ကူလီဘာလီ

July 13, 2020

အသင်းပြောင်းရွှေ့ရန် ဆွေးနွေးခဲ့ခြင်းမရှိဟု နာပိုလီနောက်ခံလူ ကူလီဘာလီ ပြော

အသင်းပြောင်းရွှေ့ဖို့ တကြိမ်တခါမှ မဆွေးနွေးဖူးသေးဘူးလို့ နာပိုလီနောက်ခံလူ ကူလီဘာလီက ပြောပါတယ်။  အသက် ၂၉ နှစ်ရှိ ဗဟိုနောက်ခံလူ ကူလီဘာလီကို မန်စီးတီးနဲ့ မန်ယူအသင်းတွေအပြင် တခြားထိပ်တန်းကလပ်တွေကပါ ခေါ်ယူလိုနေတာပါ။  အနာဂတ်နဲ့ ပတ်သက်ပြီး သတင်းစာတွေ နေ့စဉ်ဖတ်နေရပေမယ့် နာပိုလီကနေ ထွက်ခွာဖို့ တစ်ကြိမ်တစ်ခါမှာ ဆွေးနွေးဖူးခြင်းမရှိသေးဘူးလို့ အီတလီသတင်းစာတစ်စောင်နဲ့ အင်တာဗျူးမှာ ကူလီဘာလီက ပြောပါတယ်။  အသင်းနဲ့ ဖြေရှင်းစရာ တခုခုရှိရင်တော့ အဖြေတစ်ခုရှာသွားရမှာဖြစ်ပေမယ့် နာပိုလီမှာ ဆက်နေပြီး ပွဲတွေကစားဖို့ပဲ ရာနူန်းပြည့်အာရုံစိုက်ထားတယ်လို့ ကူလီဘာလီက ပြောပါတယ်။  သူ့ရဲ့ အနာဂတ်ဟာ နာပီုလီအသင်းဥက္ကဋ္ဌအပေါ်မှာ မူတည်ပြီး အသင်းက စာချုပ်သက်တမ်းတိုးမယ်ဆိုရင် ကစားသမားဘဝကနေ အနားယူချိန်အထိ နာပိုလီအသင်းမှာပဲ ဆက်ကစားသွားမယ်လို့ ကူလီဘာလီက ပြောကြားခဲ့ပါတယ်။  ၂၀၁၄ ခုနှစ်က ဂျန့်အသင်းကနေ ပြောင်းရွှေ့လာတဲ့ ကူလီဘာလီဟာ နာပိုလီအတွက် စုစုပေါင်း ၂၃၉ ပွဲအထိ ကစားထားပါတယ်။
2 years Ago

July 12, 2020

နာပိုလီက ကူလီဘာလီကို မန်စီးတီး ကစားသမား ၂ ဦး အလိုက်ပေးကမ်းလှမ်းမည်

မန်စီးတီးအသင်းဟာ နာပိုလီနောက်ခံလူ ကူလီဘာလီကို ခေါ်ယူဖို့အတွက် ကစားသမား ၂ ဦးအလိုက်ပေး ကမ်းလှမ်းဖို့ရှိတယ်လို့ သိရပါတယ်။ မန်စီးတီအသင်းဟာ အခုနှစ်ရာသီမှာ ခံစစ်ပိုင်း အားနည်းချက်တွေကြောင့် လီဗာပူးအသင်းကို ချန်ပီယံဆုဖလား ပေးအပ်လိုက်ရပြီး ခံစစ်ကို တောင့်တင်းအောင် လုပ်ဆောင်ဖို့ နည်းပြ ဂွါဒီယိုလာက ဆန္ဒရှိနေတာပါ။ နာပိုလီနောက်ခံလူ ကူလီဘာလီအတွက် နောက်ခံလူ အော်တာမန်ဒီနဲ့ ဇင်ချန်ကိုတို့ကို အလိုက်ပေးသွားဖို့ ပြင်ဆင်ထားတယ်လို့ The Sun သတင်းစာက ဖော်ပြခဲ့ပါတယ်။  နာပိုလီအသင်းဟာ ကူလီဘာလီအတွက် ပေါင်သန်း ၈၀ ပြောင်းရွှေ့ကြေး သတ်မှတ်ထားတာပါ။ မန်စီးတီးဘက်က  ဘဏ္ဍာရေးအခက်အခဲတွေကြောင့် ကစားသမား ၂ ဦး အလိုက်ပေးပြီး ပြောင်းရွှေ့ကြေးကို လျှော့ချလိုတာလို့ သိရပါတယ်။  အသက် ၂၉ နှစ်ရှိ ဆီနီဂေါနောက်ခံလူ ကူလီဘာလီဟာ ၂၀၁၅ ခုနှစ်ကတည်းက နာပိုလီမှာ ကစားနေတာဖြစ်ပြီး ၂၃၉ ပွဲ ကစားပေးထားပါတယ်။
2 years Ago
More News
Up