ကူဝိတ်

October 9, 2020

ကူဝိတ်လုံခြုံရေးအကြီးအကဲဟောင်း အိမ်ရှေ့မင်းသား ဖြစ်လာ

ကူဝိတ်အစိုးရရဲ့လုံခြုံရေးအကြီးအကဲဟောင်းကို အိမ်ရှေ့မင်းသားအဖြစ် လွှတ်တော်က အောက်တိုဘာ ၈ ရက်မှာ  တခဲနက်ထောက်ခံအတည်ပြုခဲ့ပါတယ်။  ကူဝိတ်စော်ဘွားက  အိမ်ရှေ့မင်းသားအဖြစ် ရှိတ်မက်ရှား-အယ်အာမက်ကို အမည်စာရင်း တင်သွင်းပြီး နောက်နေ့မှာပဲ လွှတ်တော်က အတည်ပြုခဲ့တာပါ။  ကူဝိတ်ရဲ့အိမ်နီးချင်းတွေဖြစ်တဲ့ ဆော်ဒီနဲ့အီရန်ကြားတင်းမာမှု မြင့်တက်နေပြီး  ရေနံဈေး ကျဆင်းတဲ့အတွက် အထိနာနေတဲ့ ဘဏ္ဍာရေးကို အစိုးရက ကျားကန်ဖို့ ကြိုးပမ်းနေချိန်မှာပဲ  ရှိတ်နဝပ်ဖ်  အယ်အာမက် အယ်ဆာဘာဟာ စော်ဘွား ဖြစ်လာပါတယ်။  အသက် ၈၃ နှစ်အရွယ် ကူဝိတ်စော်ဘွားဟာ သူရဲ့တာဝန်အတော်များများကို အိမ်ရှေ့ မင်သား ရှိတ်မက်ရှားအယ်အာမက်ထံ တာဝန်ခွဲပေးနိုင်တယ်လို့ သံတမန်တွေနဲ့ လေ့လာသူတွေက ဆိုကြပါတယ်။    ရှိတ်မက်ရှား အယ်အာမက်ဟာ ၂၀၀၄ ခုနှစ်မှာ အမျိုးသားလုံခြုံရေးအဖွဲ့ရဲ့ ဒုတိယ အကြီးအကဲ ဖြစ်လာပြီး ကူဝိတ်လုံခြုံရေးအကြီးအကဲအဖြစ်  ၁၃ နှစ်ကြာ တာဝန်ထမ်းခဲ့တယ်လို့ ရိုက်တာ ဖော်ပြပါတယ်။  
7 months Ago
Up