ကိုလီမာမီးတောင်

A d v e r t i s e m e n t With Us

January 17, 2017

မက္ကဆီကိုရှိ ကိုလီမာမီးတောင် ထပ်မံပေါက်ကွဲပြီး မီးခိုးနှင့်ပြာမှုန်များ ပေတသောင်းကျော် မြင့်တက် (ရုပ်သံ)

မက္ကဆီကိုနိုင်ငံက ကိုလီမာ မီးတောင်ဟာ ဇန်နဝါရီ ၁၆ ရက်နေ့က ပေါက်ကွဲမှုထပ်ဖြစ်ခဲ့ပြီး မီးခိုးနဲ့ ပြာမှုန်တွေဟာ မီးတောင်ထိပ်ဝကနေ ပေတသောင်းတထောင်ကျော်အထိ မြင့်တက်ခဲ့ပါတယ်။ ဒေသစံတော်ချိန် မနက် ၁၀ နာရီ မိနစ် ၂၀ မှာ ပထမအကြိမ် ပေါက်ကွဲမှုဖြစ်ခဲ့ပြီး မီးခိုးနဲ့ ပြာမှုန်တွေဟာ အမြင့်ပေ ၁၁၄၈၂ ပေထိ မြင့်တက်ခဲ့ပါတယ်။ မီးတောင်ဟာ ဇန်နဝါရီ ၁၄ ရက်နေ့မှာ ပထမဆုံးအကြိမ် ပြန်လည်သက်ဝင်လာပြီး မီးခိုးနဲ့ ပြာမှုန်တွေဟာ မီးတောင်ထိပ်ဝကနေ ၈၈၅၈ ပေအထိ မြင့်တက်ခဲ့တယ်လို့ volcanodiscovery.com ဝက်ဆိုက်က သတင်းထုတ်ပြန်ပါတယ်။ အဲ့ဒီနောက် ဇန်နဝါရီ ၁၅ ရက် မွန်းလွဲပိုင်းမှာ ဒုတိယအကြိမ် ထပ်မံပေါက်ကွဲခဲ့ပါတယ်။ အခုနောက်ဆုံးနဲ့ အမြင့်ဆုံးပေါက်ကွဲမှုကတော့ ဇန်နဝါရီ ၁၆ ရက် မနက်ပိုင်းမှာ ဖြစ်ပွားခဲ့တာပါ။ အဲ့ဒီမီးတောင်ဟာ မက္ကဆီကိုအနောက်ခြမ်းရှိ ကိုလီမာနဲ့ ဂျာလီစကိုပြည်နယ် နှစ်ခုကြားမှာ တည်ရှိပြီး မက္ကဆီကိုရဲ့ သက်ဝင်လှုပ်ရှားမှုအများဆုံး မီးတောင်တွေထဲက တခုဖြစ်ပါတယ်။ ကိုလီမာ မီးတောင်ဟာ Fire Volcano “မီး မီးတောင်” အဖြစ် ထင်ရှားပြီး လာဗာချော်ရည်အသစ်တွေ များပြားလာတာကြောင့် အခုလို ပေါက်ကွဲခဲ့တာလို့ volcanodiscovery.com ဝက်ဆိုက်ကို  ကိုးကားပြီး ရိုက်တာသတင်းမှာ ရေးသားထားပါတယ်။
4 years Ago

November 2, 2015

မက္ကဆီကို မီးတောင် ထပ်မံပေါက်ကွဲ၊ မီးတောင်ပြာ ကောင်းကင်အထက် ပေ ၅၀၀၀ နီးပါး လွင့်စင်

မက္ကဆီကိုနိုင်ငံက ကိုလီမာ မီးတောင်ဟာ နိုဝင်ဘာ ၁ ရက် မနက် ၈ နာရီကနေ ၁၁ နာရီအထိ ၅ ကြိမ် ပေါက်ကွဲခဲ့ပြီး မီးတောင်ပြာတွေဟာ ကောင်းကင်အထက် ပေ ၅၀၀၀ နီးပါးအထိ လွင့်စင်ထွက်ခဲ့ပါတယ်။ ကိုလီမာမီးတောင်ဟာ မက္ကဆီကို အနောက်တောင်ပိုင်းမှာ တည်ရှိပြီး ဇူလိုင် ၉ ရက်နေ့ကတည်းက ပေါက်ကွဲဖို့ လှုပ်ရှားမှုတွေ ဖြစ်နေတာပါ။ ကျန်ခဲ့တဲ့လတွေအတွင်း အနီးအနားက ရွာတွေမှာ မီးခိုးတွေ၊ ပြာတွေနဲ့ ဖုံးလွှမ်းခဲ့လို့ ရွာသားတွေကို ပြောင်းရွှေ့ခဲ့ရပါတယ်။ ဒါကြောင့် နိုဝင်ဘာ ၁ ရက် မနက်ပိုင်း ပေါက်ကွဲမှု ဖြစ်တဲ့အချိန်မှာတော့ နောက်ထပ် ပြောင်းရွှေ့စရာ မရှိတော့သလို ဒေသခံတွေကို မျက်နှာဖုံး ၀တ်ကြဖို့နဲ့ သောက်ရေကို သတိထားကြဖို့ တိုက်တွန်းထားပါတယ်။ ကိုလီမာမီးတောင်ဟာ ဇန်န၀ါရီနဲ့ ဖေဖော်ဝါရီလတွေမှာလည်း ပေါက်ကွဲခဲ့ဖူးပါတယ်။ မက္ကဆီမှာ မီးတောင် ၃၀၀၀ ကျော်လောက်ရှိပြီး ၁၄ လုံးကတော့ အသက်ဝင်နေဆဲ မီးတောင်အဖြစ် သတ်မှတ်ပါတယ်။
5 years Ago
Up