ကုန်သွယ်မှု

February 23, 2021

စစ်အာဏာသိမ်းပြီးနောက် ကုန်သွယ်မှုပမာဏ ဒေါ်လာ ၂ ဘီလီယံကျော် လျော့ကျ

မြန်မာနိုင်ငံရဲ့ ပြည်ပနိုင်ငံတွေနဲ့ ကုန်သွယ်မှုပမာဏဟာ စစ်အုပ်ချုပ်ရေးကာလ ဖေဖော်ဝါရီ ၁ ရက်မှ ဖေဖော်ဝါရီ ၁၂ ရက်အထိ  နှစ်ပတ်အတွင်းမှာ ပြီးခဲ့တဲ့နှစ်ကာလတူထက် အမေရိကန်ဒေါ်လာ  ၂ ဒသမ ၃၄၅ ဘီလီယံကျော် လျော့ကျသွားပါတယ်။

စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနက ပုံမှန်ထုတ်ပြန်တဲ့ စာရင်းဇယားတွေအရ ပြီးခဲ့တဲ့နှစ် ဒီကာလအတွင်းမှာ ကုန်သွယ်မှု ပမာဏစုစုပေါင်း အမေရိကန်ဒေါ်လာ ၁၄ ဒသမ ၃ ဘီလီယံကျော် ရှိပါတယ်။ ဒီနှစ်မှာတော့ ကန်ဒေါ်လာ ၁၁ ဒသမ ၉၈၇ ဘီလီယံကျော်သာ ကုန်သွယ်မှု ပြုထားနိုင်ခဲ့တာကိုတွေ့ရပါတယ်။

ပင်လယ်ရေကြောင်းကုန်သွယ်ရေးနဲ့ နယ်စပ်ကုန်သွယ်ရေး နှစ်မျိုးလုံးမှာ ကုန်သွယ်မှု လျော့ကျနေတာ ဖြစ်ပြီးတော့၊ ပို့ကုန်ပိုင်းရော၊ သွင်းကုန်ပိုင်းမှာပါ လျော့ကျခဲ့တာပါ။

ပို့ကုန်ပိုင်းမှာ လယ်ယာထွက်ပစ္စည်းကလွဲရင် ကျန်ကဏ္ဍအားလုံးမှာ တင်ပို့မှု လျော့ကျခဲ့တာဖြစ်ပြီး၊ သွင်းကုန်ပိုင်းမှာလည်း ကဏ္ဍအားလုံးမှာ တင်သွင်းမှု လျော့ကျနေတာ တွေ့ရပါတယ်။

မြန်မာနိုင်ငံ ပြည်ပ နိုင်ငံပေါင်း ၂၃၀ ကျော်နဲ့ ကုန်သွယ်မှု ဆောင်ရွက်နေတာဖြစ်ပါတယ်။

စိုးချစ်ချစ်ပိုင်

4 months Ago

March 25, 2020

ဘင်္ဂလားဒေ့ရှ်- မြန်မာကုန်သွယ်မှု ယာယီပိတ်မည်

လတ်တလောဖြစ်ပွားနေတဲ့ ကူးစက်မြန် ကိုရိုနာဗိုင်းရပ် အခြေအနေကြောင့် ဘင်္ဂလားဒေ့ရှ်နိုင်ငံနဲ့  မြန်မာနိုင်ငံရဲ့ ကုန်သွယ်မှုတွေကို မတ်လ ၂၆ ရက်က စတင်ပြီး ဘင်္ဂလားဒေ့ရှ်နိုင်ငံဘက်က ယာယီ ပိတ်သွားမယ်လို့ မောင်တော ကုန်သွယ်ရေးစခန်းက တာဝန်ခံက ပြောပါတယ်။  "မြန်မာဘက်ကပိတ်တာတောမဟုတ်ဘူးဗျ။ ဘင်္ဂလားဒေ့ရှ်နိုင်ငံဘက်က ၂၆ ရက်နေ့မှစပြီး ဧပြီလ ၄ ရက်နေ့အထိ ယာယီ ပိတ်မှာဖြစ်တယ်လို့ စစ်တွေ အခြေစိုက်ဘင်္ဂလား ကောင်းစစ်ဝန်ရုံးကအတည်ပြုတာရှိတယ်၊ “လို့ စခန်းတာဝန်ခံကပြောပါတယ်။ ဘင်္ဂလားဒေ့ရှ်ဘက်ကနေ မတ်လ ၂၆ ရက်နေ့ကနေ ဧပြီလ ၄ ရက်နေ့အထိ ယာယီပိတ်သွားမှာလို့ စစ်တွေအခြေစိုက် ဘင်္ဂလားဒေ့ရှ်ကောင်စစ်ဝန်ရုံးက တာဝန်ရှိသူတစ်ဦးက အတည်ပြုပြောပါတယ်။  အဲဒီလိုပိတ်တာနဲ့ပတ်သက်လို့ ဘင်္ဂလားဒေ့ရှ်နိုင်ငံဘက်က တရားဝင်အကြောင်းကြားတာမျိုး မရှိသေးဘူးလို့လည်း မောင်တောခရိုင် အုပ်ချုပ်ရေးမှူး ဦးစိုးအောင်က ပြောပါတယ်။ "ဒီမှာနှစ်နိုင်ငံဆက်ဆံရေးရုံးရှိတယ်လေ။ တရားဝင်အကြောင်းကြားလာတာတာ မရှိသေးဘူး။"လို့ ပြောကြားပါတယ်။ မောင်တောနယ်စပ်ကုန်သွယ်ရေးစခန်းကနေ ၂၀၂၀ ဖေဖော်ဝါရီလအထိ ပို့ကုန်တန်ဖိုး ဒေါ်လာ ၁ ဒသမ ၇၈၅ သန်း၊  သွင်းကုန်တန်ဖိုး ဝ ဒသမ ၀၀၅ သန်း စုစုပေါင်းကုန်သွယ်မူပမာဏ ဒေါ်လာ ၁ ဒသမ ၇၉၀ သန်းရှိတယ်လို့ မောင်တောနယ်စပ်ကုန်သွယ်ရေးစခန်းက သိရပါတယ်။ သတင်း- လင်းလက်
1 year Ago
Up