ကူးစက်နှုန်း ကျ

A d v e r t i s e m e n t With Us

April 10, 2020

တောင်ကိုရီးယားတွင် ဧပြီ ၁၀ ရက်နေ့ ကိုရိုနာကူးစက်သူမရှိ၊ ကူးစက်နှုန်း ကျဆင်း

ကိုရိုနာဗိုင်းရပ်စ် အကြီးအကျယ်ကူးစက်ခဲ့တဲ့ တောင်ကိုရီးယားနိုင်ငံ  ဒယ်ဂူမြို့မှာ ဧပြီ ၁၀ ရက်က ပထမဆုံး ထပ်မံကူးစက်သူ မရှိဘဲ နိုင်ငံတဝန်းမှလည်း ကူးစက်သူတွေဟာ  စံချိန်တင် ကျဆင်းနေပါတယ်။  တောင်ကိုရီးယားမှာ ကိုရိုနာဗိုင်းရပ်စ် ကူးစက်သူ ၁ သောင်းကျော် ရှိပြီး  ဒယ်ဂူမြို့မှာတော့ ကူးစက်သူ ၆,၈၀၀ ကျော် ရှိတဲ့အတွက် တနိုင်ငံလုံးရဲ့ ထက်ဝက်ကျော် ကူးစက်တာပါ။ ကိုရိုနာဗိုင်းရပ်စ်ကြောင့် တောင်ကိုရီးယားမှာ သေဆုံးသူက ၂၀၈ ယောက် ရှိပါတယ်။ ဧပြီ ၉ ရက်အထိ နိုင်ငံတဝန်းမှာ ထပ်မံကူးစက်သူ  ၂၇ ယောက် ရှိပြီး ဒါဟာ ဖေဖော်ဝါရီလ နှောင်းပိုင်းက တနေ့ကို ထပ်မံကူးစက်သူ  အယောက် ၉၀၀ ကျော်တဲ့ နေ့စဉ်ကူးစက်သူတွေနဲ့ နှိုင်းယှဉ်ရင် ကူးစက်သူ ထပ်မံကျဆင်းနေတယ်လို့ တောင်ကိုရီးယား ဒုကျန်းမာရေးဝန်ကြီးက ပြောပါတယ်။   ဖေဖော်ဝါရီ နှောင်းပိုင်းမှာဖြစ်ခဲ့တဲ့ ဒယ်ဂူမြို့ဘုရားကျောင်း ကူးစက်တာကနေ ကူးစက်ခံရသူ တဟုန်ထိုး မြင့်တက်ခဲ့ပြီး  တောင်ကိုရီးယားရဲ့ ကူးစက်သူ အရေအတွက်ဟာ တရုတ်ပြီးရင် ဒုတိယ အများဆုံး ဖြစ်ခဲ့ပါတယ်။  ဒါပေမဲ့ နိုင်ငံတဝန်း ဗိုင်းရပ်စ် ရှိ၊ မရှိ ကျယ်ကျယ်ပြန့်ပြန့် စစ်ဆေးတာတွေနဲ့  တယောက်နဲ့တယောက် ခပ်ခွါခွါနေတဲ့ အစီအမံတွေ ချမှတ်ပြီးနောက်မှာ ကူးစက်သူအရေအတွက် လျော့ကျခဲ့တယ်လို့ ရိုက်တာသတင်းမှာ ဖော်ပြထားပါတယ်။ 
11 months Ago
Up