ကိုဗစ်-၁၉ ကာကွယ်ဆေး

A d v e r t i s e m e n t With Us

February 23, 2021

ထိုင်းဝန်ကြီးချုပ် ပထမအကြိမ် ကိုဗစ်-၁၉ ကာကွယ်ဆေးထိုး

ထိုင်းဝန်ကြီးချုပ် ပရာယွတ်ချန်းအိုချာဟာ ပြည်သူလူထုယုံကြည်မှုကို မြှင့်တင်ဖို့ တရုတ်နိုင်ငံထုတ် Sinovac ကိုဗစ်ကာကွယ်ဆေးကို ပထမဆုံး ထိုးနှံခဲ့တယ်လို့ နေးရှင်းသတင်းမှာ ဖော်ပြပါတယ်။ အဆိုပါကာကွယ်ဆေးဟာ အသက် ၆၀ နဲ့အထက် သက်ကြီးရွယ်အိုတွေ ထိုးဖို့မသင့်လျော်ဘူးလို့ သူက ကနဦးတုန်းက ကြေညာခဲ့တာပါ။

တချိန်တည်းမှာပဲ ထိုင်းပြည်သူ့ကျန်းမာရေးဝန်ကြီး အနုတင် ချန်ဗီရာကူလ်က တော့ ကိုဗစ်-၁၉ ကာကွယ်ဆေးဟာ ထိလွယ်ရှလွယ် အခြေအနေတခုဖြစ်ပြီး အများပြည် သူကိုလည်း ရှင်းပြဖို့ လိုအပ်ကြောင်း၊ ကာကွယ်ဆေးစီမံမှုအဖွဲ့အနေနဲ့လည်း ဒါနဲ့ပတ်သက်ပြီး ဖိအားတွေ အများကြီး ရှိနေတယ်လို့ ပြောပါတယ်။

“ကျနော့်အနေနဲ့ ဖုံးကွယ်ထားတာ တခုမှ မရှိပါဘူး။ ဒါပေမဲ့ ကျနော့်ရဲ့ ဆုံးဖြတ် ချက်တွေကို ရှင်းပြနိုင်ဖို့ မှန်ကန်တဲ့ အချိန်ကို ရှာဖွေဖို့တော့ လိုအပ်ပါတယ်။ တကယ်လို့ များ ကာကွယ်ဆေးတွေ တင်ဆောင်လာတဲ့ လေယာဉ်ပျက်ကျတာမျိုးလို ကြိုတင်တွက်ဆမရတာမျိုး ဖြစ်လာမယ်ဆိုရင် ဘယ်လိုဖြစ်သွားမလဲ။ ကာကွယ်ဆေးရောက်မလာခဲ့ရင် ဒါက အစိုးရရဲ့ အမှားမဟုတ်တော့ဘူး။ ဘာလို့လဲဆိုတော့ ကျနော်တို့ဘက်က တာဝန်အပြည့်အဝပြီးစီးသွားပြီမို့လို့ပါပဲ”

အစားအသောက်နဲ့ ဆေးဝါးကွပ်ကဲရေးဦးစီးဌာနမှ အတွင်းရေးမှူးချုပ် ဒေါက်တာ ဖိုင်ဆန်ဒန်ခွန်ကတော့ Sinovac ကိုဗစ်ကာကွယ်ဆေးထိုးဖို့ မှတ်ပုံတင်တဲ့ အခြေအနေ ဟာ ပြီးစီးလုနီးပါးဖြစ်နေပြီဖြစ်ကာ လာမယ့် ဗုဒ္ဓဟူးနေ့မှာတော့ ပထမအကြိမ် ကာကွယ် ဆေး ၂ သိန်းအတွက် အသင့်ဖြစ်နေပြီဖြစ်တယ်လို့ ပြောပါတယ်။

လက်ရှိအချိန်ထိ ထိုင်းနိုင်ငံတဝန်းမှာတော့ ကိုဗစ်-၁၉ ရောဂါကူးစက်ခံရသူပေါင်း ၂၅,၅၀၄ ယောက်နဲ့ သေဆုံးသူ ၈၃ ယောက် ရှိနေတာ ဖြစ်ပါတယ်။

1 week Ago

February 17, 2021

ထိုင်းဝန်ကြီးချုပ်ဟောင်း ယဉ်လတ် ဒူဘိုင်းတွင် ကိုဗစ်-၁၉ ကာကွယ်ဆေးထိုး

ထိုင်းအမျိုးသမီး ဝန်ကြီးချုပ်ဟောင်း မစ္စယဉ်လတ်ရှင်နာဝပ်ထရာဟာ ယူအေအီးနိုင်ငံ၊ ဒူဘိုင်းမှာ ကိုဗစ်-၁၉ ကာကွယ်ဆေးထိုးခဲ့တယ်လို့ သိရပါတယ်။

ဒီအကြောင်းနဲ့ ပတ်သက်ပြီး ယဉ်လတ်က သူ့ရဲ့ ဓာတ်ပုံတပုံနဲ့အတူ ဖေ့စ်ဘွတ်ခ် လူမှုကွန်ရက်ပေါ်ကတဆင့် ထိုင်းဘာသာနဲ့ ရေးသားမျှဝေထားခဲ့တာ ဖြစ်ပါတယ်။

“ဒီနေ့ ကျမ ဒူဘိုင်းမှာ Sinopharm ကိုဗစ်-၁၉ ကာကွယ်ဆေးထိုးဖို့ အခွင့်အရေးရခဲ့ပါတယ်။ ယူအေအီးအစိုးရအနေနဲ့ နိုင်ငံတွင်းနေထိုင်သူတွေနဲ့ နိုင်ငံသားတွေအတွက် ကုမ္ပဏီ ၂ ခုက ကိုဗစ်-၁၉ ကာကွယ်ဆေးတွေကို ခွဲတမ်းချ ထိုးနှံပေးခဲ့တာပါ။ မူဝါဒအရ ၈၆ ရာခိုင်နှုန်း ထိရောက်တဲ့ တရုတ်ထုတ် Sinopharm ၊ ၉၅ ရာခိုင်နှုန်း ထိရောက်တဲ့ အမေရိကန်-ဂျာမနီထုတ် Pfizer/BioNTech ကာကွယ်ဆေးတွေပါဝင်ပါတယ်။ တချိန်တည်းမှာပဲ အစိုးရက ရုရှားထုတ် Sputnik ကာကွယ်ဆေးကိုပါ အရေးပေါ်အခြေအနေတွေမှာ ခွင့်ပြုသွားဖို့ ရှိနေပြီး အိန္ဒိယထုတ် AstraZeneca Plca ကာကွယ်ဆေးကိုလည်း စမ်းသပ်မှုတွေ လုပ်ဆောင်နေတာ ဖြစ်ပါတယ်။”

ပြီးခဲ့တဲ့ ၂၀၁၁ ခုနှစ်ကနေ ၂၀၁၄ ခုနှစ် မေလ စစ်အာဏာမသိမ်းခင်ကလေးမှာပဲ ထိုင်းဖွဲ့စည်းပုံအခြေခံဥပဒေအရ ဖွဲ့စည်းထားတဲ့ အထက်တရားရုံးကနေ ဖြုတ်ချထုတ်ပယ်ခဲ့ချိန် မတိုင်ခင်အထိ ဝန်ကြီးချုပ်ဖြစ်ခဲ့တဲ့ ယဉ်လတ်ဟာ  သူမကို ရာဇဝတ်မှုနဲ့ တရားစွဲဆိုနေစဉ် ပြီးခဲ့တဲ့ ၂၀၁၇ ခုနှစ် သြဂုတ်လက တိုင်းပြည်ကနေ ထွက်ပြေးခဲ့တာ ဖြစ်ပါ တယ်။

နောက်လတွေမှာတော့ အကြီးအကျယ် ဆုံးရှုံးမှု ဖြစ်စေခဲ့တဲ့ ဆန်အမတော်ကြေး စီမံကိန်းနဲ့ ပတ်သက်လို့ စီမံခန့်ခွဲမှု ညံ့ဖျင်းပြီး အာဏာအလွဲသုံးစားလုပ်မှုနဲ့ ယဉ်လတ်ကို အထက်လွှတ်တော် တရားရုံးက မျက်ကွယ်ထောင်ဒဏ် ၅ နှစ် ချမှတ်ထားခဲ့တာ ဖြစ်ပါတယ်။

ထိုင်းနိုင်ငံရဲ့ အသက်အငယ်ဆုံး အမျိုးသမီး ဝန်ကြီးချုပ်ဖြစ်ခဲ့တဲ့ ယဉ်လတ်ဟာ လတ်တလောမှာတော့ ပြည်ပြေးအနေနဲ့ ပြည်ပနိုင်ငံတခုမှာ နေထိုင်နေတာ ဖြစ်ပါတယ်။

2 weeks Ago
More News
Up