ကိုဗစ်-၁၉ ရောဂါပိုး တွေ့

September 17, 2020

Music Zone လူနာနှင့်ထိတွေ့ခဲ့သူ နတ်မောက်က ၁ ဦးတွင် ကိုဗစ်-၁၉ ရောဂါပိုး တွေ့ရှိ

မကွေးတိုင်းဒေသကြီး နတ်မောက်မြို့နယ်မှာ သင်္ဃန်းကျွန်းမြို့နယ် Music Zone KTV က အလုပ်လုပ်ပြီး ပြန်လာတဲ့ အတည်ပြုလူနာတွေနဲ့ ကားအတူစီးလာတဲ့ အမျိုးသားတစ်ဦးမှာ စက်တင်ဘာ ၁၆ ရက်နေ့ညပိုင်းက ကိုဗစ်-၁၉ ရောဂါပိုးတွေ့ရှိခဲ့တယ်လို့ သိရပါတယ်။ အသက် ၃၂ နှစ်အရွယ် အမျိုးသားတဦးမှာ ကိုဗစ်-၁၉ ရောဂါပိုးတွေ့ရှိခဲ့တာလို့ မကွေးတိုင်း ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာခင်မောင်သန်းက ပြောပါတယ်။ "နတ်မောက်မြို့နယ်မှာ စက်တင်ဘာ ၁၀ ရက်နေ့က Music Zone KTV မှာအလုပ်လုပ်ပြီး ပြန်လာတဲ့ အမျိုးသား ၂ ဦး၊ စက်တင်ဘာလ ၁၂ ရက်နေ့မှာလည်း Music Zone ပြန်အမျိုးသား ၁ ဦးမှာ ကိုဗစ်-၁၉ ရောဂါပိုးတွေ့ရှိခဲ့ပြီးတော့ သူတို့နဲ့အတူကားစီးလာတဲ့ ရန်ကုန်ပြန် အမျိုးသား ၁ ဦးမှာ ရောဂါပိုးတွေ့ရှိခဲ့ပြီး နတ်မောက်မြို့ရဲ့ စတုတ္ထမြောက်လူနာဖြစ်တယ်” လို့ ပြောပါတယ်။ လူနာကို မကွေးမြို့ သင်ကြားရေး ဆေးရုံကြီး အထူးကြပ်မတ်ကုသဆောင်မှာ ကုသပေးမှာဖြစ်ပြီး သူနဲ့ ဆက်စပ်ခဲ့တဲ့သူတွေကိုလည်း နှာခေါင်းတို့ဖတ်၊ အာခေါင်တို့ဖတ်တွေရယူပြီး ဓာတ်ခွဲနမူနာပေးပို့ စစ်ဆေးသွားမယ်လို့ ဆိုပါတယ်။ မကွေးတိုင်းအတွင်းက မြို့နယ် ၇ မြို့နယ်မှာ ကိုဗစ်-၁၉ အတည်ပြုလူနာ ၁၃ ဦးတွေ့ရှိခဲ့ပြီး ၃ ဦးရောဂါပိုးကင်းစင်၊ ၁ ဦးဆေးရုံဆင်းခွင့်ရရှိပြီး ၉ ဦးကတော့ ဆေးဝါးကုသမှုခံယူနေတယ်လို့ တိုင်းဒေသကြီးပြည်သူ့ကျန်းမာရေးဦးစီးဌာနက သိရပါတယ်။ သတင်း-မင်းထီး
8 months Ago

August 20, 2020

ပရီးမီးယားလိဂ်ကလပ် ၁၂ သင်းက လူ ၁၄ ဦးတွင် ကိုဗစ်-၁၉ ရောဂါပိုး တွေ့ရှိ

ပရီးမီးယားလိဂ်ကလပ် ၁၂ သင်းက လူ ၁၄ ဦးမှာ ကိုဗစ်-၁၉ ရောဂါပိုးတွေ့ရှိခဲ့တယ်လို့ သိရပါတယ်။ ပရီးမီးယား လိဂ်ကလပ်အများစုဟာ ရာသီသစ်အတွက် လေ့ကျင့်မှုတွေ ပြန်လည်စတင်နေကြပြီး ကိုဗစ်-၁၉ ရောဂါပိုးစစ်ဆေးမှုတွေလည်း လုပ်ဆောင်ခဲ့ကြတာပါ။  ကလပ် ၁၂ သင်းက လူ ၁၄ ဦးမှာတော့ ကိုဗစ် ရောဂါပိုးတွေ့ရှိခဲ့ရတာကြောင့် ရာသီသစ်အတွက် စိုးရိမ်စရာဖြစ်ခဲ့ရပါတယ်။  သြစတြီးယားမှာ လေ့ကျင့်နေတဲ့ ချန်ပီယံလီဗာပူးအသင်းက ကစားသမားတဦးမှာလည်း ကိုဗစ်-၁၉ ရောဂါပိုးတွေ့ရှိခဲ့ပါတယ်။ ပိုးတွေ့ရှိတဲ့သူ နောက်ထပ် ၁၃ ဦးကတော့ ဘယ်အသင်းကလဲဆိုတာ မသိရသေးပါဘူး။  ပရီးမီးယား လိဂ်ကလပ်တွေထဲမှာ မန်ယူ၊ မန်စီးတီး၊ ချဲလ်ဆီး၊ ဝုဗ်နဲ့ အာဆင်နယ်အသင်းတွေက လေ့ကျင့်ခန်းပြန်ဆင်းခြင်းမရှိသေးဘဲ အားလပ်ရက်ပေးထားတာပါ။ ဝက်စ်ဘရွန်းနဲ့ ဘန်လေတို့က ကြာသာပတေးနေ့မှာ လေ့ကျင့်ခန်းပြန်စမှာဖြစ်ပြီး အက်စတန်ဗီလာနဲ့ ဖူဟမ်အသင်းတွေကတော့ ပြန်လည်စနိုင်ခြင်းမရှိ သေးပါဘူး။ လီဗာပူးနဲ့အတူ စပါး၊ အဲဗာတန်၊ ဆောက်သမ်တန်၊ ဝက်စ်ဟမ်း အစရှိတဲ့ အသင်းတွေ ကတော့ လေ့ကျင့်ခန်းပြန်စနေပြီဖြစ်ပါတယ်။ 
9 months Ago
Up