ကိုရီးယားသည်းထိတ်ရင်ဖိုရုပ်ရှင်

A d v e r t i s e m e n t With Us

June 19, 2019

ကိုရီးယား သည်းထိတ်ရင်ဖို မှုခင်းရုပ်ရှင်ပရိသတ်အကြိုက် - The Gangster, the Cop, the Devil (နမူနာ)

ထူးထူးခြားခြား ကိုရီးယား သည်းထိတ်ရင်ဖို မှုခင်းအက်ရှင်ကားတကားဖြစ်တဲ့ The Gangster, the Cop, the Devil ကို အမေရိကန်မှာတော့ ဇွန်လ ၇ ရက်နေ့က ရုံတင်ပြသနေပါတယ်။ ဒီကားကိုတော့ ကိုရီးယား ရုပ်ရှင်ဒါရိုက်တာ Lee Won-tae က ရိုက်ကူး ပုံဖော်ပေးထားပြီး B.A Entertainment ရုပ်ရှင်ထုတ်လုပ်ရေးက တင်ဆက်လိုက်တာပါ။ ဒီရုပ်ရှင်ကားထဲမှာတော့ ပြီးခဲ့တဲ့ ၂၀၁၆ ခုနှစ်က ရုံတင်ပြသခဲ့ပြီး ရုံပြည့်ရုံလျှံ အားပေးမှုနဲ့ ဝင်ငွေစံချိန်တင် ရရှိခဲ့တဲ့ Train to Busan ရုပ်ရှင်ကားနဲ့ နာမည်ကြီးခဲ့တဲ့ သရုပ်ဆောင်မင်းသား Ma Dong-seok က ခေါင်းဆောင်ပါဝင်ထားတာပါ။ Cheonan မြို့ကလေးမှာ အခြေတည် ရိုက်ကူးထားတဲ့ ဒီကားထဲမှာတော့ လူသတ်မှုတွေ ဆက်တိုက်ကျူးလွန်နေခဲ့တဲ့ ကွင်းဆက်လူသတ်သမားကို ဖမ်းဆီးဖို့ ကြိုးစားကြတဲ့အကြောင်း ရိုက်ကူးထားတာ ဖြစ်ပါတယ်။ ဆက်တိုက်လိုဖြစ်လာနေတဲ့ လူသတ်မှုတွေရဲ့ တရားခံဟာ တဦးတည်းဖြစ်တယ် ဆိုတာကို တာဝန်ကျ ရဲတဦးဖြစ်တဲ့ Tae-Suk က သိလာခဲ့တယ်။ တကြိမ်မှာတော့ လူဆိုးဂိုဏ်းခေါင်းဆောင်တဦးဖြစ်တဲ့ Dong-soo ဟာ သံသယဖြစ်စရာကောင်းတဲ့ တိုက်ခိုက်မှု ခံခဲ့ရပြီး သီသီလေး လွတ်မြောက်သွားခဲ့တယ်။ ဒီတိုက်ခိုက်မှုရဲ့ တရားခံက ကွင်းဆက်လူသတ်သမား ဖြစ်နေတာ၊ သူ့ကိုသိနေပြီး လွတ်မြောက်နေတဲ့သူက လူဆိုးဂိုဏ်းခေါင်းဆောင် ဖြစ်နေတဲ့အခါ ဘာတွေဆက်ဖြစ်ကြမလဲ။ ရဲနဲ့ လူဆိုးဂိုဏ်းခေါင်းဆောင် ပူးပေါင်းမိပြီး လူသတ်သမားကို ရှာဖွေဖော်ထုတ်ဖို့ ကြိုးစားမှုကရော အောင်မြင်ပါ့မလား ဆိုတာတွေကို ဒီကားထဲမှာ ရင်တထိတ်ထိတ်နဲ့ ရှုစားကြရမှာ ဖြစ်ပါတယ်။ ဒီကားထဲမှာတော့ နာမည်ကြီး သရုပ်ဆောင်မင်းသား Ma Dong-seok နဲ့အတူ တခြားသရုပ်ဆောင်တွေ ဖြစ်ကြတဲ့ Kim Mu-yeol နဲ့ Kim Sung-kyu တို့ကလည်း အတွဲညီညီ ပါဝင်ထားကြပါတယ်။ ဒီရုပ်ရှင်ကားကိုတော့ နာမည်ကြီး ရုပ်ရှင်ပွဲတော်တခုဖြစ်တဲ့ Cannes Film Festival ရဲ့ Midnight Screenings ကဏ္ဍမှာ ကနဦး ပြသခဲ့ပါတယ်။ IMDb မှာတော့ ဒီရုပ်ရှင်ကားဟာ Rating 6.7 အထိ ရရှိထားတဲ့ ရုပ်ရှင်ကားတကား ဖြစ်ပါတယ်။ ကြာမြင့်ချိန် ၁၀၉ မိနစ်ရှိတဲ့ ဒီရုပ်ရှင်ကားကိုတော့ ကိုရီးယားနိုင်ငံမှာ ပြီးခဲ့တဲ့ မေလ ၁၅ ရက်နေ့ကတည်းက ရုံတင်ပြသပါတယ်။
2 years Ago
Up