ကိုဗစ်-၁၉ ပိုးတွေ့

A d v e r t i s e m e n t With Us

January 26, 2021

ဆိုင်ကယ်ကယ်ရီ ၁ ဦး ကိုဗစ်-၁၉ ပိုးတွေ့ပြီးနောက် မြစ်ကြီးနားဘူတာ၌ အသွားအလာကန့်သတ်

ကချင်ပြည်နယ်၊ မြစ်ကြီးနားဘူတာမှာ ခရီးသည်တင်ပြေးဆွဲနေတဲ့ ဆိုင်ကယ် ကယ်ရီသမား တစ်ယောက်   ကိုဗစ်-၁၉  ရောဂါပိုး တွေ့ရှိရတဲ့အတွက် ဇန်နဝါရီ ၂၅ ရက်နေ့က  ဘူတာရုံအတွင်း အသွားအလာကန့်သတ်မှုတွေ ပြုလုပ်ထားပါတယ်။

ဘူတာရုံအတွင်း  ခရီးသည်တင်ပြေးဆွဲတဲ့ ဆိုင်ကယ်ကယ်ရီသမားတွေအထဲက  တစ်ယောက်  အနံ့ ပျောက်တဲ့အတွက် ဆေးရုံပို့ဆောင် စစ်ဆေးရာမှာ ကိုဗစ်-၁၉ ရောဂါပိုးတွေ့ရှိခဲ့တာကြောင့် မြစ်ကြီးနားဘူတာကို အသွားအလာ ကန့်သတ်လိုက်တာဖြစ်ကြောင်း မြစ်ကြီးနားဘူတာ တာဝန်ရှိသူတစ်ဦးက ပြောပါတယ်။

 မြစ်ကြီးနားဘူတာ ရုံပိုင်ချုပ် ဦးခင်သော်က “ဘူတာထဲကို ကယ်ရီသမားတွေကိုတော့ လုံးဝ အဝင်မခံတော့ဘူး။ ခရီးသည်နဲ့ ဌာနဆိုင်ရာတွေ လုပ်ငန်းကိစ္စနဲ့လာတဲ့သူတွေ ဝင်လို့ထွက်လို့ ရပါတယ်။ ကယ်ရီသမားတွေက အုပ်စုဖွဲ့ပြီးနေတာဆိုတော့ သူတို့အထဲမှာလည်း ဘယ်လောက် ကူးစက်ပြီးပြီလဲ မသိဘူး။ အဲ့ဒီ အတွက်  ကယ်ရီသမားတွေကို ဝန်ထမ်းတွေ ခရီးသည်တွေနဲ့ ထိစပ်မှု မရှိအောင် အသွားအလာ ကန့်သတ်လိုက်တာပါ။ Lockdown ချတာ မဟုတ်ပါဘူး” လို့ ပြောပါတယ်။ 

မြစ်ကြီးနားဘူတာမှာ ရထားကို ပုံမှန်အတိုင်း ပြေးဆွဲကာ ကိုဗစ်-၁၉  စည်းကမ်းချက်တွေနဲ့ အညီ ခရီးသည်တွေကို နှစ်ခုံကို တစ်ယောက်နှုန်းနဲ့ ၆၂ ယောက်စီး  တွဲတစ်တွဲကို ၃၁ ယောက်သာ  mask တပ်ဆင် စီးနင်းစေပါတယ်။

ဒါ့အပြင်  သက်ဆိုင်ရာအုပ်ချုပ်ရေးမှူးတွေ၊ ဌာနဆိုင်ရာတွေက ဘူတာအတွင်းရထား ဆိုက်ကပ်ချိန် ခရီးသွားရာဇဝင် ကောက်ယူတာ၊  ကွာရန်တင်းသွင်းတာတွေ ပြုလုပ်နေတယ်လို့ မြစ်ကြီးနားဘူတာ ရုံပိုင်ချုပ်ထံက သိရပါတယ်။ 

သတင်း - ထူးထူး(ဘိုကလေး)

1 month Ago

January 7, 2021

ဈေးရောင်းသူ ၁ ဦး ကိုဗစ်-၁၉ ပိုးတွေ့သဖြင့် ရွှေညောင်မြို့မဈေးကို ယာယီပိတ်

ရှမ်းပြည်နယ်၊ ရွှေညောင်မြို့မဈေးထဲမှာ ကိုဗစ်-၁၉ ရောဂါ ကူးစက်ခံရသူ တစ်ယောက် တွေ့ရှိခဲ့တာကြောင့် ဇန်နဝါရီ ၆ ရက်ကစပြီး ဈေးကိုယာယီပိတ်သိမ်းလိုက်တယ်လို့ ရှမ်းပြည်နယ် စည်ပင်သာယာရေးအဖွဲ့ကနေ သိရပါတယ်။ ရွှေညောင်မြို့မဈေးအတွင်း ဇန်နဝါရီ ၅ ရက်နေ့က စတိုးဆိုင်တစ်ခုမှာ အရောင်းဈေးသည် အဖြစ် လုပ်ကိုင်နေတဲ့ အမျိုးသမီး တစ်ယောက်  အနံမရတော့တဲ့အတွက် ရွှေညောင် ကွာရန်တင်းစခန်းမှာ ထားရှိပြီး စစ်ဆေးရာက ပေါ့စတစ်ထွက်ရှိခဲ့တာဖြစ်ပါတယ်။ ပြည်နယ်စည်ပင်သာယာရေးအဖွဲ့ လက်ထောက်ညွှန်ကြားရေးမှူးတစ်ဦးက "ဈေးဆိုင်တစ်ဆိုင်က ဈေးအကူရောင်းတဲ့ကောင်မလေးပါ။ အနံ့‌ပျောက်လို့ ကိုဗစ်ပိုး စစ်ဆေးချိန် ရောဂါတွေ့လို့ဈေးကို ယာယီပိတ်ထားလိုက်တာပါ။ ဇန်နဝါရီ ၆ ရက်က စပြီး နှစ်ပတ် ယာယီနားလိုက်တာ" လို့  ပြောပြပါတယ်။ လက်ရှိမှာ အဆိုပါအမျိုးသမီးနဲ့ထိတွေ့ထားသူ မိသားစုဝင် ၃ ယာက်နဲ့ စတိုးဆိုင်မှာ အလုပ်အတူတူ လုပ်ကိုင်သူ ၄ ယောက်တို့ကို  အ-ထ-က(ရွှေညောင်) စောင့်ကြည့်စခန်းမှာထားရှိပြီး ဆိုင်ခန်းပိုင်ရှင်ဖြစ်သူကို တောင်ကြီးမြို့နယ် Hotel  Quarantine တစ်ခုမှာထားရှိပါတယ်။ ရွှေညောင်မြို့မဈေးကို နှစ်ပတ်ယာယီပိတ်ထားမှာဖြစ်ပြီး လတ်တလောမှာ  ကိုဗစ်-၁၉ ပိုးတွေ့ လူနာ ၅ ယောက်အထိ ဒေသတွင်း ရှိနေတာဖြစ်လို့ ရောဂါပိုးတွေ့လူနာတွေကို စဝ်စံထွန်းဆေးရုံကြီးသို့ ပို့‌ဆောင်ထားပြီး  ထိတွေ့သူ ၂၁ ယောက်ကို  စောင့်ကြည့်နေတယ်လို့ ပြည်နယ် အစိုးရအဖွဲ့ထံကနေ သိရပါတယ်။ သတင်း - ရဲထွဋ်  
2 months Ago
More News
Up