မြောက်ကိုရီးယားခေါင်းဆောင် ကင်ဂျုံအန်းက ကိုရီးယားကျွန်းဆွယ် ငြိမ်းချမ်းလုံခြုံရေးဟာ အမေရိကန်ရဲ့ သဘောထားပေါ်မှာ မူတည်နေကြောင်း  ပြောခဲ့တယ်လို့ မြောက်ကိုရီးယားနိုင်ငံပိုင် မီဒီယာ KCNA က ဧပြီ ၂၆ ရက်နေ့မှာ ဖော်ပြပါတယ်။ ကင်ဂျုံအန်းဟာ ဧပြီ ၂၅ ရက်နေ့က ရုရှားနိုင်ငံကို ရောက်လာပြီး သမ္မတ ဗလာဒီမာပူတင်နဲ့ ထိပ်သီးတွေ့ဆုံပွဲမှာ အခုလို ပြောကြားခဲ့တာပါ။ “မကြာသေးခင်က မြောက်ကိုရီးယား-အမေရိကန် ဒုတိယအကြိမ် ထိပ်သီးတွေ့ဆုံမှုမှာ အမေရိကန်က မမှန်ကန်တဲ့ တဖက်သတ်ဆန်ဆန် သဘောထားထားရှိတဲ့အတွက်  အခုချိန်မှာ ကိုရီးယားကျွန်းဆွယ်နဲ့ ဒေသတွင်းအခြေအနေဟာ ရှေ့မတိုးနောက်မဆုတ် အခြေအနေ မှာရှိတယ်။….မူလအခြေအနေကို ပြန်လှည့်သွားနိုင်တဲ့ အရေးကြီးတဲ့အချိန်ကို ရောက်နေတယ်။” ဖေဖော်ဝါရီလက ဗီယက်နမ်နိုင်ငံမှာ ပြုလုပ်ခဲ့တဲ့ အမေရိကန်သမ္မတ ဒေါ်နယ်ထရမ့်နဲ့ ကင်ဂျုံအန်းတို့ ဒုတိယအကြိမ် တွေ့ဆုံမှုဟာ ဘာသဘောတူညီချက်မှမရဘဲ ပျက်သွားခဲ့တာပါ။ အမေရိကန်အနေနဲ ပိုပြီးသဘောထားပျော့ပြောင်းလာဖို့ အခုနှစ်ကုန်အထိ စောင့်သွားမယ်လို့ ဧပြီအစောပိုင်းမှာ ကင်ဂျုံအန်းက ပြောခဲ့ပါတယ်။

ကိုရီးယားကျွန်းဆွယ်ပေါ်မှာ တင်းမာမှုတွေ ဖြစ်နေတာကြောင့် ဂျပန်က ကာကွယ်ရေးလေ့ကျင့်ခန်းတွေ လုပ်ပြီး အဆင်သင့် ပြင်ဆင်နေပါတယ်။ ဂျပန်နိုင်ငံ အနောက်ဘက် ကမ်းရိုးတန်းက တော့တိုရိခရိုင် ခို့တိုဥရမြို့မှာ သြဂုတ် ၁၉ ရက်နေ့က ဘေးကင်းရာရွှေ့ပြောင်းမှု လေ့ကျင့်ရေးကို ဒေသခံ အယောက် ၁၅၀ နီးပါး ပါဝင် လေ့ကျင့်ခဲ့ပါတယ်။ မြောက်ကိုရီးယားက အမေရိကန်နိုင်ငံ ဂူအမ်ကျွန်းကို ဒုံးကျည်နဲ့ ပစ်ခတ်ခဲ့ရင် ဂျပန်နိုင်ငံရဲ့ ပိုက်နက်နယ်မြေပေါ်ကနေ ဖြတ်ကျော် ပျံသန်းမှာမို့ ဖြစ်နိုင်ချေအတွက် ကြိုတင်ပြင်ဆင် လေ့ကျင့်တာပါ။ မြို့ရဲ့ အသံချဲ့စက်ကနေ အချက်ပေး ဥသြသံ ထွက်လာတာနဲ့ တပြိုင်နက် ဘောလုံးကစားနေကြတဲ့ ကလေးတွေဟာ သူတို့ရဲ့ ဘောလုံးနည်းပြ အပါအဝင် မိဘတွေနဲ့ အတူ အကာအကွယ်ယူဖို့အတွက် ကျောင်းအတွင်းကို ပြေးဝင်ခဲ့ကြပါတယ်။ ပြီးခဲ့တဲ့ အပတ်အတွင်းမှာ သမ္မတ ဒေါ်နယ်လ်ထရမ့်က အမေရိကန်ကို ဆက်လက်ခြိမ်းခြောက်နေပါက မြောက်ကိုရီးယားဟာ ကမ္ဘာမှာ တခါမှ မကြုံဖူးတဲ့ မီးမိုးရွာသလို တိုက်ခိုက်မှုမျိုးကို ကြုံရလိမ့်မယ်လို့ ပြောခဲ့တာကြောင့် မြောက်ကိုရီးယားက အမေရိကန်ပိုင် ဂူအမ်ကျွန်းကို ဒုံးကျည်နဲ့ တိုက်ခိုက်မယ်လို့ ပြန်လည်ပြောဆိုခဲ့တာပါ။ နှစ်ဘက်စလုံးက အပြန်အလှန်ခြိမ်းခြောက်မှုတွေ လုပ်နေသလို မြောက်ကိုရီးယားရဲ့ စစ်ရေးအင်အားကလည်း တိုးတက်လာတာကြောင့် ဂျပန်က ကာကွယ်ရေးအင်အားကို တိုးမြှင့်နေတာလို့ သိရပါတယ်။