ကနေဒါတွင် မွတ်ဆလင်ရိုးရာ မျက်နှာဖုံးအုပ်ဝတ်ဆင်မှု မလုပ်ရန် ဥပဒေထုတ် တားမြစ်

October 19, 2017

ကနေဒါတွင် မွတ်ဆလင်ရိုးရာ မျက်နှာဖုံးအုပ်ဝတ်ဆင်မှု မလုပ်ရန် ဥပဒေထုတ် တားမြစ်

ကနေဒါနိုင်ငံ ကွီးဘက်မြို့ အများပြည်သူ ဝန်ဆောင်မှုပေးတဲ့ နေရာတွေမှာ  မွတ်ဆလင်ရိုးရာ မျက်နှာကိုဖုံးအုပ်ထားတဲ့ ဝတ်ဆင်မှုမျိုး မလုပ်ဖို့ အောက်တိုဘာ ၁၈ ရက်နေ့က   ဥပဒေထုတ်ပြန်ပြီး တားမြစ်လိုက်ပါတယ်။ လူ့အခွင့်အရေး လှုပ်ရှားသူတွေကတော့ ဒါဟာ မွတ်ဆလင်အမျိုးသမီးတွေကို ခွဲခြားဆက်ဆံတာလို့ ဝေဖန်ပါတယ်။ နယူးဒီမိုကရက်ပါတီခေါင်းဆောင် ဂျမီး ဆင်းက “အစိုးရက ပြည်သူတွေကို ဘာဝတ်ရမယ်။ ဘာမဝတ်ရဘူးဆိုပြီး ပြောလို့မရပါဘူး။ အဲဒီလို ဥပဒေပြဋ္ဌာန်းရာမှာ တချို့လူတွေကို သွားထိခိုက်တယ်။ ဒီဥပဒေဟာ ခွဲခြားဆက်ဆံတဲ့ ဥပဒေဖြစ်ပြီး လူ့အခွင့်အရေး အခြေခံမူတွေကို ချိုးဖောက်ပါတယ်” လို့ ပြောပါတယ်။ အဲဒီဥပဒေမှာ အကျုံးဝင်သူတွေကတော့ ပြည်သူ့ဝန်ထမ်းတွေ ဖြစ်ကြတဲ့ ကျောင်းဆရာမ၊ ရဲတပ်ဖွဲ့ဝင်တွေ၊ ဆေးရုံနဲ့ နေ့ကလေးထိန်းကျောင်း ဝန်ထမ်းတွေ ဖြစ်တယ်လို့ ရိုက်တာသတင်းမှာ ဖော်ပြထားပါတယ်။
4 years Ago
Up