ကိုဗစ်-၁၉ ကာကွယ်ရေး

November 4, 2021

ကိုဗစ်-၁၉ ကာကွယ်ရေးအတွက် IMF က ပေးသည့် ဒေါ်လာ ၃၇၂ သန်း စစ်ကောင်စီလက်ထဲ ပျောက်ဆုံးနေ

ကိုဗစ်-၁၉ ကာကွယ်တိုက်ဖျက်ရေးအတွက် မြန်မာနိုင်ငံကို လွှဲပြောင်းပေးပို့လိုက်တဲ့ အမေရိကန်ဒေါ်လာ ၃၇၂ သန်းဟာ စစ်အာဏာရှင်တွေ လက်ထဲမှာ ပျောက်ဆုံးနေကြောင်း  IMF ပြောခွင့်ရသူ ဂျယ်ရီရိုက်စ်က နိုဝင်ဘာ ၃ ရက်နေ့က ပြောကြားလိုက်ပါတယ်။ 

အဲဒီငွေတွေကို စစ်တပ်က အာဏာသိမ်းဖို့  ရက်ပိုင်းအလိုမှာ နိုင်ငံတကာငွေကြေးရန်ပုံငွေအဖွဲ့ IMF  ကလွှဲပေးခဲ့တာလို့ဆိုပါတယ်။

မြန်မာပြည်ပေးပို့ခဲ့တာ ၈ လ ကြာပြီဖြစ်ပေမယ့် စစ်ကောင်စီက ကိုဗစ်-၁၉ ကာကွယ် တိုက်ဖျက်ရေးနဲ့ ဒုက္ခရောက်နေသူတွေကို ပံ့ပိုးကူညီရေး မူလရည်မှန်းချက်အတိုင်း အမှန်တကယ် သုံးစွဲပါရဲ့လားဆိုတာ မသိရဘူးလို့ IMF ပြောခွင့်ရသူ ဂျယ်ရီရိုက်စ်(GERRY RICE) က သတင်းစာ ရှင်းလင်းပွဲမှာ ပြောကြားလိုက်ပါတယ်။

စစ်ကောင်စီဟာ ဒေါ်အောင်ဆန်းစုကြည်ဦးဆောင်တဲ့ အန်အယ်လ်ဒီအစိုးရလို သုံးစွဲငွေတွေနဲ့ ပတ်သက်ပြီး ပွင့်လင်းမြင်သာမှု မရှိကြောင်း  ကိုဗစ်-၁၉ ကာကွယ်တိုက်ဖျက်ရေးအတွက် IMF က ပြီးခဲ့တဲ့ ၂ဝ၂ဝ ခုနှစ် ဇွန်လမှာ အမေရိကန်ဒေါ်လာ ၃၅၆ သန်း ကို ပထမအကြိမ် ပေးပို့ခဲ့ကြောင်း အဲဒီငွေတွေနဲ့ ပတ်သက်လို့ အန်အယ်လ်ဒီအစိုးရက မြန်မာကျပ်ငွေ သန်း ၁ဝဝ ထက် ပိုများတဲ့ ကန်ထရိုက်လုပ်ငန်းမှန်သမျှကို ထုတ်ဖော်အသိပေးဖို့ သဘောတူညီခဲ့ကြောင်း  ဆိုပါတယ်။ 

ဒါ့အပြင် မြန်မာနိုင်ငံ စာရင်းစစ်ချုပ်ရုံးကလည်း  ကိုဗစ်-၁၉ နဲ့ ပတ်သက်ပြီး သုံးလ တကြိမ် အစီရင်ခံစာ ထုတ်ပြန် အသိပေးဖို့ သဘောတူခဲ့တယ်လို့လည်း ပြောပါတယ်။

နောက်ဆုံးအစီရင်ခံစာကိုတော့ အန်အယ်လ်ဒီအစိုးရက ဇန်နဝါရီ ၂၉ ရက်နေ့မှာ ထုတ်ပြန်ခဲ့ပြီး လက်အိတ်၊ နှာခေါင်းစည်းနဲ့ ဆေးဝါးတွေ ဝယ်ယူခဲ့ကြောင်း ဖော်ပြခဲ့တယ်လို့ ဆိုပါတယ်။  လက်ရှိမှာ အာဏာသိမ်းစစ်ကောင်စီကို IMF က အကူညီတွေ မပေးတော့ဘူးလို့လည်း ဆိုပါတယ်။

8 months Ago

December 4, 2020

သာကေတ စံပြဥယျာဉ်စျေးတွင် ကိုဗစ်-၁၉ ကာကွယ်ရေးဆောင်ရွက်နေ (ဓာတ်ပုံ) 

ရန်ကုန်၊ သာကေတမြို့နယ် ၁၀ ရပ်ကွက်အတွင်းရှိ စံပြဥယျာဉ်စျေးမှာ ကိုဗစ်ကာလ ရောဂါကာကွယ်ထိန်းချုပ်ဖို့ စျေးဝင်ထွက်ပေါက်တွေမှာ လက်ဆေးဘေစင်တွေ  ထားရှိ ပေးထားပါတယ်။ ဒါ့အပြင် စျေးအတွင်းပိုင်းမှာလည်း  အသံချဲ့စက်တွေတပ်ဆင်ထားကာ ကိုဗစ်-၁၉ ရောဂါကာကွယ်ရေးအတွက် လိုက်နာဆောင်ရွက်ကြဖို့ မနက်ခင်းတိုင်း နှိုးဆော်ပေးနေပါတယ်။
2 years Ago
More News
Up