ကုန်သင်္ဘော

December 13, 2021

ဘောလ်တစ်ပင်လယ်အတွင်း ကုန်သင်္ဘော ၂ စီး တိုက်မိ

ဒိန်းမတ်နိုင်ငံ၊ ဘွန်ဟွန့်ကျွန်းနဲ့ ဆွီဒင်နိုင်ငံတောင်ပိုင်း ယီစတာဒ်မြို့ကြား ဘောလ်တစ် ပင်လယ်ထဲမှာ ကုန်သင်္ဘော ၂ စီး တိုက်မိခဲ့တယ်လို့ ဆွီဒင် ပင်လယ်ရေကြောင်းစီမံရေးရုံးကို ကိုးကားပြီး ဆွီဒင်ရုပ်သံ SVT media က ဒီဇင်ဘာ ၁၃ ရက်မှာ ပြောပါတယ်။

ဆွီဒင်ကမ်းရိုးတန်းရဲ့ ကမ်းလွန်မှာ ကယ်ဆယ်ရေးယာဉ်တွေ ဝိုင်းနေတဲ့ သင်္ဘော ၂ စီးရဲ့ပုံကို မြေပုံထဲမှာ တွေ့ရတာဖြစ်ပြီး သင်္ဘောတစီးက ဒိန်းမတ်နိုင်ငံမှာ မှတ်ပုံတင်ထားပြီး နောက်တစီးကတော့ ဗြိတိန်နိုင်ငံမှာ မှတ်ပုံတင်ထားပါတယ်။

ဒိန်းမတ်သင်္ဘောက မှောက်သွားပုံရပြီး သင်္ဘောပေါ်က လူ ၂ ယောက်ရဲ့ အခြေအနေကို မသိရသေးဘူးလို့ ဌာနက ပြောပါတယ်။

ဗြိတိန်သင်္ဘောကတော့ ခုတ်မောင်းနိုင်ဆဲဖြစ်ပြီး သင်္ဘောဝန်ထမ်းတွေ ဘေးကင်းတယ်လို့  ရုပ်သံဌာနက ဆိုပါတယ်။

ဆွီဒင်ရေပိုင်နက်ထဲမှာ တိုက်မိတာဖြစ်ပြီး ကယ်ဆယ်ရေးလုပ်ငန်းအတွက် ဒိန်းမတ်အစိုးရက ဆွီဒင်အာဏာပိုင်တွေကို ကူညီပေးနေပါတယ်။

ဒိန်းမတ်အစိုးရဘက်က ရဟတ်ယာဉ်တစီး စေလွှတ်ခဲ့သလို ဘွန်ဟွန့်ကျွန်းပေါ်က ကယ်ဆယ်ရေး လှေတစီး ပို့ပေးခဲ့တာပါ။ 

သင်္ဘောတစီးက မီတာ ၉၀ ရှည်ပြီး နောက်တစီးက ၅၅ မီတာ ရှည်တယ်လို့ ဆွီဒင် ကမ်းရိုးတန်းစောင့်တပ် ပြောခွင့်ရကို ကိုးကားပြီး ဆွီဒင်သတင်းဌာန TT က ဖော်ပြပါတယ်။

12 months Ago

August 2, 2021

ပါကစ္စတန်တွင် နစ်မြုပ်သွားသည့် ကုန်သင်္ဘောမှ သင်္ဘောသား ၁၅ ဦးကို ကယ်ဆယ်

ပါကစ္စတန်နိုင်ငံ ကရာချီမြို့တောင်ပိုင်းမှာ နစ်မြုပ်နေတဲ့ ကုန်သင်္ဘောတစီးပေါ်က သင်္ဘောသားတွေကို ကယ်ဖို့ ရေတပ်နဲ့ ကမ်းတက် မရိင်း လုံခြုံရေး အေဂျင်စီ(PMSA) တို့ ပူးတွဲ လုပ်ဆောင်နေတယ်လို့ အကြီးတန်း (PMSA) အရာရှိတစ်ယောက်က သြဂုတ် ၁ ရက်မှာ ပြောပါတယ်။

သင်္ဘောသား ၁၈ ယောက်ထဲက ၁၅ယောက်ကို ကယ်ပြီးပြီ နောက်ထပ် ၃ယောက်ကို ရှာဖို့ ရှာဖွေကယ်ဆယ်ရေး လုပ်ငန်းတွေ ဆက်လုပ်နေတယ်လို့ (PMSA) တပ်မှူး အာဟိဆန် ဖာရိဒ် အာမဒ်က သတင်းစာရှင်းလင်းပွဲမှာ ပြောပါတယ်။

ဒီသင်္ဘောဟာ အိန္ဒိယကနေ ဆိုမာလီနိုင်ငံဆီ ပို့မယ့် ကုန်တွေတင်လာတာ ဖြစ်ပြီး သင်္ဘောသားတွေကတော့ ဆီးရီးယားနိုင်ငံက လူတွေလို့ အာမဒ်က ဆက်ပြောပါတယ်။

 MV SUVARI H လို့ နာမည်ပေးထားတဲ့ သင်္ဘောဟာ အားကောင်းတဲ့ လေပြင်းနဲ့ ရေလှိုင်းတို့ကြောင့် ဇူလိုင် ၂၉ ရက်က စတင် နစ်မြုပ်တာလို့ ရေတပ်က လူမှုကွန်ရက်ပေါ်မှာ ပြောပါတယ်။ 

1 year Ago
Up