ကိုယ်စားလှယ်တို့ တွေ့ဆုံဆွေးနွေး

March 15, 2017

မြောက်ပိုင်းမဟာမိတ်အဖွဲ့နှင့် တရုတ်အထူးကိုယ်စားလှယ်တို့ တွေ့ဆုံဆွေးနွေး

မြန်မာတပ်မတော်နဲ့ လတ်တလော တိုက်ပွဲတွေဖြစ်နေတဲ့ မြောက်ပိုင်း မဟာမိတ်တိုင်းရင်း သားလက်နက်ကိုင်တပ်ဖွဲ့ ၄ ဖွဲ့နဲ့ တရုတ်နိုင်ငံရဲ့ မြန်မာနိုင်ငံဆိုင်ရာ အထူးကိုယ်စားလှယ် ဆွန်ကောချန်းတို့  မတ်လ ၁၄ ရက်နေ့က တရုတ်နိုင်ငံမှာ တွေ့ဆုံဆွေးနွေးခဲ့ကြပါတယ်။ မြောက်ပိုင်းမဟာမိတ်အဖွဲ့တွေဖြစ်တဲ့  ကချင်လွတ်လပ်ရေးတပ်မတော် (ကေအိုင်အေ)၊ ကိုးကန့်လက်နက်ကိုင်အဖွဲ့ (အမ်အန်ဒီဒီအေ)၊ တီအန်အယ်လ်အေ (တအာင်းအမျိုးသား လွတ်မြောက်ရေးတပ်) နဲ့ အေအေ (ရက္ခိုင့်တပ်မတော်) တပ်ဖွဲ့ ၄ ခုတို့ရဲ့ခေါင်းဆောင်တွေနဲ့ ဆွန်ကောချန်တို့  တရုတ်နိုင်ငံ ကူမင်းမြို့မှာ တွေ့ဆုံခဲ့ကြတာပါ။ ဒီတွေ့ဆုံမှုဟာ တတိယအကြိမ် တွေ့ဆုံမှုဖြစ်ပြီး လက်ရှိမြန်မာနိုင်ငံမြောက်ပိုင်းမှာ ဖြစ်ပွားနေတဲ့ ပဋိပက္ခအခြေအနေတွေ၊ တိုက်ပွဲအရှိန်လျော့ချရေးနဲ့ ၂၁ ရာစုပင်လုံကိစ္စအပါအ၀င် ပန်ခမ်းမှာ ကျင်းပခဲ့တဲ့ တိုင်းရင်းသားလက်နက်ကိုင် ထိပ်သီးအစည်းအဝေးနဲ့ပတ်သက်တဲ့ အကြောင်းအရာတွေကို ဆွေးနွေးခဲ့ကြတယ်လို့ မြောက်ပိုင်း မဟာမိတ်အဖွဲ့က ထုတ်ပြန်ထားပါတယ်။
5 years Ago
Up