ကုန်စည်ပြပွဲ

A d v e r t i s e m e n t With Us

September 12, 2018

တရုတ်-အာဆီယံ စီးပွားရေးနှင့် ရင်းနှီးမြှုပ်နှံမှု ထိပ်သီးညီလာခံ ယနေ့စတင်ကျင်းပ

တရုတ်နိုင်ငံတောင်ပိုင်း ကွမ်းရှီး ကိုယ်ပိုင်အုပ်ချုပ်ခွင့်ရဒေသ နန်နင်းမြို့မှာ ကျင်းပမယ့် ၁၅ ကြိမ်မြောက် တရုတ်-အာဆီယံ ကုန်စည်ပြပွဲနဲ့ တရုတ်-အာဆီယံ စီးပွားရေးနဲ့ ရင်းနှီးမြှပ်နှံမှု ထိပ်သီးညီလာခံကို ဒီနေ့ စက်တင်ဘာ ၁၂ ရက်ကနေ ၁၅ ရက်နေ့ထိ ကျင်းပမှာ ဖြစ်ပါတယ်။ ဒီပွဲတွေကို တက်ရောက်လာတဲ့ နိုင်ငံ့ခေါင်းဆောင်တွေကို တရုတ်ဒုဝန်ကြီးချုပ် ဟန်ကျန်းက စက်တင်ဘာ ၁၁ ရက်မှာ တွေ့ဆုံ နှုတ်ဆက်ပါတယ်။ တရုတ်အစိုးရဟာ အရှေ့တောင်အာရှနိုင်ငံများအသင်း အာဆီယံအသင်းဝင် နိုင်ငံတွေနဲ့အတူ အလုပ်လုပ်ဖို့ အသင့်ရှိတယ်လို့လည်း သူက ပြောပါတယ်။ ကမ္ဘောဒီးယားဝန်ကြီးချုပ် ဟွန်ဆန်နဲ့ အစည်းအဝေးအတွင်း ဟွန်ဆန်က နှစ်နိုင်ငံရဲ့ အနာဂတ်တွေကို မျှဝေဖို့ တရုတ်ရဲ့ ပိုးလမ်းနှစ်သွယ် စီမံကိန်းကို ပူးတွဲတည်ဆောက်မယ်၊ ဖွံ့ဖြိုးရေးဗျူဟာတွေကို စွမ်းအားမြှင့်မယ်၊ နယ်ပယ်အသီးသီးမှာ ပူးပေါင်းဆောင်ရွက်မှု တိုးချဲ့မယ်လို့ ပြောပါတယ်။ မြန်မာဒုသမ္မတ ဦးမြင့်ဆွေနဲ့ ဆွေးနွေးရာမှာ တရုတ်ဟာ မြန်မာရဲ့ ငြိမ်းချမ်းရေး လုပ်ငန်းစဉ်ကို ထောက်ပံ့တယ်၊ အပြုသဘောဆောင်တဲ့ အခန်းကဏ္ဍကနေ ဆက်ပြီး လုပ်ဆောင်သွားမယ်လို့ ဟန်က ပြောပါတယ်။ ပြည်သူတွေရဲ့ လူနေမှုဘဝနဲ့ ပတ်သက်တဲ့ စီမံကိန်းတွေ၊ စီမံကိန်းကြီးတွေကို အကောင်အထည်ဖော်မှု အရှိန်မြှင့်မယ်၊ အားလုံးပါဝင်တဲ့ ဗျူဟာမြောက် ပူးပေါင်းဆောင်ရွက်ရေး မိတ်ဘက်ဖြစ်မှု တိုးမြှင့်မယ်လို့လည်း ဟန်က ပြောပါတယ်။ ဦးမြင့်ဆွေကလည်း နှစ်နိုင်ငံ ခေါင်းဆောင်တွေကြား ရထားတဲ့ သဘောတူညီချက်တွေကို အကောင်အထည် ဖော်သွားမယ်လို့ တုံ့ပြန် ပြောဆိုပါတယ်။ တရုတ် ဒုဝန်ကြီးချုပ်ဟာ တန်ဇန်းနီးယား ဒုသမ္မတ ၂ နဲ့လည်း တွေ့ဆုံပြီး အပြန်အလှန် ကုန်သွယ်ရေးနဲ့ ရင်းနှီးမြှပ်နှံမှု ပူးပေါင်းဆောင်ရွက်ရေး တိုးမြှင့်ဖို့ ဆော်သြပါတယ်။ တန်ဇန်းနီးယားနိုင်ငံဟာ ဒီနှစ် တရုတ်-အာဆီယံ ကုန်စည်ပြပွဲအတွက် ဖိတ်ကြားထားတဲ့ မိတ်ဘက်နိုင်ငံ ဖြစ်ပါတယ်။
2 years Ago

November 3, 2015

ထိုင်းနိုင်ငံတွင် ကာကွယ်ရေးနှင့် လုံခြုံရေးဆိုင်ရာ ကုန်စည်ပြပွဲ ကျင်းပ

ထိုင်းနိုင်ငံရဲ့ ကာကွယ်ရေးနဲ့ လုံခြုံရေးဆိုင်ရာ ကုန်စည်ပြပွဲကို နိုဝင်ဘာ ၂ ရက်ကနေ ၅ ရက်ထိ ကျင်းပနေပါတယ်။ မောင်ထောင်ဌာနီခရိုင် အင်းပက် ကုန်စည်ပြပွဲနဲ့ ညီလာခံခန်းမမှာ ကျင်းပတဲ့  ဒီကုန်စည်ပြပွဲအတွင်း ထိုင်းနိုင်ငံထုတ် စစ်ဘက်နဲ့ လုံခြုံရေးဆိုင်ရာ ကုန်စည်တွေကို ခင်းကျင်းပြသပါတယ်။ ထိုင်းနိုင်ငံရဲ့ ကာကွယ်ရေးပစ္စည်းထုတ် လုပ်ငန်းဟာ ပုဂ္ဂလိက ကဏ္ဍက မဟာမိတ်တွေနဲ့ ပူးပေါင်းပြီး ပစ္စည်းကိရိယာတွေကို ကိုယ်တိုင် ထုတ်လုပ်နိုင်စွမ်း ရှိလာခဲ့ပြီလို့ ထိုင်း လုံခြုံရေးဆိုင်ရာ ဒု-ဝန်ကြီးချုပ် ဗိုလ်ချုပ်ကြီး ပရာဝစ် ဝုန်စူဝမ်က နိုဝင်ဘာ ၂ ရက် ဖွင့်ပွဲအတွင်း ပြောပါတယ်။ ကာကွယ်ရေးဝန်ကြီးဌာန လက်အောက်က ပြည်သူပိုင် အဖွဲ့အစည်းဖြစ်တဲ့ ကာကွယ်ရေး နည်းပညာတက္ကသိုလ်က စစ်တပ်သုံး လက်နက်တွေ ထုတ်လုပ်ရာမှာ သုတေသနနဲ့ ဖွံ့ဖြိုးရေးအတွက် တာဝန်ယူထားတယ်၊ ပင်ကိုယ်အရည်အချင်း အစွမ်းအစတွေကို ဆက်လက် ဦးဆောင်သွားမယ်လို့ ပရာဝစ်က ဆက်ပြောပါတယ်။ ကုန်စည်ပြပွဲအတွင်း အာရှ ကာကွယ်ရေးနဲ့ လုံခြုံရေး ကုန်စည်ပြပွဲ ညီလာခံတွေနဲ့ ကွန်ရက်ဖွဲ့ အခမ်းအနားတွေလည်း ပါဝင်ကျင်းပမှာပါ။ တယ်လီကွန်းနဲ့ အီလက်ထရောနစ် ကာကွယ်ရေး ပစ္စည်းကိရိယာတွေ၊ ဂြိုဟ်တုတွေ၊ ရေယာဉ်တွေ၊ လူ ၁၂ ယောက် စီးနင်းနိုင်ပြီး လက်နက်တပ်ဆင်ထားတဲ့ ကုန်းရေ ၂ တန်သွား black widow spider အဆင့် သံချပ်ကာကားတွေ၊ ပဲ့ထိန်းလက်နက်တွေ၊ တင့်ကားတွေ၊ ဒုံးကျည်တွေနဲ့ လက်နက်စနစ်တွေ အပါအဝင် ကြည်းရေလေ ကာကွယ်ရေး ပစ္စည်းတွေကို ထုတ်လုပ်သူတွေက ဒီကုန်စည်ပြပွဲကို ပါဝင်ပြသနေတာပါ။ ဒီပြပွဲကို အာရှနိုင်ငံအသီးသီးက ကြည်းရေလေ တပ်တွေက အဆင့်မြင့် အရာရှိတွေနဲ့ နိုင်ငံတကာ စစ်ဘက်အရာရှိတွေ တက်ရောက်နိုင်ပါတယ်။ ဒါ့အပြင် ရဲချုပ်၊ အကောက်ခွန်၊ ကမ်းရိုးတန်းစောင့်တပ်၊ ပြည်ထဲရေးဝန်ကြီးဌာနနဲ့ တခြား အစိုးရနဲ့ ပုဂ္ဂလိက လုံခြုံရေးအဖွဲ့တွေကိုလည်း ဒီပြပွဲကို တက်ရောက်ဖို့ ဖိတ်ကြားထားပါတယ်။
5 years Ago
Up