ကိုဗစ်-၁၉ ပညာပေးသီချင်း

August 31, 2020

ဈေးတန်းထဲ ကိုဗစ်-၁၉ ပညာပေးသီချင်းနှင့် သရုပ်ပြခဲ့ကြသူ ကြက်ခြေနီမောင်မယ်များ အွန်လိုင်း ပေါ် နာမည်ကြီးနေ(ရုပ်သံ)

       လတ်တလောကာလ မြန်မာနိုင်ငံမှာ ကိုဗစ်-၁၉ ကပ်ရောဂါ တကျော့ပြန် ကူးစက်မှုတွေ ပိုမိုမြင့်တက်လာနေပြီး ပြည်သူအားလုံးက ကျန်းမာရေးဆိုင်ရာ ညွှန်ကြားချက်တွေ ကို သတိပြုလိုက်နာကြရမယ့် အချိန် ဖြစ်လာနေပါတယ်။        လက်ကိုခဏခဏဆေးပါ၊ လူစုလူဝေးရှောင်ရှားပါ၊ မိမိနေအိမ်တွင်သာ နေထိုင်ပါ၊ နှာခေါင်းစည်း Mask တပ်ဆင်ပါ၊ ၆ ပေအကွာ နေထိုင်ပါ စသဖြင့် ကျန်းမာရေးဝန်ကြီး ဌာနက သတိပြုလိုက်နာစရာ ရှောင်ကြဉ်သင့်တဲ့ အပြုအမူတွေကို ညွှန်ကြားထားခဲ့ပေ မယ့် နိစ္စဓူဝ သွားလာလှုပ်ရှားနေကြရတဲ့ အခြေခံလူတန်းစားတွေအဖို့တော့ ဒါကို သတိမူ လိုက်နာနိုင်ဖို့ ခက်ခဲနေကြဦးမှာပါ။        ဒီအခြေအနေမှာ တာဝန်သိ ကြက်ခြေနီလူငယ်မောင်မယ်တစုက ဈေးတန်းတခုထဲ မှာ ကိုဗစ်-၁၉ ပညာပေးသီချင်းတပုဒ်ဖြစ်တဲ့ ဖြိုးပြည့်စုံနဲ့ မိစန္ဒီတို့ သီဆိုထားကြတဲ့ “ကမ္ဘာ့အပြင်သွားပါ ကိုရိုနာ” သီချင်းနဲ့အတူ ပြည်သူတွေကို ထိရောက်တဲ့ တစိတ်တပိုင်း ပညာပေးလှုပ်ရှားမှုတခုကို လုပ်ဆောင်ခဲ့ကြပါတယ်။        ဒီအဖြစ်အပျက် ရုပ်သံဗွီဒီယိုဖိုင်ကိုတော့ ပြီးခဲ့တဲ့ ဩဂုတ်လ ၂၉ ရက်နေ့က Su Wai အမည်နဲ့ ဖေ့စ်ဘွတ်ခ်အသုံးပြုသူတယောက်က တိုက်ရိုက်လိုက်ဖ်လွှင့်ပြီး မျှဝေထားခဲ့ တာ ဖြစ်ပါတယ်။        ရုပ်သံဗွီဒီယိုဖိုင်ထဲမှာတော့ ဝတ်စုံပြည့်နဲ့ ကြက်ခြေနီလူငယ်မောင်မယ်လေးတွေ က နှာခေါင်းစည်း Mask တွေ၊ မျက်နှာကာ Face Shield တွေ တပ်ဆင်ထားခဲ့ကြပြီး ဈေးတန်းအနှံ့ ဈေးသည် ဈေးဝယ်တွေကြားမှာ သီချင်းစည်းချက်နဲ့အညီ သရုပ်ပြကခုန် လှုပ်ရှားရင်း ရှိနေခဲ့ကြတာကို တွေ့ရပါတယ်။        လတ်တလောမှာတော့ ဒီရုပ်သံဗွီဒီယိုဖိုင်ကို ဖေ့စ်ဘွတ်ခ်လူမှုကွန်ရက်ပေါ်မှာ ဝင် ရောက်ကြည့်ရှုကြတဲ့ အကြိမ်ရေ ၂ ဒဿမ ၈ သန်းကျော် ရှိနေခဲ့ပြီဖြစ်ပြီး ပြန်လည်မျှဝေ ကြသူ ၈ သောင်းကျော် ရှိနေခဲ့တာ ဖြစ်ပါတယ်။        ပြီးခဲ့တဲ့နှစ် ဒီဇင်ဘာလအကုန်ပိုင်းလောက်က တရုတ်နိုင်ငံအလယ်ပိုင်း ဝူဟန်မြို့ က စတင်ခဲ့တဲ့ ကိုဗစ်-၁၉ ကပ်ရောဒါဟာ ကမ္ဘာ့ကပ်ရောဂါတခုဖြစ်လာခဲ့ပြီးနောက် လက် ရှိမှာတော့ ကမ္ဘာတလွှားရောဂါကူးစက်ခံရသူ ၂၅ သန်းကျော်လာခဲ့ပြီဖြစ်ကာ သေဆုံးသူ ၈ သိန်းခွဲကျော် ရှိနေခဲ့ပြီ ဖြစ်ပါတယ်။        မြန်မာနိုင်ငံမှာတော့ ကိုဗစ်-၁၉ အတည်ပြုလူနာကို ပြီးခဲ့တဲ့ မတ်လ ၂၃ ရက်နေ့က စတင်တွေ့ရှိခဲ့ပြီး လက်ရှိအချိန်ထိ ရောဂါကူးစက်ခံရသူ ၇၈၇ ယောက်၊ သေဆုံးသူ ၆ ယောက် ရှိနေခဲ့တာ ဖြစ်ပါတယ်။
1 year Ago
Up