ကိုယ်ဝန် ဖျက်ချခွင့်

June 14, 2018

ကိုယ်ဝန် ၁၄ ပတ်အတွင်း ဖျက်ချခွင့်ပြုရေး အာဂျင်တီးနားလွှတ်တော်တွင် ဆွေးနွေး

အာဂျင်တီးနားနိုင်ငံမှာ ကိုယ်ဝန်ဆောင်ကာလ ပထမ ၁၄ ပတ်အတွင်း ကိုယ်ဝန်ဖျက်ချခွင့်ကို တရားဝင်ခွင့်ပြုရေးဆိုတဲ့ အငြင်းပွားဖွယ် ဥပဒေကြမ်းနဲ့ ပတ်သက်လို့ ဇွန်လ ၁၃ ရက်နေ့က  လွှတ်တော်မှာ အချေအတင် ဆွေးနွေးငြင်းခုံခဲ့ကြပါတယ်။ အဲဒီအချိန်မှာပဲ လွှတ်တော်အဆောက်အအုံ အပြင်ဘက်မှာ ကိုယ်ဝန်ဖျက်ချခွင့် တရားဝင် ခွင့်ပြုရေးကို ထောက်ခံသူတွေရော ကန့်ကွက်သူ အဖွဲ့တွေပါ စုဝေးတောင်းဆို ဆန္ဒပြခဲ့ကြပါတယ်။ ထောက်ခံသူတွေကတော့ မိခင်သေဆုံးမှုရဲ့ သုံးပုံတပုံလောက်ဟာ တရားမဝင် ကိုယ်ဝန်ဖျက်ချမှုနဲ့ ဆက်နွှယ်နေကြောင်း ထောက်ပြကြပါတယ်။ ဒါပေမယ့်လည်း ကက်သလစ် ခရစ်ယာန်ဘာသာကို နက်ရှိုင်းစွာ ယုံကြည်တဲ့ အာဂျင်တီးနားနိုင်ငံမှာ ခရစ်ယာန်ဘုရားကျောင်းတွေက ကိုယ်ဝန်ဖျက်ချခွင့်ကို ဆန့်ကျင်လျက်ရှိပါတယ်။ လက်ရှိအချိန်မှာတော့ အာဂျင်တီးနားနိုင်ငံမှာ အဓမ္မပြုကျင့်မှုကြောင့်ရတဲ့ ကိုယ်ဝန်နဲ့ မိခင် အသက်အန္တရာယ် စိုးရိမ်ရတဲ့ အခြေအနေတွေ အပါအဝင် သီးခြားကိစ္စတွေမှသာ ကိုယ်ဝန်ဖျက်ချခြင်းကို ခွင့်ပြုပေးကြောင်း သိရပါတယ်။
3 years Ago
Up