မန္တလေးစည်ပင်ဌာနမှာ CDM မလုပ်ဘဲ ရုံးတက်​နေတဲ့ ဝန်ထမ်းတွေကို ကိုဗစ်-၁၉ ကာကွယ်ဆေးထိုးပေးပေမယ့် ဆေးအာနိသင် ကြောက်လို့ ကာကွယ်ဆေးမထိုးသူ များပြား​နေတာ​ကြောင့် အတင်းအကြပ် ဖိအား​ပေးထိုးခိုင်း​နေတယ်လို့ သိရပါတယ်။

ကိုဗစ်ကာကွယ်​ဆေးကို မတ်လ ၁၆ ရက်​မှ ၁၈ ရက်​အထိ ထိုးနှံဖို့ လုပ်​ဆောင်ခဲ့ပြီး ဝန်ထမ်း​တွေက ​ဆေးမထိုးချင်တာ​ကြောင့် လက်ရှိ မြို့​တော်ဝန်ရာထူးကို ရယူထားတဲ့ ဦး​မောင်ကိုက ဌာနမှူး​တွေကို အတင်းအကြပ် ဖိအား​ပေးခိုင်းစေခဲ့တယ်လို့လည်း သိရပါတယ်။

အဲ့ဒီလို ဖိအား​ပေးခဲ့တာ​ကြောင့် မတ်လ ၁၉ ရက်​နေ့မှာ​တော့ စည်ပင် ဝန်ထမ်း ​ထောင်နဲ့ချီပြီး ကိုဗစ်ကာကွယ်​ဆေး ထိုးနှံခဲ့ကြပြီး ဆေးမထိုးလိုပါက မထိုးချင်ကြောင်း အကြောင်းပြချက် တင်ပြရမှာ ဖြစ်ကာ အ​ကြောင်းမဲ့ ဖြစ်ပါက ဝန်ထမ်းစည်းမျဉ်းနဲ့ အညီ အ​ရေးယူခံရမယ်လို့လည်း ဆိုပါတယ်။

မြို့​​တော်ဝန် ​ဒေါက်တာရဲလွင် လက်ထက် ကိုဗစ်ကာကွယ်​ဆေး​တွေဟာ အိန္ဒိယ နိုင်ငံထုတ် ​ဆေးဖြစ်ပြီး အခုထိုး​ပေးတဲ့ ​ကိုဗစ်ကာကွယ်ဆေး​တွေက​တော့ တရုတ်နိုင်ငံထုတ် ​ဆေး​တွေ ဖြစ်တယ်လို့လည်း သတင်း​တွေ ထွက်​ပေါ်​နေပါတယ်။

မန္တ​လေးမြို့​တော်စည်ပင်မှာ လခစားနဲ့ ​​နေ့စားဝန်ထမ်းပေါင်း ၅၀၀၀ ကျော်ရှိပြီး  CDM လုပ်​ဆောင်သူတွေ အများအပြားရှိတယ်လို့လည်း သိရပါတယ်။