ကိုလံဘီယာ

August 7, 2022

ကိုလံဘီယာတွင် လာဂါစီယာမြစ်ရေလျှံ

သည်းသည်းထန်ထန် ရွာနေတဲ့ မိုးကြောင့် ကိုလံဘီယာအနောက်ပိုင်းက လာဂါစီယာမြစ်ဟာ သြဂုတ် ၅ ရက် ညပိုင်းမှာ စပြီး ရေလျှံခဲ့ပါတယ်။ 

ရေကြီးမှုကြောင့် အန်တီယိုကွေယာဒေသ ဘယ်လိုမြို့က အိမ်ရာနဲ့ချီ ပျက်စီးခဲ့သလို မိုးရွာနေလို့ ရွှံ့ရေတွေ လျှံတက်ခဲ့ပြီး အိမ်ခြေ ၁၆၀ ပျက်စီးခဲ့ရကာ မိသားစု ၆၀ အိုးမဲ့အိမ်မဲ့ ဖြစ်ခဲ့ပါတယ်။ 

ရေကျပြီးတာနဲ့ တပြိုင်နက် ဒေသခံတွေက သူတို့အိမ်တွေကို သန့်ရှင်းရေးလုပ်ခဲ့ပြီး အပျက်အစီး တွေကြားက ပစ္စည်းတွေကို ဆယ်ဖို့ ကြိုးစားနေတာကို ရုပ်သံ မှတ်တမ်းတွေက ပြသခဲ့ပါတယ်။

ရေကြီးမှုကြောင့် အသေအပျောက်တော့ မရှိဘူးလို့ အာဏာပိုင်တွေက သတင်းထုတ်ပြန် ထားပါတယ်။  

7 days Ago

August 3, 2022

လေးနှစ်ဆက်တိုက် ကိုပါအမေရိကားဖလား ချန်ပီယံ ဘရာဇီးအမျိုးသမီးအသင်း

ကိုပါအမေရိကားဖလား ဗိုလ်လုပွဲမှာ အိမ်ရှင် ကိုလံဘီယာအသင်းကို ၁ ဂိုး ဂိုးမရှိနဲ့ အနိုင်ရခဲ့တဲ့ ချန်ပီယံ ဘရာဇီးအမျိုးသမီးဟာ သြဂုတ် ၂ ရက် မနက်ပိုင်းက မိခင်နိုင်ငံ ပြန်လည်ရောက်ရှိလာပါတယ်။

ဘရာဇီးအမျိုးသမီးအသင်းဟာ ဒီနှစ်နဲ့ဆိုရင် လေးနှစ်ဆက်တိုက် ကိုပါအမေရိကားဖလားကို ရရှိတာဆိုပေမဲ့ အောင်ပွဲရ အမျိုးသမီးအသင်းကို လေဆိပ်မှာ လှိုက်လှိုက်လှဲလှဲ တခဲနက် ကြိုဆိုနေတာမျိုး မတွေ့ရပါဘူး။

ဒါပေမဲ့ နိုင်ငံ့ဂုဏ်ဆောင် အမျိုးသမီးအသင်းကတော့ ဘရာဇီးအတွက် ၈ ကြိမ်မြောက် ဖလားကို ရယူပေးနိုင်တဲ့အတွက် ဝမ်းသာဂုဏ်ယူတယ်လို့ ပြောပါတယ်။

1 week Ago
More News
Up