ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာ တရက်တည်း ကိုဗစ်-၁၉  ပိုးတွေ့လူနာသစ်  ၂၀,၅၁၅ ယောက်ရှိခဲ့ပြီး ရောဂါကူးစက်ခံရသူ စုစုပေါင်း ၁ သန်းနီး ပါး ရှိလာနေပြီ ဖြစ်ပါတယ်။

ပြီးခဲ့တဲ့ ၂၄ နာရီအတွင်း သေဆုံးသူအသစ် ၃၁၂ ယောက်ရှိခဲ့ပြီး ကူးစက်မှုအသစ် ၂ သောင်းကျော်ထဲမှာ ထိုင်းနိုင်ငံတဝန်းအကျဉ်းထောင်တွေထဲက ၂၄၈ ယောက် ပါဝင်တယ် လို့ ဆိုပါတယ်။

တချိန်တည်းမှာပဲ ရောဂါပြန်လည် ပျောက်ကင်းသက်သာလာတဲ့အတွက် ဆေးရုံ က ဆင်းခွင့်ရသူ အရေအတွက်ကတော့ ၂၂,၆၈၂ ယောက် ရှိနေခဲ့တာပါ။

ထိုင်းနိုင်ငံတဝန်းမှာတော့ ကိုဗစ်-၁၉ ရောဂါစတင် ကူးစက်ချိန်ကတည်းက လက်ရှိ အချိန်ထိ ရောဂါကူးစက်ခံရသူ စုစုပေါင်း ၉၆၈,၉၅၇ ယောက်၊ ရောဂါပြန်လည် ပျောက် ကင်းသက်သာလာသူ အရေအတွက် ၇၅၃,၁၁၉ ယောက်နဲ့ ဆေးရုံတက်ရောက်ကုသမှု ခံ ယူနေသူအရေအတွက် ၂၀၇,၅၅၃ ယောက်နဲ့ သေဆုံးသူ ၈,၂၅၈ ယောက် ရှိနေခဲ့တာ ဖြစ် ပါတယ်။

ကိုဗစ်-၁၉ ကာကွယ်ဆေး ထိုးနှံမှု အစီအစဉ်မှာတော့ ထိုင်းပြည်သူ ၃၅၅,၄၀၈ ယောက်ကတော့ ပထမတကြိမ် ထိုးနှံပြီးဖြစ်ကာ ၂ ကြိမ်ထိုးနှံပြီးသူ အရေအတွက် ၁၅၃,၅၁၉ ယောက်၊ ၃ ကြိမ် ထိုးနှံပြီးသူ အရေအတွက် ၉,၁၉၁ ယောက်ရှိနေပြီး ကာကွယ် ဆေးထိုးနှံပြီးသူ စုစုပေါင်း ၂၄ ဒသမ ၆ သန်းကျော် ရှိနေခဲ့ပြီ ဖြစ်ပါတယ်။

ကမ္ဘာတဝန်းမှာတော့ လက်ရှိအချိန်ထိ ကိုဗစ်-၁၉ ရောဂါကူးစက်ခံရသူပေါင်း ၂၀၉ သန်းကျော်၊ ရောဂါပြန်လည် ပျောက်ကင်းသက်သာလာသူပေါင်း ၁၈၇ ဒသမ ၆ သန်း ကျော်နဲ့ သေဆုံးသူပေါင်း ၄ ဒသမ ၄ သန်းနီးပါး ရှိနေခဲ့တယ်လို့ Worldometer ဝက်ဘ် ဆိုက်ဒ်မှာ ဖော်ပြထားပါတယ်။

နေ့စဉ်ကိုဗစ်-၁၉ ရောဂါကူးစက်မှုတွေ မြင့်တက်နေတဲ့ ထိုင်းနိုင်ငံကတော့ ကမ္ဘာ့ နိုင်ငံတွေထဲ ရောဂါကူးစက်မှု အမြင့်ဆုံးအဆင့် ၃၄ နေရာ ကို ရောက်ရှိနေခဲ့တာဖြစ်ပြီး ထိပ်ဆုံးမှာတော့ အမေရိကန်က ၃၇ ဒသမ ၉ သန်းကျော်၊ အိန္ဒိယက ၃၂ ဒသမ ၂ သန်း ကျေိာ်၊ ဘရာဇီးက ၂၀ ဒသမ ၄ သန်းကျော်စီ အသီးသီး ကူးစက်ခံထားရပါတယ်။

ဖားကန့်မြို့နယ် တာမခန်မြို့သစ်မှာ ကိုဗစ်ကုသရေးကို ကိုယ့်အားကိုယ်ကိုးစနစ်နဲ့ လည်ပတ်နေပြီး ဆေးရုံမှာလည်း တစ်လအတွင်း လူနာပေါင်း ၁၉၀၀ လောက် ကုသပေးခဲ့နိုင်တယ် လို့ ပါဝင်လုပ်ကိုင်နေသူ တစ်ဦးက ပြောပါတယ်။

“၂၄ ရက်အတွင်း ပြင်ပလူနာတွေကို အခမဲ့ကုသပေးတာ ၁၈၆၃ ယောက်၊ ဆေးရုံတက် အတွင်းလူနာ ၇၃ ယောက် ရှိပါတယ်။ သေဆုံးသူက ၁၈ ယောက်ရှိတယ်။ ဆေးရုံမဖွင့်နိုင်ခင်ကဆို တော်တော် သေခဲ့တာ” လို့ သူက ပြောပါတယ်။ 

ဆေးပုံမှာ ဆရာဝန်နဲ့ သူနာပြုတွေ မရှိတော့လို့ ဆရာဝန် ၂ ယောက်နဲ့ သူနာပြု ၁၀ ယောက်ကို ဒေသခံတွေရဲ့ အစီအစဉ်နဲ့ပဲ ခန့်ထားပြီး ဆေးရုံနဲ့ ကိုဗစ်စင်တာတွေကို လည်ပတ်နေတာပါ။

ပါဝင်လုပ်ကိုင်နေသူ တစ်ဦးက “ပြည်သူတွေရဲ့ မတည်ငွေနဲ့ လုပ်တာပါ။ ၂၄ ရက်အတွင်း သိန်း ၆၀၀ ကျော် ကုန်တယ်။ Test Kit ဖိုးတင် တော်တော်ကုန်သွားတယ်။ သိန်း ၂၀၀ ကျော်လောက် ကုန်တယ်။ တရွာလုံးကို ထိုးစစ်တော့ ပေါ့စတစ်ဆိုရင် စင်တာကို ပို့တာပေါ့။ စာသင်ကျောင်းမှာ ထားတာ။ ပေါ့စတစ်စင်တာကနေ အရေးပေါ်ဆိုရင်တော့ ဆေးရုံကို ပို့တယ်” လို့ ပြောပါတယ်။

တရွာလုံးကို စစ်ဆေးရာမှာ ကိုဗစ်-၁၉ လူနာ ၂၀၀ လောက် တွေ့ခဲ့ရတယ်လို့ သူက ပြောပါတယ်။

ဒီမတိုင်ခင်ကတော့ တာမခန်မြို့သစ်မှာ ဆရာဝန်တွေကိုယ်တိုင် ကိုဗစ်ကူးစက် သေဆုံးတာတွေ ရှိခဲ့လို့ လူနာတွေကို မကုသနိုင်ဘူး ဖြစ်နေခဲ့တာပါ။