ကုန်သင်္ဘော

May 20, 2019

မီးလောင်သင်္ဘောပေါ်က ဝန်ထမ်းများကို ရဟတ်ယာဉ် ၂ စီးဖြင့် ကယ်တင် (ရုပ်သံ)

မီးလောင်နေတဲ့ ကုန်တင်သင်္ဘောပေါ်က အမှုထမ်းတွေကို စပိန် အရေးပေါ်ကယ်ဆယ်ရေး အဖွဲ့က ရဟတ်ယာဉ်နှစ်စီးနဲ့ ကယ်တင်ခဲ့ရပါတယ်။ အီတလီအလံ လွှင့်တင်ထားတဲ့ ကုန်တင်သင်္ဘော “Grande Europa” ဟာ ပြီးခဲ့တဲ့ မေ ၁၅ ရက်နေ့က ပါးမားမြို့ရဲ့ တောင်ဘက် ၂၅ မိုင်အကွာမှာရှိတဲ့ မယ်လိုကာကျွန်းမှာ မီးလောင်ကျွမ်းခဲ့ရတာလို့ အရေးပေါ်ကယ်ဆယ်ရေးဌာန လူမှုကွန်ရက် စာမျက်နှာမှာ ရေးသားထားပါတယ်။ ဒီဖြစ်စဉ်အတွင်းမှာ ကယ်ဆယ်ရေးဌာနက သင်္ဘောပေါ်က အမှုထမ်း ၁၅ ဦးကို ရဟတ်ယာဉ်နဲ့ ကယ်ဆယ်ခဲ့ရပြီး ကျန်တဲ့ ၁၀ ဦးကတော့ သင်္ဘောပေါ်ကမီးကို ငြှိမ်းသတ်ဖို့ ကျန်ရစ်ခဲ့ပါတယ်။ ဒီကယ်ဆယ်ရေးမှာ ရဟတ်ယာဉ်နှစ်စီးနဲ့ လှေသုံးစီး ပါဝင်ခဲ့ပြီး ဖြစ်စဉ်တခုလုံးမှာ ထိခိုက်ဒဏ်ရာရမှု တစုံတရာ ဖြစ်ပွားခဲ့တာတော့ မရှိပါဘူး။ လက်ရှိအချိန်ထိ မီးလောင်မှုဖြစ်ရတဲ့ အကြောင်းအရင်းကိုလည်း မသိရသေးပါဘူး။
4 years Ago

May 13, 2019

ယူအေအီး ရေပိုင်နက်အနီးတွင် ကုန်သင်္ဘော ၄ စီး ဖျက်ဆီးခံရ

အာရပ်စော်ဘွားများပြည်ထောင်စု (ယူအေအီး) ရေပိုင်နက်နားမှာ ကုန်သင်္ဘောလေးစီး တမင်သက်သက် ပစ်မှတ်ထား ဖျက်ဆီးခံခဲ့ရပေမယ့် လူအသေအပျောက်တော့ မရှိဘူးလို့ နိုင်ငံခြားရေး ဝန်ကြီးဌာနက မေလ ၁၂ ရက်မှာ ပြောပါတယ်။ ယူအေအီးနိုင်ငံ ဖူဂျေးရာပြည်နယ်နားမှာ ခုလိုဖြစ်ခဲ့ပြီး ဖျက်ဆီးပုံ အသေးစိတ်ကိုတော့ မပြောခဲ့ပါဘူး။ ဒီနေရာဟာ ဟော်မုဇ် ရေလက်ကြား အပြင်ဘက်မှာရှိပြီး ကမ္ဘာ့အကြီးဆုံး ရေနံတင် ဆိပ်ကမ်း အချက်အချာနားမှာ ရှိပါတယ်။ ဖူဂျေးရာဆိပ်ကမ်းက လုပ်ငန်းစဉ်တွေ တနင်္ဂနွေနေ့က ပုံမှန်အတိုင်း လည်ပတ်နေတယ်လို့ ကုန်သွယ်ရေးနဲ့ စက်မှုလုပ်ငန်း သတင်းရင်းမြစ်တွေက ပြောပါတယ်။ ဟော်မုဇ်ရေလက်ကြားဟာ ပင်လယ်ကွေ့နိုင်ငံတွေနဲ့ အီရန်နိုင်ငံကို ပိုင်းခြားထားပြီး ကမ္ဘာ့အရေးကြီးဆုံး ရေနံနဲ့ဓာတ်ငွေ့ တင်ပို့မှု လမ်းကြောင်းပေါ်မှာ ရှိနေတာပါ။ အမေရိကန်ရဲ့ အီရန်အပေါ် ဒဏ်ခတ်မှုနဲ့ ပတ်သက်လို့ စစ်ပွဲဆိုင်ရာ စကားတွေ ဆူညံနေပြီး အမေရိကန်စစ်တပ်ရဲ့ လေယာဉ်တင် သင်္ဘောတစီးလည်း ပင်လယ်ကွေ့ဒေသထဲမှာ ရောက်နေပါတယ်။
4 years Ago
More News
Up