ကိုရိုနာ ဒယ်လ်တာမျိုးကွဲ

July 25, 2021

ကိုရိုနာ ဒယ်လ်တာမျိုးကွဲ လအနည်းငယ်အတွင်း ကြီးစိုးလာမည်ဟု WHO ကြေညာ

နိုဗယ်ကိုရိုနာဗိုင်းရပ်စ်ရဲ့ အလွန်အမင်း ကူးစက်လွယ်တဲ့ ဒယ်လ်တာဗီဇမျိုးကွဲဟာ လာမယ့်လ နည်းနည်းအတွင်း ကူးစက်မှုတွေထဲမှာ အများဆုံးကြီးစိုးမယ့် ဗီဇမျိုးကွဲ ဖြစ်လာမယ်လို့ မျှော်လင့်ထားတယ်လို့ ကမ္ဘာ့ကျန်းမာရေးအဖွဲ့ WHO နဲ့ ဥရောပ ရောဂါ ကာကွယ်ရေးနဲ့ ထိန်းချုပ်ရေးဌာန ECDC က ပူးတွဲကြေညာလိုက်ပါတယ်။

ဇွန် ၂၈ ရက်မှ ဇူလိုင် ၁၁ ရက်အတွင်း ဥရောပသမဂ္ဂအဖွဲ့ဝင် ၂၈ နိုင်ငံက ကိုရိုနာဗိုင်းရပ်စ်မျိုးဗီဇတွေကို စစ်ဆေးပြီးစီးခဲ့ရာမှာ ဒယ်လ်တာ ဗီဇမျိုးကွဲက ဗီဇမျိုးကွဲ ၁၉မျိုးထဲမှ အဓိက ကူးစက်လွယ်တဲ့ ဗီဇမျိုးကွဲဖြစ်နေပြီး ကူးစက်မှု စုစုပေါင်းရဲ့ ၆၈ ဒသမ ၃ ရာခိုင်နှုန်း ရှိနေတယ်လို့ ကြေညာချက်က ဆိုပါတယ်။

လက်ရှိကူးစက်မှု အခြေအနေအရဆိုရင် ဒယ်လ်တာ ဗီဇမျိုးကွဲဟာ လာမယ့် လနည်းနည်းအတွင်း ဥရောပတိုက်က နိုင်ငံအားလုံးမှာ တွေ့ရတဲ့ အဓိကကြီးစိုးတဲ့ ဗီဇမျိုးကွဲ  ဖြစ်လာမယ်လို့ ဆိုပါတယ်။

 ပိုပြိုင်ဆိုင်မှု အားကောင်းတဲ့ ဗီဇမျိုးကွဲသစ်တွေ ထွက်မလာခဲ့ရင် ဒယ်လ်တာ ဗီဇမျိုးကွဲဟာ ဆက်လက် ကူးစက်နေပြီး တခြားဗီဇမျိုးကွဲတွေ နေရာမှာ အစားထိုးဝင်လာမယ်လို့လည်း ကြေညာချက်ကို ကိုးကားပြီး ရိုက်တာသတင်းဌာနက ရေးပါတယ်။

3 months Ago
Up