ကလေးစာပေပွဲတော်

December 28, 2018

ကလေးစာပေပွဲတော် မူဆယ်မြို့တွင် ကျင်းပ (ဓာတ်ပုံ)

ရှမ်းပြည်နယ်၊ မူဆယ်မြို့ မူဆယ်မင်္ဂလာ ဗဟိုစီးပွားဇုန်မှာ ကလေးစာပေပွဲတော်ကို ဒီဇင်ဘာ ၂၈ ရက်နေ့ကနေ ၃၀ ရက်နေ့အထိ ၃ ရက်တိုင် ကျင်းပပြုလုပ်နေပါတယ်။ ကလေးစာပေပွဲတော်ကို ပြန်ကြားရေးနဲ့ ပြည်သူ့ဆက်ဆံရေး ဦးစီးဌာနနဲ့ မူဆယ်ခရိုင် စီမံခန့်ခွဲရေးကော်မတီတို့က ကြီးမှူးကျင်းပပြုလုပ်တာပါ။ မူဆယ် ကလေးစာပေပွဲတော်မှာ ကလေးတွေအတွက် ပုံပြောပြိုင်ပွဲ၊ ကျပန်းစကားပြောပြိုင်ပွဲ၊ စာဖတ်စွမ်းရည်ပြိုင်ပွဲ၊ စာအုပ်အရောင်းပွဲနဲ့ စာပေစကားဝိုင်းတွေ ပြုလုပ်နေပါတယ်။ ကလေးစာပေပွဲတော်ကို ရှမ်းပြည်နယ်အစိုးရအဖွဲ့ ဗမာတိုင်းရင်းသားရေးရာဝန်ကြီး ဒေါက်တာအောင်သန်းမောင်နဲ့ အစိုးရအဖွဲ့ဝင်တွေက တက်ရောက်ဖွင့်လှစ်ပေးခဲ့ပြီး ကလေးငယ်တွေနဲ့ ကလေးမိဘတွေ၊ ဌာနဆိုင်ရာမှ တာဝန်ရှိသူတွေ ရန်ကုန်မှ စာရေးဆရာတွေ၊ ဒေသခံစာပေသမားတွေ အပါအဝင် လူပေါင်း ထောင်နဲ့ချီတက်ရောက်ခဲ့ကြပါတယ်။ သတင်းဓာတ်ပုံ - ko zan
3 years Ago

November 3, 2018

ပုသိမ်​မြို့တွင်​ က​လေးစာ​ပေပွဲ​တော်ကို ကျပ်သိန်း ၁၀၀၀ ကျော်အကုန်ကျခံ ကျင်းပ

ဧရာဝတီတိုင်း​ဒေသကြီး၊ ပုသိမ်​မြို့ ပုသိမ်တက္ကသိုလ်မှာ ကလေးစာပေပွဲတော်ကို ပထမဆုံးအကြိမ်အဖြစ် နိုဝင်ဘာ ၃ ရက်ကနေ  ၅ ရက်အထိ ၃ ရက်တိုင်ကျင်းပနေပါတယ်။ ကလေးစာပေပွဲတော်ကို ပြန်ကြားရေးဝန်ကြီးဌာနနဲ့ ဧရာဝတီတိုင်းဒေသကြီးအစိုးရအဖွဲ့တို့ ပူးပေါင်းကျင်းပတာဖြစ်ပြီး ကုန်ကျစရိတ် ကျပ်သိန်း ၁၀၀၀ အကုန်ကျခံကျင်းပပေးတာလို့ ဧရာဝတီတိုင်း စည်ပင်သာယာရေး ဝန်ကြီး ဦးကျော်မြင့်ကပြောပါတယ်။ “ပုသိမ်မြို့မှာ ကလေးစာပေပွဲတော် ကျင်းပဖို့အတွက် ကျန်ခဲ့တဲ့ နှစ်တွေထဲက ကြိုတင်ပြင်ဆင်ခဲ့ပါတယ်။ ဒီနှစ်မှာတော့ ကျင်းပမယ်ဆိုပြီးတော့ လွန်ခဲ့တဲ့ သုံးလကတည်းက ကြိုတင်ပြင်ဆင်ခဲ့ရပါတယ်။ တိုင်းဒေသကြီးအဆင့်ကျင်းပတာတော့ ဒါပထမဆုံးပါ။ တခြားတခြားသောပြည်နယ်နဲ့တိုင်းတွေမှာ ကလေးစာပေပွဲတော် ကျင်းပပြုလုပ်ခဲ့ပြီး ဧရာဝတီတိုင်းဒေသကြီးကတော့ ရှစ်ခုမြောက်ပွဲအနေနဲ့ ကျင်းပပြုလုပ်တာပါ”လို့ ပြောပါတယ်။ ကလေးတွေ စာပေနှစ်သက်မွေ့လျော်ပြီး ရာသက်ပန်ပညာရှာမှီး သူတွေဖြစ်လာစေဖို့၊ ပွဲတော်မှာပျော်ရွှင်စွာဆင်နွှဲရင်း စုပေါင်းအလုပ်တွေမှာ ဝိုင်းဝန်းပါဝင်တတ်တဲ့ အလေ့အထ ကောင်းတွေ ရရှိလာစေဖို့နဲ့ အရည်အသွေးမြင့်မားပြည့်ဝပြီး အနာဂတ်တိုင်းပြည်အတွက် ဦးဆောင်ဦးရွက်ပြုနိုင်သူတွေ ဖြစ်လာနိုင်စေဖို့ ရည်ရွယ်ကျင်းပတာလို့သိရပါတယ်။ စာပေပွဲတော်မှာ ပုံပြောပြိုင်ပွဲ၊ ကဗျာရွတ်ပြိုင်ပွဲတွေ၊ နေ့စဉ် စာပေဟောပြောပွဲတွေ၊ ဂိမ်းကစားပွဲတွေ၊ ဘောလုံးပြိုင်ပွဲ၊ ထုပ်ဆီးတိုးပြိုင်ပွဲတွေ အပြင် ဖျော်ဖြေရေး အစီအစဉ်အ​နေနဲ့ ဆင်​အက၊ မျက်​လှည့်၊ ခြင်းလုံးအလှပြခတ်​ပွဲတွေလည်း ထည့်သွင်းကျင်းပနေပါတယ်။ ကလေးစာပေပွဲတော်မှာ နည်းပညာပြခန်းတွေ၊ ဧရာဝတီတိုင်းထဲရှိ တက္ကသိုလ်တွေ ကျောင်းတွေက ပြသထားတဲ့ပြခန်းတွေနဲ့ ဌာနဆိုင်ရာတွေအလိုက်ပြသထားတဲ့ ပြခန်းတွေလည်း ပါဝင်ပြသထားပါတယ်။ ဝါးခယ်မမြို့နယ် ကွင်းချောင်းဖျားရွာအလယ်တန်းကျောင်းအုပ် ဒေါ်ဝင်းရီက “ကလေးစာပေပွဲတော်မှာ ပြခန်းတွေကိုလေ့လာရတော့ ကလေးတွေ ဗဟုသုတလည်းရတယ်။ ဒီမှာစကားပုံဆက်တာတွေ၊ အရုပ်လုပ်တဲ့နေရာတွေကို ကြည့်ခြင်းအားဖြင့် အတွေ့အကြုံတွေရတယ်။ သူတို့မှာ တီထွင်စိတ်ဓါတ်တွေ အများကြီးဖြစ်လာမယ်။ ငါတို့လည်း ဒါမျိုးလုပ်ရင်ရပါလားဆိုတဲ့ စိတ်ဓာတ်တွေ ဖြစ်လာမယ်”လို့ ပြောပါတယ်။ ကလေးစာပေပွဲတော်ဖွင့်ပွဲကို အောက်တိုဘာ ၃ ရက် မနက်ပိုင်းကကျင်းပခဲ့ပြီး ပြန်ကြားရေးဝန်ကြီး ဒေါက်တာဖေမြင့်၊  ပညာရေးဝန်ကြီး ဒေါက်တာမျိုးသိမ်းကြီး၊ ဧရာဝတီတိုင်း ဝန်ကြီးချုပ်နဲ့ အစိုးရဝန်ကြီးတွေ တက်ရောက်ဖွင့်လှစ်ပေးခဲ့ပြီး ဧရာဝတီတိုင်းဒေသကြီးထဲက အခြေခံပညာကျောင်းသားပေါင်း ငါးသောင်းကျော်တက်ရောက်ခဲ့တယ်လို့ သိရပါတယ်။
3 years Ago
More News
Up