အကြောင်းအရာတွေကို ဒီမှာ ကိုယ်တိုင် ကိုယ်တွယ်သလို ဖင်ပြန်ခေါင်းပြန် လှည့်ပတ်ကြည့်ရှုလေ့လာလို့ရတဲ့အတွက်၊ နားလည်ရလွယ်သလို၊ တခါကြည့်ပြီးသွားရင် ပြန်မေ့ဖို့ ခက်သွားပါလိမ့်မယ်” လို့ ပြောပါတယ်။ ဒါကို အန်းဒရိုက်ဗားရှင်း ၅ နဲ့ အထက်ရှိတဲ့ ဖုန်းတွေမှာ သုံးလို့ရပါတယ်။ နိုင်ငံခြားတိုင်းပြည်တွေက မှာယူထားကြသလို အစိုးရပိုင်းကပါ တရားဝင် သုံးစွဲဖို့ မှာယူတာတွေ ရှိတယ်လို့လည်း ဦးရန်မင်းအောင်က ပြောပါတယ်။ “နိုင်ငံခြားကမှာယူတဲ့အခါမှာ ၂ ပိုင်းရှိပါတယ်။ ကိုယ်ထုတ်ထားတာကို သူတို့နဲ့ ကိုက်ညီအောင် ဘာသာစကား၊  ပုံ အစရှိသဖြင့် အနည်းငယ်ပြောင်းပေးပြီး ကိုယ့်ပစ္စည်း အဲဒီ ဈေးကွက်မှာရောင်းတဲ့ အပိုင်းရယ်၊ အစိုးရပိုင်းဆိုင်ရာက တနိုင်ငံလုံးအတွက်ထုတ်တဲ့ သင်ရိုး တခုလုံးကို ကျနော်တို့ရဲ့ နည်းပညာကိုသုံးပြီး ပြောင်းလဲပေးဖို့ ပြောလာတဲ့အပိုင်းပါ။ အစိုးရပိုင်းနဲ့ ပြောတာတော့ လောလောဆယ် တနိုင်ငံတည်း ရှိပါသေးတယ်။ အလုပ်ဖြစ်မယ်ဆိုရင်တော့ ကိုယ့်ပစ္စည်း ဈေးကွက်မှာရောင်းဖို့ထက် သူတို့ရဲ့ သင်ရိုးညွှန်းတမ်းကို ကျနော်တို့ရဲ့ နည်းပညာ ထည့်ပေးဖို့ ပိုဖြစ်ပါလိမ့်မယ်။ နှစ်ရှည် ပရောဂျက်တခု ဖြစ်ပါလိမ့်မယ်။ ဖြန့်ချိသူတွေလုပ်မယ့် မိတ်ဖက် ကုမ္ပဏီတွေနဲ့တော့ ဈေးကွက် ၁၁ ခုလောက်အထိ စကားပြောပြီးပါပြီ။ တချို့တွေဆို စ မှာနေပြီး တစ်ချို့တွေဆို စရောင်းနေပါပြီ။ အင်ဒိုနီးရှား၊ ဖိလစ်ပိုင်၊ မွန်ဂိုလီးယား၊ စင်္ကာပူနဲ့ မလေးရှားက မှာပြီးပါပြီ။ ဟောင်ကောင်၊ ထိုင်ဝမ်၊ ဂျပန်နဲ့ အရှေ့အာဖရိက (ကင်ညာ၊ အီသီယိုပီးယား) ဈေးကွက်တွေအတွက် localization (မူပြောင်းတာ) လုပ်နေပါပြီ။ တချို့ဆို ပြီးသလောက်ရှိနေပါပြီ။ နိုင်ငံမဟုတ်ပေမယ့် ဈေးကွက်တစ်ခုအနေနဲ့ သတ်မှတ်ပြီး ထိုးဖောက်ဖို့ရှိတာကတော့ တိဘက်ပါ။ သူတို့နဲ့လည်း customization စနေပါပြီ” လို့ ပြောပါတယ်။ ဒါ့အပြင် လာအို၊ ကမ္ဗောဒီးယား၊ ထိုင်း နဲ့ ရိုမေးနီးယားမှာလည်း စိတ်ဝင်စားသူတွေ့ထားပြီး စကားပြောနေပြီလို့ ဆိုပါတယ်။ ဒီ ဓာတ်သင်ပုန်းတွေကို အွန်လိုင်းဈေးဆိုင်တွေက ဝယ်လို့ရသလို စာအုပ်တိုက်တွေ၊ စူပါမတ်ကက်တွေမှာလည်း ရနိုင်တယ်လို့ သူက ဆိုပါတယ်။ ပြီးခဲ့တဲ့ ၂၀၁၇ ခုနှစ်က AR စာအုပ်ကို စတင်ထုတ်ဝေခဲ့ပြီး အခု မေလကနေ ပြီးခဲ့တဲ့ လကုန်အထိ ပြည်တွင်းမှာ ဘာသာရပ်ပေါင်းစုံအတွက် ဘူးပေါင်း တသောင်းခွဲလောက် ရောင်းချနိုင်ခဲ့ပြီး ပြည်ပကိုတော့ ၂ သောင်းလောက် တင်ပို့နိုင်ခဲ့ပါတယ်။ နောက်ထပ်လည်း သင်ရိုးသစ်ဖတ်စာအုပ်နဲ့အညီ တခြားတန်းစဉ်တွေနဲ့ တခြား ဘာသာရပ်တွေ ဆက်လက်ထုတ်သွားဖို့ရှိပြီး နိုင်ငံခြားရော မြန်မာရောမှာ တပြိုင်တည်းထုတ်မယ့် ဘာသာကိုအခြေမခံဘဲ အကြောင်းအရာကို အခြေခံတဲ့ ထုတ်ကုန်တွေလည်း ထုတ်သွားမယ်လို့လည်း ဦးရန်မင်းအောင်က ပြောပါတယ်။ ဒီကုမ္ပဏီဟာ ပြင်သစ်နိုင်ငံအခြစိုက် UNESCO အဖွဲ့ချုပ်ကြီးနဲ့ သူရဲ့နည်းပညာတွဲဖက် အဖွဲ့အစည်းဖြစ်တဲ့ Netexplo အဖွဲ့ချုပ်ကြီးကပေးတဲ့ World's Top 10 Digital Innovation Award ကို ပြီးခဲ့တဲ့ ဖေဖော်ဝါရီမှာ မြန်မာပြည်က ပထမဆုံးအနေနဲ့ ရရှိခဲ့ပါသေးတယ်။
3 years Ago

October 19, 2018

ကလေးများ ဗိုလ်ချုပ်သီချင်း ဆိုပြသည့်ရုပ်သံ ကြည့်ရှု နားဆင်သူ များနေ

နိုင်ငံတော်၏အတိုင်ပင်ခံပုဂိုလ် ဒေါ်အောင်ဆန်းစုကြည်ကို ဆော့လော်၊ လာချင်ဒေသနေ ကျောင်းသားကလေးငယ်တွေက ဗိုလ်ချုပ်သီချင်း ဆိုပြတဲ့ ရုပ်သံဖိုင်ဟာ အတိုင်ပင်ခံရုံးဖေ့စ်ဘွတ်ခ်မှာ တင်လိုက်ပြီးတဲ့နောက် ကြည့်ရှုသူနဲ့ ရှယ်သူ များနေပါတယ်။ ဒေါ်ခင်ကြည်ဖောင်ဒေးရှင်း ဥက္ကဋ္ဌ ဒေါ်အောင်ဆန်းစုကြည်ဟာ ၂၀၁၆ ခုနှစ်တည်းက ဒေါ်ခင်ကြည်ဖောင်ဒေးရှင်းက ထောက်ပံ့ကူညီ ကျွေးမွေးစောင့်ရှောက်ပေးထားတဲ့ မြစ်ကြီးနားမြို့ပေါ်ရွှေစက်ရပ်ကွက်ရှိ ဆော့လော်၊ လာချင်ဒေသနေ ကျောင်းသားကလေးငယ်များ စောင့်ရှောက်ရေးစခန်းကို ဒီနေ့ သွားရောက်ကြည့်ရှူစဉ်မှာ စခန်းက ကျောင်းသားတွေက ဗိုလ်ချုပ်အောင်းသီချင်းနဲ့ ငြိမ်းချမ်းခြင်းကို တည်ဆောက်စို့ ဆိုတဲ့ သီချင်း ၂ ပုဒ်နဲ့ သီဆိုဖျော်ဖြေခဲ့ကြတာ ဖြစ်ပါတယ်။ သီချင်းရုပ်သံဖိုင်တင်ပြီး နာရီပိုင်းအတွင်းမှာပဲ လိုက်ခ်လုပ်သူ ၈၅၀၀ ကျော်၊ ရှယ်သူ ၃၅၀၀ ကျော်ရှိပြီး ကောမန့်တွေမှာလည်း ရင်ထဲက အသံတွေ၊ ငြိမ်းချမ်းခြင်းကို အမေနဲ့အတူ အမြန်တည်ဆောက်နိုင်ပါစေ။ ကလေးတို့ရေ ကလေးတို့ဘဝလေးတွေ အမြန်ဆုံးအေးချမ်းသာယာမှာပါ။ ကြည်​နူးစရာမြင်​ကွင်း စသဖြင့် ၀င်ရေးထားကြတာလည်း တွေ့မြင်ရပါတယ်။
3 years Ago
More News
Up