ကုလသမဂ္

A d v e r t i s e m e n t With Us

February 28, 2021

သံအမတ်ကြီး ဦးကျော်မိုးထွန်း အမြဲတမ်းကိုယ်စားလှယ်အဖြစ် ဆက်ရှိနေဆဲဟု ကုလသမဂ္ဂ ပြော

သံအမတ်ကြီး ဦးကျော်မိုးထွန်းဟာ မြန်မာနိုင်ငံရဲ့ ကုလသမဂ္ဂဆိုင်ရာ အမြဲတမ်းကိုယ်စားလှယ်အဖြစ် တရားဝင် ဆက်ရှိနေဆဲပဲလို့  ကုလသမဂ္ဂ ပြောခွင့်ရသူ စတက်ဖ်နီ ဒူဂျာရစ်က ပြောပါတယ်။ 

ကမ္ဘာ့ကုလသမဂ္ဂဟာ အာဏာသိမ်း စစ်ကောင်စီကို မြန်မာနိုင်ငံရဲ့ အစိုးရသစ်လို့ တရားဝင် အသိအမှတ် မပြုထားတဲ့အပြင် အပြောင်းအလဲဆိုင်ရာ ဘယ်လို တရားဝင် အကြောင်းကြားစာမှ မရသးတဲ့ အတွက် ဦးကျော်မိုးထွန်းဟာ ကုလသမဂ္ဂ ဆိုင်ရာ မြန်မာ သံအမတ် အဖြစ်အခုလည်း ဆက်ရှိနေဆဲပဲလို့ ကုလသမဂ္ဂ ပြောခွင့်ရသူ စတက်ဖ်နီ ဒူဂျာရစ်က ပြောကြားလိုက်တာဖြစ်ပါတယ်။

ကုလသမဂ္ဂဆိုင်ရာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းဟာ နိုင်ငံဝန်ထမ်းဥပဒေကို ဖောက်ဖျက်ကျူးလွန်ကြောင်းတွေ့ရှိတဲ့အတွက် ဝန်ထမ်းအဖြစ်ကနေ ထုတ်ပယ်လိုက်ကြောင်း  မြန်မာအာဏာသိမ်းစစ်ကောင်စီရဲ့ နိုင်ငံခြားရေးဌာနက ဖေဖော်ဝါရီ ၂၇ ရက်မှာ  ကြေညာခဲ့ပါတယ်။ 

 ကုလသမဂ္ဂအမြဲတမ်း ကိုယ်စားလှယ် ဦးကျော်မိုးထွန်းကို ထုတ်ပယ်လိုက်တယ် ကြေညာခဲ့ပေမယ့် သူကတော့ စွမ်းသလောက် ပြန်တိုက်ပွဲဝင်သွားမယ်လို့ ရိုက်တာသတင်းဌာနကို ပြောပါတယ်။

မြန်မာနိုင်ငံဆိုင်ရာ ကုလသမဂ္ဂ အထူးသံတမန် ခရစ်စတင်းဘာဂီနာကလည်း မြန်မာအာဏာသိမ်းစစ်ကောင်စီကို ဘယ်နိုင်ငံကမှ တရားဝင် အသိအမှတ်မပြုသင့်ဘူးလို့ နိုင်ငံပေါင်း ၁၉၃ နိုင်ငံ အဖွဲ့ဝင်အဖြစ်ပါရှိတဲ့ ကုလသမဂ္ဂ အထွေထွေ ညီလာခံမှာ ပြောကြား ထားပါတယ်။

တရားမဝင်အာဏာသိမ်း စစ်ကောင်စီရဲ့ ဥပဒေနဲ့မညီတဲ့ အမိန့်ကြော်ငြာစာတွေဟာ ကုလသမဂ္ဂ လုပ်ထုံးလုပ်နည်း စည်းမျဉ်းစည်းကမ်းတွေကို လွှမ်းမိုးပယ်ဖျက်ခြင်းမပြုနိုင်ရုံမက ပြည်သူ့အစိုးရကိုယ်စားလှယ်ဖြစ်တဲ့ ဦးကျော်မိုးထွန်းရဲ့ တရားဝင်မှုကိုလည်း ထိခိုက်စေမှာ မဟုတ်ဘူးလို့ ပြည်သူ့လွှတ်တော်ကိုယ်စားပြုကော်မတီ ( CRPH) က ဒီကနေ့ ကြေညာထားပါတယ်။

1 week Ago

February 9, 2021

ဆန္ဒပြသူများအပေါ် လုံခြုံရေးတပ်ဖွဲ့က အင်အားသုံးနှိမ်နင်းမှု လက်မခံနိုင်ဟု ကုလသမဂ္ဂပြော

ဆန္ဒပြသူတွေကို လုံခြုံရေးတပ်ဖွဲ့တွေက အင်အားသုံးတုံ့ပြန်တဲ့အပေါ် လက်မခံဘူးလို့ မြန်မာနိုင်ငံဆိုင်ရာ ကုလသမဂ္ဂဌာနေညှိနှိုင်းရေးမှူးနဲ့ လူသားချင်းစာနာမှုဆိုင်ရာ ညှိနှိုင်းရေးမှူးက ပြောပါတယ်။

မြန်မာနိုင်ငံတဝန်း လတ်တလောဖြစ်ပွားနေတဲ့ ဆန္ဒပြပွဲတွေမှာ နေပြည်တော်၊ မန္တလေးနဲ့ တခြားမြို့ကြီးတွေကနေရတဲ့ သတင်းတွေအရ ဆန္ဒပြသူ အများအပြားဟာ လုံခြုံရေးတပ်ဖွဲ့ဝင်တွေကြောင့် ထိခိုက်ဒဏ်ရာရခဲ့ကြပြီး တချို့ကတော့ စိုးရိမ်ဖွယ်ဖြစ်တယ်လို့ ရန်ကုန်အခြေစိုက် ကုလ ရုံးက ထုတ်ပြန်ပါတယ်။

မြန်မာနိုင်ငံဆိုင်ရာ ကုလသမဂ္ဂဌာနေညှိနှိုင်းရေးမှူးနှင့် လူသားချင်းစာနာမှုဆိုင်ရာ ညှိနှိုင်းရေးမှူး Mr. Ola Almgren က “လုံခြုံရေးတပ်ဖွဲ့ဝင်တွေအနေနဲ့ ငြိမ်းချမ်းစွာစုဝေးခွင့်နဲ့ လွတ်လပ်စွာ ဖော်ထုတ်ခွင့်တွေအပါအဝင် အခြေခံလွတ်လပ်ခွင့်တွေနဲ့ လူ့အခွင့်အရေးတွေကို လေးစားဖို့ တောင်းဆိုပါတယ်။ ဆန္ဒပြသူတွေအပေါ် မမျှတတဲ့ အင်အား အသုံးပြုတာကို လက်မခံနိုင်ပါ” လို့ ပြောပါတယ်။

ကုလသမဂ္ဂ အတွင်းရေးမှူးချုပ်ပြောထားတဲ့အတိုင်း စစ်ဘက်ခေါင်းဆောင်တွေဟာ မြန်မာပြည်သူပြည်သားတွေရဲ့ ဆန္ဒသဘောထားကို လေးစားဖို့နဲ့ ဒီမိုကရေစီစံနှုန်းတွေကို လေးစားလိုက်နာဖို့၊ မတူကွဲပြားမှုတွေကို ငြိမ်းချမ်းစွာ အပြန်အလှန် ဆွေးနွေးညှိနှိုင်းတဲ့ နည်းလမ်းနဲ့ အဖြေရှာဖို့ တိုက်တွန်းလိုက်ကြောင်းကိုလည်း Mr. Almgren က ထပ်ပြောပါတယ်။

ဒီနေ့ မြန်မာနိုင်ငံတဝန်းမှာ အာဏာသိမ်းစစ်အစိုးရကို ဆန့်ကျင်ကန့်ကွက်တဲ့ ဆန္ဒပြပွဲတွေ ဆက်လက်ဖြစ်ပွားနေရာမှာ  နေပြည်တော်မှာတော့ ငြိမ်းချမ်းစွာ ဆန္ဒပြနေသူတွေကို ရဲတွေက သေနတ်နဲ့ ပစ်လို့ အနည်းဆုံး လူ ၂၀ ကျော်ဒဏ်ရာရသွားပါတယ်။ 

4 weeks Ago
More News
Up