ကိုဗစ်လူနာသစ် ၃၀၀၀

May 22, 2021

ထိုင်းတွင် တရက်အတွင်း ကိုဗစ်လူနာသစ် ၃၀၀၀ကျော်တွေ့၊ ၅ ပုံ ၁ ပုံက အကျဉ်းထောင်မှဖြစ်

ကိုဗစ်-၁၉ ရောဂါကူးစက်မှု တတိယလှိုင်းအနေနဲ့ ကူးစက်ပျံ့နှံ့မှုတွေ မြင့်တက်နေတဲ့ ထိုင်းနိုင်ငံမှာ ပြီးခဲ့တဲ့ ၂၄ နာရီအတွင်း ရောဂါကူးစက်မှုအသစ် ၃,၀၅၂ ယောက်ရှိခဲ့ပြီး လက်ရှိအချိန်ထိ ကူးစက်ခံရသူပေါင်း ၁၂၆,၁၁၈ ယောက်ထိ ရှိလာနေပြီ ဖြစ်ပါတယ်။

ပြီးခဲ့တဲ့ ၂၄ နာရီအတွင်း ကူးစက်မှုအသစ် ၃ ထောင်ကျော်ထဲက ၅ ပုံ ၁ ပုံ လောက်ဖြစ်တဲ့ လူပေါင်း ၆၀၅ ယောက်ဟာ အကျဉ်းထောင်တွေထဲက ဖြစ်တယ်လို့ ထိုင်း ပြည်သူ့ကျန်းမာရေးဝန်ကြီးဌာနက ထုတ်ပြန်ထားပါတယ်။

တချိန်တည်းမှာပဲ ဆေးရုံတက်ရောက်ကုသမှုခံယူနေကြတဲ့ ကိုဗစ်-၁၉ ရောဂါ ကူးစက်ခံလူနာ ၂,၉၀၀ ဟာ ပြန်လည်သက်သာလာတဲ့အတွက် ဆေးရုံက ဆင်းခွင့်ပြုလိုက်တယ်လို့ ဆိုပါတယ်။

ရောဂါကူးစက်ခံရပြီး သေဆုံးသူအရေအတွက်ကတော့ ပြီးခဲ့တဲ့ ၂၄ နာရီအတွင်း ၂၄ ယောက်သေဆုံးခဲ့ကာ စုစုပေါင်း သေဆုံးသူအရေအတွက် ၇၅၉ ယောက်ထိ ရှိလာနေပြီ ဖြစ်ပါတယ်။

တကမ္ဘာလုံးအတိုင်းအတာနဲ့ ရောဂါကူးစက်ခံရသူအရေအတွက်ကတော့ ၁၆၆ ဒ သမ ၄ သန်းကျော်နဲ့ သေဆုံးသူပေါင်း ၃ ဒသမ ၄ သန်းကျော်၊ ရောဂါပြန်လည်ပျောက် ကင်းလာသူအရေအတွက် ၁၄၇ ဒသမ ၂ သန်းကျော် ရှိနေတာ ဖြစ်ပါတယ်။

6 months Ago
Up