ကုန်သွယ်ရေးစစ်ပွဲ

May 30, 2019

ကုန်သွယ်ရေးစစ်ပွဲကြောင့် တရုတ်ဈေးကွက်ကို အမေရိကန် အပြီးတိုင်ဆုံးရှုံးနိုင်ဟု USSEC ပြော

အမေရိကန်အနေနဲ့ တရုတ်ဈေးကွက်ကို အပြီးတိုင် ဆုံးရှုံးနိုင်တယ်လို့ ဘေကျင်းမှာ ကျင်းပနေတဲ့ ကုန်သွယ်ရေးဝန်ဆောင်မှု ပြပွဲအတွင်း အမေရိကန် ပဲပုပ်စေ့တင်ပို့ရေးကောင်စီ (USSEC) က ပြောလိုက်ပါတယ်။ အမေရိကန်နဲ့ တရုတ် နှစ်နိုင်ငံကြားက ကုန်သွယ်ရေးစစ်ပွဲဟာ ပဲပုပ်စေ့လုပ်ငန်းကို အရှိန်ပြင်းပြင်း ထိခိုက်ခဲ့တယ်လို့ USSEC က မေလ ၂၈ ရက်မှာ ပြောလိုက်တာပါ။ တရုတ်အစိုးရဟာ အမေရိကန်ပဲပုပ်တွေကို ဇူလိုင်နှောင်းပိုင်းမှာ အခွန် ၂၅ ရာခိုင်နှုန်း တိုးကောက်ခဲ့တာပါ။ ဒါဟာ ကမ္ဘာ့အကြီးဆုံး စီးပွားရေး အင်အားကြီး နှစ်နိုင်ငံကြား အပြန်အလှန် ကုန်သွယ်ရေးစစ်ပွဲရဲ့ အစိတ်အပိုင်း ဖြစ်ပါတယ်။ ဒါကြောင့် အမေရိကန် လယ်သမားတွေဟာ ကုန်စည်တွေ အပုံလိုက်နဲ့ ထိုင်နေခဲ့ရပါတယ်။ တရုတ်ဟာ အမေရိကန်ရဲ့ ကုန်သွယ်ရေးဒဏ်ခတ်မှုကို တုံ့ပြန်တဲ့အနေနဲ့ အမေရိကန်က တင်သွင်းလာတဲ့ ပြောင်း၊ ဝက်သားနဲ့ တခြားကုန်စည်တွေအပေါ်ပါ အခွန်တိုးကောက်ခဲ့တာပါ။ တရုတ်ဟာ သူ့စီးပွားရေး လုပ်ပုံကိုင်ပုံတွေကို အပြောင်းအလဲလုပ်ဖို့ အရင်ကပေးထားတဲ့ ကတိကို ဖျက်ခဲ့တယ်လို့ အမေရိကန်အစိုးရက စွပ်စွဲအပြီး ဒီလအစောပိုင်းမှာတော့ ကုန်သွယ်ရေးတင်းမာမှု သိသိသာသာ ပိုတိုးလာခဲ့ပါတယ်။ USSEC ရဲ့ ဈေးကွက်မန်နေဂျာ ကျောက်လျန်က "တရုတ်နိုင်ငံထဲမှာ ပဲပုပ်ရောင်းအားက သိသိသာသာ ကျဆင်းနေပါတယ်။ ကုန်သွယ်ရေးစစ်ပွဲ ဆက်ဖြစ်နေရင်တော့ တရုတ်ဈေးကွက်ကို အမြဲတမ်း လက်လွှတ်လိုက်ရဖို့ ဖြစ်နိုင်ချေ အများကြီးရှိတယ်" လို့ ပြောပါတယ်။ အမြင်မရှင်းတဲ့အပြင် ယုံကြည်မှု ပျောက်သွားရင် ပြန်နာလံထူဖို့ ခက်တယ်လို့လည်း သူက ပြောပါတယ်။ မသေချာတဲ့ အခြေအနေအောက်မှာ စီးပွားရေးသမားတွေက အကောင်းမြင်စိတ် စွဲကိုင်ထားဆဲပါ။ "သည်းခံရမှာပဲ၊ နိုင်ငံအားလုံးက လမ်းဖွင့်ထားပြီး စောင့်နေတယ်၊ နောက်ဆုံးမှာ သူတို့အတွက် အခွင့်ကောင်းကို မြင်နိုင်တယ်လေ၊ ဒါကြောင့် သဘောတူညီချက်ရဖို့ ကြိုးစားရေး တရုတ်နဲ့ ပြိုင်နေကြတယ်၊ အမေရိကန်ကလည်း သူတို့စီးပွားရေး ပြန်ရအောင် ကြိုးစားမှာပါ" လို့ အမေရိကန် ကုန်သည်ကြီးများအသင်း ဥက္ကဋ္ဌ ဟုမ်းစ် စတုန်းနာက ပြောပါတယ်။ တရုတ်ဟာ အမေရိကန်ဒေါ်လာ ဘီလျံ ၆၀ ဖိုးရှိ ပစ်မှတ်ထားတဲ့ ကုန်စည်စာရင်းကို သုံးသပ်ရင်း ဇွန်လ ၁ ရက်နေ့ကစပြီး အမေရိကန်ပို့ကုန် အများစုအပေါ် ပိုမြင့်တဲ့အခွန်တွေ ကောက်မယ်လို့ ပြောထားပါတယ်။ အမေရိကန်သမ္မတ ဒေါ်နယ်ထရမ့်ကလည်း တရုတ်က လက်မလျှော့ရင် တရုတ်ပို့ကုန် အားလုံးအပေါ် အခွန်ထပ်ကောက်ဖို့ ရည်ရွယ်ထားတယ်လို့ အချက်ပြခဲ့ပါတယ်။
2 years Ago

May 28, 2019

တရုတ်-အမေရိကန် ကုန်သွယ်ရေးစစ်ပွဲ အခြေခံပြဿနာ ပညာရေးအဆင့် မတူညီမှုကြောင့်ဖြစ်ဟု ဟွာဝေးဥက္ကဋ္ဌ ပြော

တရုတ်နဲ့ အမေရိကန် ကုန်သွယ်ရေးစစ်ပွဲရဲ့ အခြေခံပြဿနာက ပညာရေးအဆင့် မတူညီမှုကြောင့်လို့ ဟွာဝေး နည်းပညာကုမ္ပဏီရဲ့ ဥက္ကဋ္ဌက ပြောလိုက်ပါတယ်။ ဟွာဝေး နည်းပညာလုပ်ငန်း တည်ထောင်သူနဲ့ ဥက္ကဋ္ဌ ရန်ကျန်းဖေးက တရုတ်အစိုးရ မီဒီယာ စီစီတီဗွီနဲ့ လူတွေ့မေးမြန်းခန်းမှာ မေလ ၂၇ ရက်က အခုလို ပြောလိုက်တာပါ။ နိုင်ငံတနိုင်ငံဟာ အခြေခံအဆောက်အဦ တည်ဆောက်ရေးမှာသာ အားစိုက်နေသင့်တာ မဟုတ်ဘဲ ပညာရေးရဲ့ အရေးကြီးမှုကိုပါ ပူးတွဲ လုပ်ဆောင်သင့်တယ်လို့ ရန်က ပြောပါတယ်။ "တကယ်လို့ ကျနော်တို့ ပညာရေးကို အာရုံမစိုက်ထားခဲ့ရင် ကျေန်ာတို့ တနေ့နေ့မှာ ဆင်းရဲတွင်းထဲ ပြန်ကျသွားလိမ့်မယ်" လို့ ရန်က ပြောပါတယ်။ နိုင်ငံတနိုင်ငံရဲ့ ဝိညာဉ်နဲ့ ကြွယ်ဝမှုကို ရုပ်ဝတ္ထုပိုင်းပံ့ပိုးမှု အင်္ဂါရပ်တွေနဲ့ပဲ မဆုံးဖြတ်သင့်ဘဲ ယဉ်ကျေးမှု၊ အတွေးအခေါ်နဲ့ ပညာရေးတို့လို ကိုင်တွယ်ထိတွေ့လို့မရတဲ့ အစိတ်အပိုင်းတွေနဲ့လည်း ဆုံးဖြတ်သင့်တယ်လို့ ရန်က ဆက်ပြောပါတယ်။ "ကျေးလက်ဒေသတွေမှာ အခြေခံပညာရေးကို မစခဲ့ရင်၊ အခြေခံပညာရေးကို တဆင့်ပြီး တဆင့် မလုပ်ဆောင်ခဲ့ရင် ကျနော်တို့နိုင်ငံဟာ ကမ္ဘာမှာ ယှဉ်ပြိုင်နိုင်မှာ မဟုတ်ဘူး" လို့လည်း ရန်က ပြောပါတယ်။ နိုင်ငံတနိုင်ငံဟာ လုံလောက်အောင် တံခါးဖွင့်ထားသင့်တယ်၊ ဒါမှသာ တောက်ပတဲ့ အနာဂတ်ရှိမယ်၊ ဒါပေမယ့် ဖွင့်ပေးတဲ့ ပရိဝုဏ်က ယဉ်ကျေးမှုနဲ့ ပညာရေးပင်စည် ခိုင်မာ အားကောင်းရမယ်လို့လည်း ရန်က ဆက်ပြောပါတယ်။ အမေရိကန်နဲ့ တရုတ် ကုန်သွယ်ရေးစစ်ပွဲရဲ့ အစိတ်အပိုင်းအနေနဲ့ အမေရိကန် အစိုးရက တရုတ်အခြေစိုက် ဟွာဝေးနဲ့ မိတ်ဘက်လုပ်ငန်း ၇၀ ကို အရင်အပတ်က နာမည်ပျက်စာရင်း သွင်းခဲ့တာပါ။ ဒါကြောင့် အမေရိကန်နဲ့ မဟာမိတ်နိုင်ငံတွေက စီးပွားရေးလုပ်ငန်းတွေဟာ ဟွာဝေးနဲ့ ပူးပေါင်းလုပ်ကိုင်နေတဲ့ စီးပွားရေး လုပ်ငန်းတွေကို အဆက်ဖြတ်လိုက်ကြပါတယ်။ ဂျပန်နဲ့ ဗြိတိန်တို့က အွန်လိုင်းဈေးရောင်းတဲ့ လုပ်ငန်းတချို့ကလည်း ဟွာဝေး ထုတ်ကုန်တွေကို သူတို့ရဲ့စာမျက်နှာပေါ်မှာ တင်ရောင်းမပေးတော့ဘဲ ဖြုတ်ချခဲ့ကြပါတယ်။ အမေရိကန်ရဲ့ ဗိုလ်ကျမှုကို အကောင်းဆုံး တုံ့ပြန်နည်းဟာ တရုတ်လုပ်ငန်းတွေ ပိုအားကောင်းကောင်းနဲ့ ဆက်တိုးတက်နေဖို့ပဲလို့ တရုတ် စီးပွားရေးဝန်ကြီးဌာန ပြောခွင့်ရက ဆိုပါတယ်။
2 years Ago
More News
Up