ကုန်သွယ်ရေးစခန်း

A d v e r t i s e m e n t With Us

January 10, 2021

တမူး-အိန္ဒိယနယ်စပ်   ကုန်သွယ်ရေးစခန်း ပြန်လည်ဖွင့်လှစ်ရန် ပြင်ဆင်

စစ်ကိုင်း‌တိုင်း၊ တမူးမြို့နယ် မြန်မာ-အိန္ဒိယ တမူးနယ်စပ်ကုန်သွယ်ရေးစခန်းကို မကြာမီပြန်လည်ဖွင့်လှစ်နိုင်တော့မယ်လို့ တိုင်းအစိုးရအဖွဲ့ရုံး စီးပွား‌ရေးနဲ့ ကူးသန်း‌ ရောင်းဝယ်ရေးဝန်ကြီးဌာနက သိရပါတယ်။

တမူးနယ်စပ်ကုန်သွယ်ရေး ကုန်သည်ကြီးများအသင်း ဥက္ကဋ္ဌ ဦးလှမောင်က “စီးပွားကူးသန်းဝန်ကြီးဌာနက နှစ်နိုင်ငံ ကုန်သွယ်ရေးပြန်စဖို့ စာထုတ်တယ်။ ကနေ့ပဲ တာဝန်ရှိသူတွေနဲ့   ကျနော်တို့ အစည်းဝေးကျင်းပပြီးပါပြီ။ မနက်ဖြန်ကျ စီမံချက်တင်ရမှာဖြစ်ပြီး ဘယ်ရက်ပြန်စမလဲဆိုတာ အပေါ်ကဆုံးဖြတ်ရမှာပါ” လို့ ပြောပါတယ်။

အိန္ဒိယ-မြန်မာ တမူးနယ်စပ်ကုန်သွယ်ရေးစခန်းနဲ့ မောင်တောကုန်သွယ်ရေးစခန်းတွေကို ပြီးခဲ့တဲ့နှစ် မတ်လလောက်က တည်းက ပိတ်ထားတာဖြစ်ပြီး အခုရက်ပိုင်း ပြန်လည်ဖွင့်လှစ်ဖို့ ပြင်ဆင်နေပြီလို့ ဆိုပါတယ်။

ဒေသခံ CSO တစ်ဦးက “အိန္ဒိယဘက်ကို မြန်မာဘက်က တရုတ်နဲ့ထိုင်းပစ္စည်းတွေ ပြန်သွင်းတယ်။ ကွမ်းသီးတို့ ဘာတို့ သွားတယ်။ အိန္ဒိယဘက်က အထည်လိပ်နဲ့ ဆေးဝါး နဲ့ ကွမ်း၊ ဆား၊ ဆေး လိုတာတွေပြန်ဝင်တယ်။ မတ်လကတည်းက ပိတ်ထားရတာဆိုတော့ မြန်မာဘက်က ပိုနစ်နာတာပေါ့။ ကိုယ့်ဆီက ထွက်ကုန်က နည်းတာကို။ အစိုးရအတွက်လည်း အခွန်ကောက် မရတဲ့အပြင် ခိုးသွင်းခိုးထုတ်တာမျိုးလည်း ဖြစ်လာတာပေါ့” လို့  ပြောပါတယ်။

မြန်မာ-အိန္ဒိယ နှစ်နိုင်ငံ ကုန်သွယ်ရေးလမ်းကြောင်းဟာ စစ်ကိုင်းတိုင်းဒေသကြီအတွက် အရေးပါပြီး အိန္ဒိယနိုင်ငံ အနူရာချာပရာဒတ်၊ နာဂလန်း၊ မဏိပူရ်နဲ့ မီဇိုရမ် ပြည်နယ်လေးခုနဲ့ ထိစပ်နေကာ နှစ်နိုင်ငံကုန်းလမ်းကုန်သွယ်ရေး စနစ်ကို ၁၉၉၅ ခုနှစ်က စတင်‌ဖွင့်လှစ်ခဲ့တာပါ။ 

တစ်နှစ်ကို အမေရိကန်ဒေါ်လာ သန်းခြောက်ရာကျော်လောက် ကုန်သွယ်မှု ဖြစ်ထွန်းတယ်လို့ သိရပါတယ်။

ရဲထွဋ်

2 months Ago

June 6, 2020

မောင်တောနယ်စပ်ကုန်သွယ်ရေးစခန်း ကုန်သွယ်မှုပမာဏ ၁၆ ဆကျော် ကျဆင်း

ကိုဗစ်-၁၉ ရောဂါကြောင့် ရခိုင်ပြည်နယ်-မောင်တောနယ်စပ်ကုန်သွယ်ရေးစခန်းကနေ တဖက်ဘင်္ဂလားဒေ့ရှ်နိုင်ငံကို ကုန်သွယ်မှုပမာဏ ၁၆ ဆကျော် ကျဆင်းခဲ့တယ်လို့ မောင်တောနယ်စပ်ကုန်သည်ကြီးများအသင်းက ပြောပါတယ်။ ပြီးခဲ့တဲ့မတ်လနဲ့ နှိုင်းယှဉ်ပါက ဧပြီနဲ့ မေလမှာ ကုန်သွယ်မှုပမာဏ ၁၆ ဆကျော် ကျဆင်းခဲ့တာလို့ ဆိုပါတယ်။ အခုလို ကျဆင်းရတာဟာ တဖက်ဘဂ်လားဒေ့ရှ်နိုင်ငံကို ကုန်တင်ပို့ပြီး ပြန်လာတဲ့ မော်တော်ဘုတ်သမားတွေဟာ Facility Quarantine နေထိုင်ရမှာ‌ စိုးရိမ်တဲ့အတွက် သွားရောက်မယ့်သူ မရှိတာကြောင့် ဧပြီလ ၁၁ ရက်နေ့ကစပြီး ကုန်သွယ်မှု ယာယီရပ်တန့်ထားခဲ့ရတာကြောင့် ဖြစ်တယ်လို့ မောင်တောနယ်စပ်ကုန်သည်ကြီးများအသင်းဥက္ကဋ္ဌ ဦးအောင်မြင့်သိန်းက DVB ကို ပြောပါတယ်။ မေလ ၃၀ ရက်နေ့ တရက်တည်းသာ ကုန်သွယ်မှုပြုလုပ်နိုင်ခဲ့တာကြောင့် ကိန်းဂဏန်းအရ ကုန်သွယ်မှုပမာဏ ၁၆ ဆ ကျော် ကျဆင်းခဲ့ရတာလို့ ဆိုပါတယ်။ အခုအခါ တဖက်ဘဂ်လားဒေ့ရှ်နိုင်ငံကို ကုန်တင်ပို့ပြီးပြန်လာတဲ့ မော်တော်ဘုတ်သမားတွေကို ဆိပ်ကမ်းအနီး အဆောင်တခုဆောက်ပြီး ပြင်ပလူတွေနဲ့ ထိတွေ့မှုမရှိအောင် Quarantine အဖြစ် ထားရှိဆောင်ရွက်ထားသလို ကျန်းမာရေဌာန စစ်ဆေးမှုတွေ ပြုလုပ်ပြီး ကုန်သွယ်မှုကို စတင်ပြုလုပ်နေတယ်လို့ မောင်တောနယ်စပ်ကုန်သည်ကြီးများအသင်းဥက္ကဋ္ဌ ဦးအောင်မြင့်သိန်းက ရှင်းပြပါတယ်။ မောင်တောနယ်စပ်ကုန်သွယ်ရေးစခန်းကနေ တဖက်ဘင်္ဂလားဒေ့ရှ်နိုင်ငံကို ဧပြီ ၁၁ ရက်နေ့ကစပြီး ကုန်သွယ်မှုယာယီရပ်တန်ထားခဲ့ရကာ မေလ ၃၀ ရက်နေ့မှာ စတင်ပြီးကုန်တွေ တင်ပို့နေတာပါ။ တလကျော် ကုန်တင်ပို့မှု ရပ်နားထားရတာကြောင့် မောင်တောနယ်စပ်ကုန်သွယ်ရေးစခန်းမှာ ကုန်တင်ကုန်ချအလုပ်နဲ့ အသက်မွေးဝမ်းကျောင်းပြုနေတဲ့ အလုပ်သမားတွေ စားဝတ်နေရေ အခက်အခဲကြုံတွေ့ခဲ့ရတယ်လို့ ကုန်တင်ကုန်ချအလုပ်သမားတဦးက ပြောပါတယ်။ မောင်တောနယ်စပ်ကုန်သွယ်ရေးစခန်းက ၂၀၂၀ ပြည့်နှစ် မတ်လတွင်း တဖက်ဘင်္ဂလားဒေ့ရှ်နိုင်ငံကို အမေရိကန်ဒေါ်လာ  ၁.၈၉၅ သန်းဖိုး၊ ဧပြီလမှာ ဒေါ်လာ ၁၂၂၅၃၉ ဖိုး ကုန်သွယ်မှုပြုနိုင်ခဲ့ပြီး မေလမှာတော့ အမေရိကန်ဒေါ်လာ ၁၂၆၂၉၉ ဖိုးမျှသာ ကုန်တင်ပို့နိုင်ခဲ့တယ်လို့ မောင်တောနယ်စပ်ကုန်သွယ်ရေးစခန်း ကိန်းဂဏန်းတွေအရ သိရပါတယ်။ လင်းလက်
9 months Ago
Up