ကလေး

March 16, 2019

ကလေးမြို့တွင် အင်အား ၄.၃ အဆင့်ရှိ မြေငလျင်လှုပ်

စစ်ကိုင်းတိုင်းဒေသကြီး ကလေးမြို့မှာ ဒီနေ့မနက်အစောပိုင်းက မြေငလျင်တခု လှုပ်ခတ်သွားတယ်လို့ မိုးဇလက သတင်းထုတ်ပြန်ပါတယ်။ မတ် ၁၆ ရက်နေ့မနက်အစောပိုင်း ၂ နာရီခွဲလောက်က ကလေးမြို့ရဲ့ အရှေ့တောင်ဘက် ၁၉ မိုင်ခန့်အကွာ။ မြောက်လတ္တီတွဒ် ၂၂.၉၆ ဒီဂရီ၊ အရှေ့လောင်ဂျီတွဒ် ၉၄.၂၁ ဒီဂရီ၊ ဗဟိုချက် အနက် ၅၂ ကီလိုမီတာခန့်ကို ဗဟိုပြုပြီး အင်အား ရစ်(ခ်)တာစကေး (၄.၃) အဆင့်ရှိ အင်အား အနည်းငယ်ရှိသော မြေငလျင်တခု လှုပ်ခတ်သွားတယ်လို့ ဆိုပါတယ်။ မတ် ၁၃ ရက်နေ့ကလည်း ကလေးမြို့အနောက်တောင်ဘက်ကို ဗဟိုပြုပြီး ရစ်(ခ်)တာစကေး အင်အား ၅.၁ အဆင့်ရှိ မြေငလျင်တခု လုပ်ခတ်ခဲ့ပါတယ်။
3 years Ago

January 18, 2019

ကလေးတွင် သိမ်းဆည်းဆေးဝါးနှင့်အလှကုန်ပစ္စည်းများ မီးရှို့ဖျက်ဆီး

ကလေးခရိုင် အစားအသောက်နဲ့ ဆေးဝါးကွပ်ကဲရေးဦးစီးဌာနက သက်တမ်းလွန်ဆေးဝါးနဲ့ သုံးစွဲဖို့ မသင့်တဲ့ အစားအသောက်နဲ့ အလှကုန်ပစ္စည်းတွေကို ဇန်နဝါရီ ၁၈ ရက်နေ့ မနက်ပိုင်းက မီးရှို့ဖျက်ဆီးခဲ့ပါတယ်။ "၂၀၁၈ ခုနှစ်၊ ၈ လပိုင်းကနေ ဒီဇင်ဘာထိ ၄ လအတွင်း စစ်ဆေးတွေ့ရှိထားတဲ့ ပစ္စည်းတွေကို မီးရှို့ဖျက်ဆီးတာပါ။ ဒီလို ပစ္စည်းတွေအတွက် အရေးယူတဲ့အခါ ပစ္စည်း အနည်းအများပေါ် မူတည်ပြီး အရေးယူတာ လုပ်ပါတယ်။ ပထမ ပစ္စည်းသိမ်း ခံဝန်ချက်ထိုးခိုင်းတာ ရှိတယ်။ များရင်တော့ အစည်းအဝေးကော်မတီ တင်ပြပြီး ဆိုင်ပိတ်သိမ်းတဲ့အထိ အရေးယူမှု ပြုလုပ်ပါတယ်" လို့ ကလေးခရိုင် အစားအသောက်နဲ့ ဆေးဝါးကွပ်ကဲရေး ဦးစီးဌာန ဆေးဘက်ကျွမ်းကျင် (၂) ဖြစ်တဲ့ မငြိမ်းငြိမ်းအိက ပြောပါတယ်။ ကလေးခရိုင် အစားအသောက်နဲ့ ဆေးဝါးကွပ်ကဲရေးဦးစီးဌာန အစားအသောက် ကျန်းမာရေး ပညာပေးမှုတွေကို ကျောင်းနဲ့ဆိုင်တွေကို စစ်ဆေးပညာပေးမှုတွေ ပြုလုပ်ခဲ့ပေမယ့် အများပြည်သူအကြား ပညာပေးမှု ပြုလုပ်တာတွေ မရှိသေးပါဘူး။ "ကျမတို့ ကလေးခရိုင်မှာ အရေးယူမှုအနေနဲ့ ဆိုင်တွေ ပိတ်သိမ်းတဲ့အထိတော့ အရေးယူတာ မရှိသေးဘူး" လို့ မငြိမ်းငြိမ်းအိက ဆိုပါတယ်။ ၄ လအတွင်း ဖျက်ဆီးခဲ့တဲ့ ၁၂ သိန်းကျော်တန်ဖိုးရှိ ပစ္စည်းတွေထဲမှာတော့ သက်တမ်းလွန်ဆေးဝါးပမာဏက အများဆုံးဖြစ်တယ်လို့လည်း သိရပါတယ်။ မင်းရဲစစ်နိုင်
3 years Ago
More News
Up