အမေရိကန်သမ္မတ ဒေါ်နယ်ထရမ့်နဲ့ မြောက်ကိုရီးယားခေါင်းဆောင် ကင်ဂျုံအန်းတို့ဟာ တောင်နဲ့မြောက် ကိုရီးယားနှစ်နိုင်ငံကြားက စစ်တပ်ကင်းမဲ့ဇုန်မှာ ဇွန် ၃၀ ရက်က တွေ့ဆုံခဲ့ပါတယ်။ တောင်နဲ့မြောက် ကိုရီးယားနှစ်နိုင်ငံကြားက နယ်နိမိတ်မျဉ်းကို ဖြတ်ပြီး မြောက်ကိုရီးယား ပိုင်နက်ထဲကို လာခဲ့ဖို့ ကင်က ထရမ့်ကို ဖိတ်ကြားအပြီးမှာ ထရမ့်က မြောက်ကိုရီးယား နိုင်ငံထဲကို သွားခဲ့တာပါ။ မနေ့ကမှကပ်ပြီး စီစဉ်ခဲ့တဲ့ အစည်းအဝေးကို ခေါင်းဆောင်နှစ်ယောက်စလုံးက အတည်ပြုခဲ့ကြပါတယ်။ “ကင်u ထွက်လာတွေ့လို့ ကျေးဇူးတင်တယ်။ တကယ်လို့ ကင်om ပေါ်မလာခဲ့ရင် မီဒီယာတွေက ကျနော့်ကို ဆိုးဆိုးရွားရွား ဖော်ပြကြတော့မှာပဲ” လို့ ထရမ့်က ကျီစယ် ပြောဆိုပါတယ်။ ထရမ့်ဟာ ဂျပန်နိုင်ငံ အိုဆာကာမြို့မှာ ကျင်းပတဲ့ G20 ထိပ်သီးညီလာခံကိုတက်ဖို့ ရောက်နေချိန်မှာ ကင်က နှုတ်ဆက်ပြီး တွေ့ဆုံကြဖို့ အဆိုပြုခဲ့တယ်လို့ ထရမ့်က တွစ်တာ လူမှုကွန်ရက်ပေါ်မှာ ရေးခဲ့ပါတယ်။ ဒီတွေ့ဆုံပွဲဟာ သမိုင်းဝင်ပဲ၊ ကင်ကို အိမ်ဖြူတော်ဆီ ချက်ချင်းဖိတ်ဖို့ ဆန္ဒရှိတယ်လို့ ထရမ့်က ပြောပါတယ်။ ထရမ့်ဟာ သမိုင်းမှာ မြောက်ကိုရီးယားနိုင်ငံထဲ ခြေချဖူးတဲ့ ပထမဆုံး အမေရိကန် သမ္မတ ဖြစ်လာပါတယ်။ ခုတကြိမ် ထရမ့်နဲ့ ကင်တို့ တွေ့ဆုံတာဟာ တတိယမြောက်လည်း ဖြစ်ပါတယ်။

တောင်ကိုရီးယားနဲ့မြောက်ကိုရီးယားတို့ဟာ ဇွန်လ ၁၈ ရက်မှာ ပြုလုပ်မယ့် နှစ်နိုင်ငံ အားကစားဆိုင်ရာ ဆွေးနွေးပွဲတွေကို တက်ရောက်မယ့် ကိုယ်စားလှယ်စာရင်းကို ထုတ်ပြန်လိုက်ပါတယ်။ ဆွေးနွေးပွဲကို နှစ်နိုင်ငံ နယ်စပ်က အပစ်ရပ်ထားတဲ့ နယ်စပ်ရွာ ပန်မွန်ဂျွန်းမှာ ပြုလုပ်မယ်လို့ တောင်ကိုရီးယား ပြန်လည်ပေါင်းစည်းရေးဝန်ကြီးဌာနက ပြောပါတယ်။ တောင်ကိုရီးယားကိုယ်စားလှယ်အဖွဲ့ကို လက်ရှိ တောင်ကိုရီးယားအားကစားနဲ့ အိုလံပစ်ကော်မတီအတွင်းရေးမှူးချုပ် ဂျွန်ချောင်ယူက ဦးဆောင်မှာဖြစ်ပြီး မြောက်ကိုရီးယား ကိုယ်စားလှယ်အဖွဲ့ကိုတော့ မြောက်ကိုရီးယား အားကစား ၀န်ကြီးဌာန ဒုတိယ၀န်ကြီး ကီလူက ဦးဆောင်မှာဖြစ်ပါတယ်။ တောင်ကိုရီးယား ပြန်လည်ပေါင်းစည်းရေးဝန်ကြီးဌာန အရာရှိတွေကတော့ နှစ်ဖက်စလုံးဟာ အားကစားအမျိုးမျိုးမှာ အပြန်အလှန်ပူးပေါင်းဆောင်ရွက်သွားဖို့၊ နှစ်နိုင်ငံ ဘတ်စကတ်ဘော ပြိုင်ပွဲကျင်းပတာမျိုးနဲ့ သြဂုတ်လမှာ အင်ဒိုနီးရှားနိုင်ငံ၊ ဂျာကာတာမြို့မှာ ကျင်းပမယ့် ၂၀၁၈ အာရှအားကစားပွဲတော်မှာ ပူးတွဲပါဝင်တာမျိုးလို ကိစ္စရပ်တွေ ဆွေးနွေးသွားဖို့ ရှိတယ်လို့ ပြောထားပါတယ်။