ကိုရိုနာဗိုင်းရပ်စ်သံသယ

March 30, 2020

ညောင်လေးပင်မြို့နယ်၌ ပြည်ပပြန် ၉၀၀ ကျော်ရှိ၊ ကိုရိုနာဗိုင်းရပ်စ်သံသယလူနာ ၁ ဦးထပ်တွေ့

ပဲခူးတိုင်း၊ ​ညောင်​လေးပင်မြို့နယ်​ ပြည်သူ့​ဆေးရုံ​မှာ မတ်လ ၂၉ ရက်​နေ့အထိ ကိုရိုနာဗိုင်း​ရပ်စ်စောင့်​ကြည့်သံသယလူနာတစ်ဦး​ထပ်တွေ့ရှိပြီး ပြည်ပက ပြန်လာသူ ​ရွှေ့​​ပြောင်းအလုပ်သမား ၉၀၀ ကျော်ရှိနေတယ်လို့ မြို့နယ်တာဝန်ရှိသူတွေက ပြောပါတယ်။ ပြွန်တန်ဆာမြို့၊ မြို့မ(၄)ရပ်ကွက်၊ ဆိတ်ပြန်ကြီးကျေးရွာနေ အသက် ၅၃ နှစ် အမျိုးသမီးဟာ မတ်လ ၂၄ ရက်က ထိုင်း-မြန်မာချစ်ကြည်ရေး တံတားအမှတ်(၂)မှ ပြန်လည်ဝင်ရောက်လာတာ ဖြစ်ပြီး မတ်လ ၂၆ ရက်မှာ နေအိမ်မှာ ဖျားနာအသက်ရှုကြပ်တာကြောင့် ပြွန်တန်ဆာတိုက်နယ် ​ဆေးရုံကို ကိုယ်ပူချိန်  ၉၉ ဒီဂရီဖာရင်ဟိုက်နဲ့ တက်​ရောက်ခဲ့တာ​ဖြစ်ပါတယ်။ ပြွန်တန်ဆာတိုက်နယ်ဆေးရုံမှာ ကျန်းမာရေးအခြေအနေမကောင်းတာကြောင့် ညောင်လေးပင် ပြည်သူ့ဆေးရုံကို မတ်လ ၂၉ ရက်က လွှဲပြောင်းပြီ ကိုရိုနာဗိုင်းရပ်စ် စောင့်ကြည့်/သံသယလူနာအဖြစ် စောင့်ကြည့်ကုသပေး​နေတာဖြစ်တယ်လို့ မြို့နယ်ဆရာဝန်ကြီး ဒေါက်တာ သောင်းဒန်ဦး ဒီဗွီဘီ ကိုပြောပါတယ်၊ "လူနာရဲ့ နှာရည်များအား တို့ပတ်ဖြင့်နမူနာယူကာ ဓါတ်ခွဲစမ်းသပ်ဖို့ ပို့ဆောင်ထားပါတယ်။ သူ့ကိုတော့ သီးသန့်ခန်းမှာထား​ပြီး ​စောင့်​ကြည့်ကု​ပေး​နေပါတယ်။" ညောင်လေးပင်မြို့နယ်မှာ မတ်လ ၂၄ ရက်မှ ၂၉ ရက်နေ့အထိ ပြည်ပက ပြန်လာသူ ရွှေ့ပြောင်းအလုပ်သမား ၉၀၀ ကျော်ရှိပြီ ပြည်ပကပြန်လာသူတွေကို နေအိမ်နဲ့ တခြားသတ်မှတ်နေရာတွေမှာ Home Quarantin နဲ့ Facility Quarantine အသွားအလာ ကန်သတ်ထားကာ ၁၄ ရက်​စောင့်ကြည့် စစ်ဆေးနေတယ်လို့ မြို့နယ်အထွေထွေအုပ်ချုပ်ရေး ဦးစီးဌာနက ဒုဦးစီးမှူး ဦးမျိုး​မြင့်အောင် ကပြောပါတယ်။ Facility Quarantine ကို စာသင်ကျောင်း ၇ ခုမှာဖွင့်လှစ်​စောင့်​ကြည့်​နေပြီး၊ စားဝတ်နေရေး အတွက် မိသားစုဝင်​တွေ လာရောက်မထောက်ပံ့နိုင်ပါက မြို့နယ်အစီအစဉ်နဲ့ ​​ထောက်ပံ့ကူညီ ပေးနေတယ်လို့ ဆိုပါတယ်။ ညောင်လေးပင်မြို့နယ်မှာ မတ်လ ၂၄ ရက်နဲ့ ၂၅ ရက်မှာ စောင့်ကြည့်သံသယလူနာ ၄ ဦးရှိပြီး စောင့်ကြည့်သံသယလူနာ ၄ ဦးမှာ ကိုရိုနာဗိုင်းရပ်စ် မတွေ့ရှိရဘူးလို့  ကျန်းမာရေးဦးစီးဌာနက ထုတ်​ပြန်ထားပါတယ်။ သတင်း၊ဓါတ်ပုံ - နေလင်းထိုက်
1 year Ago

March 17, 2020

ကိုရိုနာဗိုင်းရပ်စ်သံသယရှိသူ တွေ့ရှိသတင်း မဟုတ်မှန်ဟု သူဌေးကျွန်းဟိုတယ်ပြော

တနင်္သာရီတိုင်း ကော့သောင်း သူဌေးကျွန်းဟိုတယ်မှာ ကိုရိုနာသံသယရှိသူ တွေ့ရှိတယ်ဆိုတဲ့သတင်းဟာ ကောလာဟလသာ ဖြစ်တယ်လို့ ဟိုတယ်တာဝန်ရှိသူက ပြောပါတယ်။

ကော့သောင်း သူဌေးကျွန်းဟိုတယ်မှာ မတ်လ ၁၆ ရက်က ကိုရိုနာဗိုင်းရပ်စ် သံသယရှိသူ တွေ့ရှိတယ်ဆိုတဲ့သတင်းကြောင့် လူမှုကွန်ရက်စာမျက်နှာပေါ်မှာ ပျံ့နှံ့ခဲ့ပြီး ကော့သောင်းမြို့နေ ပြည်သူတွေ ထိတ်လန့်ခဲ့ကြပါတယ်။

အဆိုပါသတင်းကြောင့် ကော့သောင်းမြို့က သက်ဆိုင်ရာတာဝန်ရှိသူတွေက မတ်လ ၁၆ ရက်နေ့ ညပိုင်းက သူဌေးကျွန်းဟိုတယ်ကို သွားရောက်စစ်ဆေးခဲ့ပါတယ်။

သူဌေးကျွန်းဟိုတယ်ရဲ့တာဝန်ခံ ကိုလွင်မောင်က “အခုလိုင်းပေါ်မှာ ပြန့်နေတဲ့ပုံက ကျနော်တို့ ဟိုတယ်လုံခြုံရေးဆိုဒ်က ထုတ်ထားတဲ့ပုံပါ။ ဒီလူက နေ့လယ် ၂ နာရီလောက်က ထိုင်းကနေတဆင့် ကျွန်းကိုရောက်လာတာပါ။ ဒီရောက်တော့ ကျားနဂါး ဂိမ်းကစားပါတယ်။ ဒီနေ့မှာ လူကလည်း နည်းနည်းများပါတယ်။ ဒီလူက သူ့နံဘေးမှာ လူတွေအုံကြည့်နေချိန် သူကလည်း ရှုံးနေချိန်မှ ရုတ်တရက်ထပြီး သူ့မှာ COVID-19 ရှိတယ်။ ဖယ်ကြလို့ ထအော်တာကြောင့် လူတွေရှဲသွားပြီး လုံခြုံရေးတွေက သူ့ကို ခေါ်ထုတ်သွားပြီး ကျွန်းဆေးခန်းမှာ စစ်ကြည့်တော့ ဘာမှမတွေ့ရဘူး။ နောက်တော့မှ လုံခြုံရေးအရာရှိက အရင်တကြိမ်တုန်းကလည်း HIV ရှိတယ်လို့ ဒီလိုပဲ ထအော်ဖူးတယ်လို့ ပြောတဲ့အတွက် သူ့ကိုသတိပေးပြီး ဒီဟိုတယ်မှာ ကစားခွင့်ပိတ်ခဲ့တယ်” လို့ ပြောပါတယ်။

သက်ဆိုင်ရာဌာနတွေအနေနဲ့ကလည်း အခုထက်ပိုပြီး စိစစ်တာ၊ ကြပ်မှတ်တာတွေ ပြုလုပ်သွားဖို့ အရင်စစ်ဆေးရေးဂိတ်နှစ်နေရာ သတ်မှတ်ထားရာကနေ အခု ၅ နေရာ သတ်မှတ်ဆောင်ရွက်နေတယ်လို့ မြို့နယ်အုပ်ချုပ်ရေးမှူးရုံးမှ တာဝန်ရှိသူတဦးက ပြောပါတယ်။

 

လတ်ကိုကိုဦး

1 year Ago
More News
Up