ကိုယ့်ကိုယ်ကိုယ် အဆုံးစီရင်

September 23, 2021

မန္တလေးမြို့တွင် စစ်ကောင်စီတပ်သား ၁ ဦး ကိုယ့်ကိုယ်ကိုယ် အဆုံးစီရင်

မန္တလေးမြို့ ပြည်ကြီးတံခွန်မြို့နယ်  သင်ပန်းကုန်းရဲကင်းက အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်တပ်သားတစ်ဦး စက်တင်ဘာ ၂၃ ရက်က နားထင်ကို သေနတ်နဲ့ပစ်ပြီး သတ်သေခဲ့တယ်လို့ သိရပါတယ်။

သတ်သေတဲ့ တပ်သား စိန်သန်းဟာ သင်ပန်းကုန်းရပ်ကွက်၊ ၁၂၁ လမ်းနဲ့ ၅၆ လမ်း ထောင့်က ရဲကင်းခြံစည်းရိုးဘန်ကာမှာ ကင်းစောင့်နေစဉ် သူကိုင်ဆောင်တဲ့ MA - 13 အမျိုးအစား သေနတ်နဲ့ ညာဘက် နားထင်ကို ပစ်ပြီး သေကြောင်းကြံခဲ့တာလို့ မှုခင်းမှတ်တမ်းမှာ ဖော်ပြထားပါတယ်။

သေဆုံးသူ တပ်သား စိန်သန်းကို နန်းတွင်းဆေးရုံသို့ ခေါ်ဆောင်သွားပြီး ဓမ္မတာအတိုင်း သေဆုံးတာ ဟုတ်၊ မဟုတ် စစ်ဆေးဖို့ သေမှုသေခင်းဖွင့်ထားတယ်လို့ သိရပါတယ်။

2 months Ago

July 5, 2020

မြဝတီမြို့ BCF ဇုန်တွင် ထိုင်းကပြန်လာသည့် အလုပ်သမားတဦး ကိုယ့်ကိုယ်ကိုယ် အဆုံးစီရင်

မြန်မာ-ထိုင်း ချစ်ကြည်ရေးတံတား အမှတ် ၂  မြန်မာဘက်ခြမ်း မြဝတီမြို့ BCF ဇုန်မှာ ထိုင်းနိုင်ငံကနေ ပြန်လည်ဝင်ရောက်လာတဲ့ မြန်မာအလုပ်သမားတဦး ဇူလိုင် ၄ ရက်နေ့ မွန်းလွဲပိုင်းက ကိုယ့်ကိုယ်ကိုယ် အဆုံးစီရင်မှု ဖြစ်ခဲ့ပါတယ်။ လှိုင်းဘွဲမြို့နယ် အင်းနို့ကျေးရွာနေ နေရပ်ပြန်ရွှေ့ပြောင်းအလုပ်သမား စောဌေးစန်း (၂၆-နှစ်)ဟာ ကျန်းမာရေးဌာနရဲ့ စစ်ဆေးမှုတွေနဲ့ လ.ဝ.က တာဝန်ရှိသူတွေဆီ အမည်စာရင်းများ ပေးသွင်းပြီးနောက် ဌာနတွေနဲ့ ကိုက် ၁ဝဝ လောက်ဝေးတဲ့ လက်ဆေးစင်များအနီးမှာ အသင့်ပါရှိလာသော ၄ လက်မအရွယ် မောင်းချဓားနဲ့ ကိုယ့်လည်ပင်းကိုယ် လှီးဖြတ်လိုက်ခဲ့တာကြောင့် လေပြွန်ပေါက်ပွင့်ပြီး သွေးထွက်လွန် သေဆုံးခဲ့တာလို့ မျက်မြင်တွေ့ရှိသူ ကိုညီနိုင်က ပြောပါတယ်။ စောဌေးစန်းရဲ့ ရုပ်အလောင်းကို တာဝန်ရှိသူတွေက လူမှုကယ်ဆယ်ရေးကားနဲ့ မြဝတီခရိုင်ပြည်သူ့ဆေးရုံ ပို့ဆောင်ထားတယ်လို့ ဆိုပါတယ်။
1 year Ago
More News
Up