ကိုဗစ်ကူးစက်မှုများ

February 17, 2022

စစ်တွေတက္ကသိုလ်တွင် ကိုဗစ်ကူးစက်မှုများနေသော်လည်း ကျောင်းမပိတ်

ရခိုင်ပြည်နယ်၊ စစ်တွေမြို့မှာ  ဖေဖော်ဝါရီ ၁၅ ရက်နေ့က ကိုဗစ်-၁၉ ကူးစက်ခံရသူ ၆၂ ယောက်ကို ကျန်းမာရေးဝန်ထမ်းတွေက စစ်ဆေးတွေ့ရှိခဲ့တဲ့အထဲ အယောက် ၅၀ ကျော်က စစ်တွေ တက္ကသိုလ်မှာ တာဝန်ထမ်းဆောင်နေတဲ့ ဆရာ၊ဆရာမတွေအပါအဝင်  ပညာရေးဝန်ထမ်းဖြစ်တယ်လို့ သိရပါတယ်။

အဲဒီလို ပညာရေးဝန်ထမ်းတွေအများအပြား ရောဂါပိုးကူးစက်ခံထားရပေမယ့် တက္ကသိုလ်ကိုတော့ ဆက်လက် ဖွင့်လှစ်ထားဆဲဖြစ်တယ်လို့ စစ်တွေတက္ကသိုလ် သင်တန်းရေးရာဌာနမှ တာဝန်ရှိသူတစ်ဦးက ပြောပါတယ်။

အဲဒီလို ကူးစက်ခံထားရသူတွေထဲက ၁၂  ဦးကတော့ ကိုဗစ်-၁၉ မျိုးရိုးဗီဇ ပြောင်းဖြစ်တဲ့ အိုမီခရွန် ဟုတ်တယ်မဟုတ်ဘူးဆိုတာကိုတော့ ရန်ကုန်မြို့မှာရှိတဲ့ ဓာတ်ခွဲခန်းကိုပို့ထားတဲ့အတွက် ဖေဖော်ဝါရီလ ၁၈  ရက်မှ  အဖြေသိရမယ်လို့ ပြည်နယ် ပြည်သူ့ကျန်းမာရေးဦးစီးဌာနက တာဝန်ရှိသူတစ်ဦးက ပြောပါတယ်။

ဖေဖော်ဝါရီလ ၁၆ ရက်မှာ ကိုဗစ်-၁၉  ကူးစက်ခံရသူ နောက်ထပ် ၅ ဦးတိုးလာတဲ့အတွက် စစ်တွေမြို့မှာ ရောဂါပိုးကူးစက်ခံရသူ စုစုပေါင်း ၆၇ ဦး ထိရှိလာနေပြီဖြစ်ပါတယ်။

ပြည်သူတွေအနေနဲ့ ကိုဗစ်-၁၉  ကာကွယ်ဆေးထိုးထားပြီးပြီလို့ ဆိုပေမယ့် ပေါ့ပေါ့ဆဆ မနေဘဲ ကျန်းမာရေးလမ်းညွှန်ချက်တွေကို လိုက်နာဖို့ကိုလည်း စစ်တွေဆေးရုံက ကျန်းမာရေးဝန်ထမ်းက ပြောပါတယ်။

လက်ရှိမှာတော့ ရောဂါပိုး ကူးစက်ခံထားရသူတွေကို စစ်တွေ တက္ကသိုလ်မှာရှိတဲ့ စောပြည့်ညိုအဆောင်မှာ  သီးသန့် ကွာရန်တင်း ထားရှိပါတယ်။

9 months Ago

December 25, 2020

ကိုဗစ်ကူးစက်မှုများလာသဖြင့် ဆားလင်းကြီး ​တော​ကျောင်း​ကျေးရွာကို stay at home သတ်မှတ်

စစ်ကိုင်းတိုင်း​ ဆားလင်းကြီးမြို့နယ် ​လက်ပန်​တောင်း​ကျေးရွာအုပ်စု ​တော​ကျောင်း​ကျေးရွာမှာ ကိုဗစ်-၁၉ ရောဂါကူးစက်မှု များလာတာကြောင့် stay at home ​နေထိုင်ဖို့ ဒီဇင်ဘာ ၂၅ ရက်​နေ့က ထုတ်ပြန်ခဲ့တယ်လို့ သိရပါတယ်။ ​​တော​ကျောင်း​ကျေးရွာမှာ ရက်ပိုင်းအတွင်း ပိုး​တွေ့လူနာ ၁၀ ဦးထိ ရှိလာတာကြောင့် အခုလိုသတ်မှတ်လိုက်တာလို့ ​သိရပါတယ်။ ​ဆားလင်းကြီးမြို့နယ်အုပ်ချုပ်​ရေးမှူး ဦးဆန်းမြင့်က "​တော​ကျောင်း​ကျေးရွာကို stay at home သတ်မှတ်တာ ဟုတ်ပါတယ်။ ၂၀၂၀ ခုနှစ် ဒီဇင်ဘာ ၂၅ ရက်က​နေ ၂၀၂၁ ခုနှစ် ဇန်နဝါရီ ၇ ရက်​နေ့အထိ မြို့နယ်ကျန်းမာ​ရေးက​နေ အမိန့်ထုတ်ပြန်တာ​ပေါ့။ မ​နေ့က ဒီဇင်ဘာ ၂၄ ရက် ၁ ရက်တည်း ပိုး​တွေ့ လူနာ ၅ ​ယောက်တိုးတယ်။” လို့ ပြောပါတယ်။  တော​ကျောင်း​ကျေးရွာ​နေ မသန်းသန်း​ထွေးက  "အခုလိုသတ်မှတ်လိုက်​တော့ အခု​လော​လောဆယ်​တော့ ​တောင်သူ​တွေအပါဝင် လက်လုပ်လက်စား​တွေပါ ဒုက္ခ​ရောက်​နေကြတာ​ပေါ့။ ကြက်သွန်​တွေကလည်း စိုက်လျက်တန်းလန်းဖြစ်​နေတာရယ် ​စျေးတည့်ထားတဲ့ ကုန်​တွေကလည်း အယူမလာကြ​တော့ပိုအခက်​တွေ့တာလို့" လို့ပြောပါတယ်။ တော​ကျောင်း​ကျေးရွာမှာ အိမ်​​ထောင်စု ၁၅၀ ​ကျော်ရှိပြီး လူဦး​ရေ ၆၀၀ ​ကျော် နေထိုင်တယ်လို့ သိရပါတယ်။ ဆားလင်းကြီးမြို့နယ်မှာ လက်ရှိအချိန်ထိ ပိုး​တွေ့လူနာ ၂၈ ​ယောက်​ရှိပြီဖြစ်ပြီး ​ဆေးရုံမှာ ကုသဆဲလူနာက ၁၄ ​ယောက်ရှိတယ်လို့ ​​မြို့နယ်အုပ်ချုပ်​ရေးမှူးက ပြောပါတယ်။
2 years Ago
Up