ကိုဗစ်-၁၉ ကာကွယ်ထိန်းချုပ်ရေးလုပ်ငန်းစဉ်

September 22, 2020

ဝေဠုကျော်ဖောင်ဒေးရှင်းက ကိုဗစ်-၁၉ ကာကွယ်ထိန်းချုပ်ရေးအတွက်လူနာတင်ကား အလှူခံ

       ရန်ကုန်အခြေစိုက် ပရဟိတအဖွဲ့တဖွဲ့ဖြစ်တဲ့ သရုပ်ဆောင်မင်းသား ဝေဠုကျော် တည်ထောင်ထားတဲ့ ဝေဠုကျော်ဖောင်ဒေးရှင်းက ကိုဗစ်-၁၉ ကာကွယ်ထိန်းချုပ်ရေးအတွက် လိုအပ်နေတဲ့ လူနာတင်ကားတွေ အလှူခံနေပါတယ်။        လတ်တလော တကျော့ပြန်ကူးစက်ပျံ့နှံ့မှုတွေ များပြားလာနေတဲ့ ကိုဗစ်ကပ်ဘေး ဒုတိယလှိုင်းကာလမှာ ရန်ကုန်တိုင်းဟာ ကိုဗစ်-၁၉ ရောဂါကူးစက်ခံရမှု အဆိုးဝါးဆုံး အ ခြေအနေမှာ ရှိနေပြီး ပိုးတွေ့လူနာနဲ့ လူနာတင်ကား မလုံလောက်တဲ့ ပြဿနာတွေနဲ့ လို အပ်ချက်တွေ ရှိလာခဲ့တာလို့ ဆိုပါတယ်။        “ရန်ကုန်မှာ တနေ့ထက် တနေ့ ပိုးတွေ့လူနာတွေ များလာတာနဲ့အမျှ ကျနော် တို့အသင်းတွေရဲ့ ကားတွေ မလုံလောက်တော့ပါဘူး။ ရှိနေတဲ့ကားထဲက သေဆုံးသွားတဲ့ လူတွေအတွက်လည်း လိုလာပြီမို့ သီးသန့် သပ်သပ် ထားရတော့မှာပါ။ လာရောက် ပူးပေါင်းတဲ့ အသင်းတွေကလည်း ရိုးရိုးလူနာနဲ့ သပ်သပ်စီ ခွဲထားရလို့ လူနာတင်ကားတွေ လိုလာပါတယ်။ အခုချိန် ဆေးရုံဆင်းသည့် သူများမှာလည်း နယ်ပြန်ဖို့ လူနာတင်ကားတွေနဲ့ ပြန်မှ ရမယ့်အခြေအနေပါ။ ဒါကြောင့် COVID-19 ကာကွယ်ထိန်းချုပ်ရေးအတွက် လို အပ်နေသော လူနာတင်ကားများ အလှူခံလိုပါတယ်” တကျော့ပြန်ကူးစက်မှုတွေ မြင့်တက်နေတဲ့ မြန်မာနိုင်ငံမှာတော့ ပထမဆုံးသော ကိုဗစ်-၁၉ အတည်ပြုလူနာကို ပြီးခဲ့တဲ့ မတ်လ ၂၃ ရက်နေ့မှာ စတင်တွေ့ရှိခဲ့တာဖြစ်ပြီး ဒီကနေ့မနက်ပိုင်း အထိကိုဗစ်-၁၉ အတည်ပြုလူနာ ၆,၄၇၁ ယောက်နဲ့ သေဆုံးသူပေါင်း  အယောက် ၁၀၀ ရှိနေခဲ့တာ ဖြစ်ပါတယ်။      ဝါရင့်ရုပ်ရှင်သရုပ်ဆောင် အကယ်ဒမီဝေဠုကျော်ဟာ ဝေဠုကျော်ဖောင်ဒေးရှင်းကို ၂၀၀၉ ခုနှစ်မှာ စတင်တည်ထောင်ခဲ့ပြီး သဘာဝဘေးအန္တရာယ်ဆိုင်ရာ လူမှုအကျိုးပြု ကယ်ဆယ်ရေး လုပ် ငန်းတွေ၊ ပရဟိတအလုပ်တွေကို အားတတ်သရော ပါဝင်လှုပ်ရှားနေသူတဦး ဖြစ်ပါတယ်။        လတ်တလောမှာတော့ ကိုဗစ်-၁၉ ရောဂါကာကွယ်ထိန်းချုပ်ရေးလုပ်ငန်းတွေမှာ တဖက်တလမ်းကနေ ထောက်ပံ့ကူညီရေးလုပ်ငန်းတွေ လုပ်ဆောင်နေတာပါ။ လူနာတင် ကားအလှူနဲ့ပတ်သက်လို့လည်း “တယောက်ကို ၁၀၀၀ ကျပ်စီ ဝိုင်းထည့်ကြရင်တောင် လူ ၇၀၀၀ ယောက်ဆို လူနာတင်ကားတစီး ပစ္စည်းစုံနဲ့ ရပါတယ်။ ဝိုင်းဝန်းလှူ ပေးကြပါအုံးဗျ”လို့ နှိုးဆော်ထားခဲ့ကာ အဲဒီပို့စ်အောက်မှာလည်း လှူဒါန်းသူတွေ ရှိနေခဲ့ တာကို တွေ့ရပါတယ်။ လှူဒါန်းလိုသူတွေအနေနဲ့ အောက်ဖော်ပြပါ ဝေဠုကျော်ရဲ့ နေအိမ်လိပ်စာ၊ ဘဏ် အကောင့်တွေကတဆင့် လှူဒါန်းနိုင်မှာ ဖြစ်ပါတယ်။ ----------------------- အမှတ် ၂၃၇ ၊ကံ့ကော်မြိုင် ၂လမ်း ၊ ၂၃ရပ်ကွက် ၊ VIP 1 ၊သုဝဏ္ဏ ၊ သင်္ဃန်းကျွန်းမြို့နယ်၊ ရန်ကုန်မြို့။ ( ရေစက် မှတ်တိုင် အနီး )  09-4 555 000 10(K Pay)(U Soe Thein)(CB Pay) 09-4 555 000 14 09-4 555 000 12 (Wave Money account) 09-77 60 89 484 (Wave Money account) 09-77 60 89 484(K pay)(Daw Shwe Sin Thein)  *****************************  ဘဏ်မှ ထည့်ဝင်လှုဒါန်းလိုသူများအတွက်  ဦးစိုးသိမ်း 12/သကတ (နိုင်) 011 519  KBZ ဘဏ်(သုဝဏ္ဏဘဏ်ခွဲ-1) 078 30 120 600 13 7001  မြန်မာ့ရှေ့ဆောင်ဘဏ် (သုဝဏ္ဏဘဏ်ခွဲ) 045 01 31 04 500 11 83 045  ဧရာဝတီဘဏ် (သုဝဏ္ဏဘဏ်ခွဲ) 004 522 30 1000 66 00  CB Bank (သုဝဏ္ဏဘဏ်ခွဲ) 00 78 600 1000 25 739
7 months Ago

August 26, 2020

ညမထွက်ရအမိန့်​ဖောက်ဖျက်သဖြင့် ၃ လ​ကျော်အတွင်း လူ​ပေါင်း ၃၇၀၀ ​ကျော်ကို အ​ရေးယူ

ကမ္ဘာ့ကပ်​ရောဂါ ကိုဗစ်-၁၉ ကာကွယ်ထိန်းချုပ်​ရေးအတွက် ဧပြီလ တတိယပတ်ကစပြီး မြန်မာနိုင်ငံမှာ ညမထွက်ရအမိန့်ကို ထုတ်ပြန်ခဲ့ပြီး​နောက် ဧပြီ၊​ မေ၊ ဇွန်နဲ့ ဇူလိုင်လ​တွေမှာ အဲဒီ အမိန့်ကို​ ဖောက်ဖျက်လို့ အ​ရေးယူခံရတဲ့သူ​ပေါင်း ၃၇၀၀​ ကျော်ရှိခဲ့​တယ်လို့ မြန်မာနိုင်ငံ ရဲတပ်ဖွဲ့ဌာနချုပ်က ဒီဗွီဘီကို ​ပြောပါတယ်။ အခုနှစ် မတ်လ ၂၃ ရက်​နေ့ကစပြီး ပြည်တွင်းမှာ ​ရောဂါကူးစက်မှုရှိလာခဲ့ပြီး​နောက် အစိုးရက  ရောဂါထိန်းချုပ်​ရေးအစီအစဉ် ချမှတ်လာခဲ့ရာမှာ ညမထွက်ရအမိန့် ပုဒ်မ ၁၄၄ လည်း တစ်ခု အပါအဝင်ဖြစ်လာခဲ့ပါတယ်။ ညမထွက်ရအမိန့်ပုဒ်မ ၁၄၄ မလိုက်နာလို့ ရာဇသတ်ကြီးပုဒ်မ ၁၈၈ နဲ့ အ​ရေးယူခဲ့ရာမှာ ဧပြီလ တတိယပတ်ကနေ ဧပြီလကုန်အထိ ၉၀၇ ဦး၊ မေလမှာ ၁၅၅၃ ဦး၊ ဇွန်လမှာ ၅၉၃ ဦး၊ ဇူလိုင်လ ၆၈၂ ဦး ရှိခဲ့​ကြောင်း ရဲတပ်ဖွဲ့ရဲ့ စာရင်းဇယား​တွေအရ သိရပါတယ်။ ညမထွက်ရအမိန့်ကို စတင်အကျုံးဝင်ချိန် ည ၁၀ နာရီက မနက် ၄ နာရီအထိသတ်မှတ်ခဲ့ပေမဲ့ အခုအခါ ည ၁၂ နာရီက မနက် ၄ နာရီအထိပဲ  အကျုံးဝင်ပါ​တော့တယ်။ ဒါ​​ပေမဲ့ ပြည်တွင်းကူးစက်မှုနှုန်းမြင့်တက်လာတဲ့ စစ်​တွေမြို့မှာ​တော့ ညမထွက်ရအမိန့်ကို သြဂုတ်လ ၂၁ ရက်​နေ့ကစလို့ ည ၉ နာရီက မနက် ၄ နာရီအထိ အချိန်တိုးမြှင့်သတ်မှတ်လိုက်ပါတယ်။
8 months Ago
Up