ကိုဗစ်-၁၉ အတည်ပြုလူနာ

August 4, 2021

မိတ္ထီလာခရိုင်၌ ကိုဗစ်-၁၉ အတည်ပြုလူနာ ၂၇၀၀ ဦး၊ သေဆုံးသူ ၁၇၀ ကျော်ရှိလာ

မန္တလေးတိုင်း၊ မိတ္ထီလာခရိုင်အတွင်ရှိ  သာစည်၊ မလှိုင်၊ ဝမ်းတွင်းနဲ့ မိတ္ထီလာ ၄ မြို့နယ်မှာ သြဂုတ် ၃ ရက်နေ့အထိ  ကိုဗစ်-၁၉  ရောဂါပိုးတွေ့ရှိသူပေါင်း  ၂၇၀၀ ကျော်နဲ့   သေဆုံးသူ ၁၇၀ကျော် ရှိလာပြီလို့  ဒေသခံ ပရဟိတအသင်းတွေထံက  သိရပါတယ်။

ပရဟိတလုပ်ဆောင်နေသူတစ်ဦးက "ဒီတတိယလှိုင်းမှာ မိတ္ထီလာ၊ ဝမ်းတွင်းနဲ့ သာစည်က ကူးစက်မှုများနေလို့ stay at home လုပ်ထားတယ်။ ဆေးကုသလို့ ပျောက်ကင်းသွားတာတွေလည်း များပါတယ်။ ၄ မြို့နယ်မှာ ၃ မြို့နယ် stay at home ဖြစ်နေတယ်။ မိတ္ထီလာနဲ့ ဝမ်းတွင်းက သေဆုံးနှုန်းများတယ် သေမှ စစ်ဆေးလိုက်ရင် ကိုဗစ်နဲ့ သေဆုံးတာ ဖြစ်နေတာ များပါတယ်"လို့ ပြောပါတယ်။

မိတ္ထီလာမှာ ကိုဗစ်ကူးစက်ခံ လူနာ   ၈၅၆ ယောက်ရှိပြီး ၄၀၉ ယောက်ကတော့ ပျောက်ကင်းသွားပါတယ်။  ဆေးရုံနဲ့ ကုသရေးစင်တာမှာ ၃၃၇ ယောက် ရှိနေပြီး  သေဆုံးသူ ဦးရေ ၁၀၀ ကျော် ရှိနေပါတယ်။

ဝမ်းတွင်းမှာ ကိုဗစ်ကူစစ်ခံလူနာ  ၁၀၈၅ ယောက်ရှိပြီး အယောက် ၅၄၀ ကတော့ ပျောက်ကင်းသွားပါတယ်။ ဆေးရုံနဲ့ ကုသရေးစင်တာတွေမှာ ၅၉၀ ယောက်ရှိနေပြီး  သေဆုံးသူ ၄၅ ယောက်ရှိနေပါတယ်။

    သာစည်မှာတော့  ၄၇၇ ယောက်ရှိပြီး အယောက်  ၃၃၀ က ကိုဗစ်ပျောက်ကင်းသွားပါတယ်။ ဆေးရုံနဲ့ ကုသရေးစင်တာမှာ ၁၀၃ ယောက် ရှိနေပြီး  သေဆုံးသူ  ၁၃ ယောက် ရှိနေပါတယ်။

    မလှိုင်မှာတော့  ကိုဗစ်လူနာ ၃၁၉ ယောက်ရှိပြီး ၁၉၇ ယောက်ကတော့ ပျောက်ကင်းသွားပါတယ်။ ဆေးရုံနဲ့ ကုသရေးစင်တာမှာ ၁၁၄ ယောက် ရှိနေကာ သေဆုံးသူ ၈ ယောက် ရှိနေပါတယ်။

    တခရိုင်လုံးမှာ ကိုဗစ်လူနာ စုစုပေါင်း  ၂၇၃၇ ယောက်၊  ပျောက်ကင်းသူ ၁၄၇၆ယောက်၊ ဆေးကုသနေဆဲ ၁၀၈၅ ယောက်နဲ့ သေဆုံးသူ ၁၇၆ ယောက် ရှိနေပါတယ်။

2 months Ago

July 28, 2021

ဝက်လက်မြို့နယ်တွင် ကိုဗစ်-၁၉ အတည်ပြုလူနာ ၃၀၀ ကျော်ထိရှိလာ

စစ်ကိုင်းတိုင်း၊ ဝက်လက်မြို့မှာ ဇွန်လ ၁၁ ရက်နေ့ကစပြီး ဇူလိုင်လ ၂၇ ရက်နေ့အထိ ကိုဗစ်-၁၉ တတိယလှိုင်းမှာ ရောဂါကူးစက်ခံရသူ သုံးရာကျော်ရှိသွားပြီလို့ မြို့နယ်ကိုဗစ်-၁၉ ထိန်းချုပ်ရေးနဲ့ အရေးပေါ်တုံ့ပြန်ရေးကော်မတီက ထုတ်ပြန်ကြေညာလိုက်တာဖြစ်ပါတယ်။

ပိုးတွေ့ဆက်စပ်သူတွေနဲ့ ကိုဗစ်-၁၉ သံသယလက္ခဏာသတင်းပေးပို့သူတွေကိုသာ စစ်ဆေး အတည်ပြုထားတာဖြစ်လို့ အခြားအတည်ပြုလို့မရတဲ့ ရောဂါဝေဒနာရှင်တွေလည်း ရှိနိုင်တာ ကြောင့် ကိုဗစ်-၁၉ စည်ကမ်းနဲ့အညီ နေထိုင်သွားလာကြဖို့ကိုလည်း ကော်မတီက တိုက်တွန်း ထားတာ ဖြစ်ပါတယ်။

ဝက်လက်မြို့နယ်အတွင်းမှာ COVID-19 အတည်ပြုလူနာ ၃၁၃ ဦးရှိခဲ့ပြီး၊ သက်သာ ပျောက်ကင်းခဲ့သူ ၁၇၀ ဦးရှိကာ၊ သေဆုံးသူ ၁၇ ဦးရှိပြီး လတ်တလော ကုသဆဲလူနာ ၁၂၆ ဦး ရှိတယ်လို့ မြို့နယ်ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဆီက သိရပါတယ်။

Photo- ဇူလိုင်လ ၂၅ ရက်နေ့က ဝက်လက်မြို့မြင်ကွင်း။

2 months Ago
More News
Up