ကိုဗစ်ကာကွယ်ဆေ

July 21, 2021

ထိုင်းတွင် ကိုဗစ်ကာကွယ်ဆေး ၂ ကြိမ်ထိုးနှံပြီးဖြစ်သည့် ဆရာမတဦး သေဆုံး

ထိုင်းနိုင်ငံမှာ ကိုဗစ်-၁၉ ကာကွယ်ဆေး ၂ ကြိမ်ထိုးနှံပြီးဖြစ်တဲ့ ဆရာမတ ယောက်ဟာ ဇူလိုင် ၂၀ ရက်ညပိုင်းမှာ သေဆုံးသွားခဲ့တယ်လို့ နေးရှင်းသတင်းတပုဒ်မှာ ဖော်ပြပါတယ်။

အသက် ၃၉ နှစ်အရွယ် ဖောင်ဖတ် ဆက်ထဆိုဖွန်အမည်ရတဲ့ အဆိုပါအမျိုးသမီးဟာ တရုတ်ထုတ် Sinovac ကိုဗစ်-၁၉ ကာကွယ်ဆေးနဲ့ ဒုတိယအကြိမ်အဖြစ် AstraZeneca ကာကွယ်ဆေး ထိုးနှံခဲ့ပြီးသူ ဖြစ်တယ်လို့ သိရပါတယ်။

သတင်းပေးချက်အရ မောင်ခရိုင်ရဲတွေ နေအိမ်ကို ရောက်ရှိလာခဲ့ချိန်မှာတော့ သူဟာ လွန်ခဲ့တဲ့ ၃ နာရီလောက်ကတည်းက သေဆုံးနှင့်နေခဲ့ပြီဖြစ်တာကို တွေ့ရှိခဲ့ရတယ်လို့ ဆိုပါတယ်။

သူ့ရဲ့ ခင်ပွန်းဖြစ်သူ အသက် ၄၄ နှစ်အရွယ် ဆက်ခ်ဆစ် ဒူဂျ်ဝန်ကတော့ သူတို့ ဇ နီးမောင်နှံ ၂ ယောက်လုံးဟာ ကာကွယ်ဆေး ၂ ကြိမ် ထိုးနှံပြီးသူတွေဖြစ်ကာ ပြီးခဲ့တဲ့ ဇူ လိုင် ၁၉ ရက်ညပိုင်းမှာတော့ ဇနီးဖြစ်သူက ခေါင်းကိုက်ပြီး အအေးမိရောဂါလက္ခဏာတွေ ခံစားခဲ့ရတယ်လို့ ပြောပါတယ်။

ဒါပေမယ့် နောက်တရက်မှာတော့ သက်သာသွားခဲ့ပြီး ညပိုင်း ၇ နာရီလောက်မှာ ရုတ်တရက် သေဆုံးသွားခဲ့တာလို့ ဆိုပါတယ်။

လတ်တလောမှာတော့ ဇနီးဖြစ်သူရဲ့ ရုပ်အလောင်းကို လိုအပ်တဲ့ စစ်ဆေးမှုတွေ လုပ်ဆောင်သွားဖို့ ရှိနေပြီး ဒီသေဆုံးမှုကြောင့် ထိုင်းနိုင်ငံရဲ့ ပြည်သူ့ကျန်းမာရေးစနစ်နဲ့ ကာကွယ်ဆေးတွေအပေါ် လုံးဝအယုံအကြည်မရှိတော့ဘူးလို့ သူက ပြောပါတယ်။

ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာတော့ ကိုဗစ် -၁၉ ရောဂါကူးစက်ခံရသူ ၄ သိန်း ကျော်၊ သေဆုံးသူ ၃,၅၀၀ ကျော်နဲ့ အာဆီယံဒေသတွင်း ကူးစက်မှုနဲ့ သေဆုံးမှုအမြင့်ဆုံး ၅ နိုင်ငံထဲမှာ ပါဝင်နေပါတယ်။

6 months Ago

January 24, 2021

ကိုဗစ်ကာကွယ်ဆေး ကျန်းမာရေးဝန်ထမ်းများကို ဇန်နဝါရီ ၂၇ ရက်နေ့ စထိုးပေးမည်

မြန်မာနိုင်ငံမှာ ကျန်းမာရေးဝန်ထမ်းတွေကို အခုလာမယ့် ဇန်နဝါရီ ၂၇ ရက်နေ့စတင်ပြီး ကိုဗစ်-၁၉ ကာကွယ်ဆေး ပထမဆုံးအကြိမ် ထိုးပေးတော့မယ်လို့ သိရပါတယ်။ ကိုဗစ်ကာကွယ်ဆေးထိုးနှံရေး ပထမအသုတ်မှာ ပါဝင်တဲ့  ကျန်းမာရေးဝန်ထမ်းတွေကို ဦးစားပေးထိုးပေးသွားမယ်လို့ ဗဟိုကူးစက်ရောဂါဌာနခွဲရဲ့ တာဝန်ရှိသူကပြောပါတယ်။ လက်ရှိမှာတော့ ကာကွယ်ဆေးတွေကို တစ်နိုင်ငံလုံးမှာ တပြိုင်တည်းထိုပေးမှာလား ဒါမှမဟုတ် ရောဂါဖြစ်ပွားမှုများနေတဲ့ ပြည်နယ်နဲ့တိုင်းဒေသကြီးတွေမှာ စထိုးပေးမလားဆိုတာကိုတော့ အတိအကျ မသိရသေးဘူးလို့ ကျန်းမာရေးနှင့်အားကစားဝန်ကြီးဌာန ဗဟိုကူးစက်ရောဂါတိုက်ဖျက်ရေးဌာနခွဲ ညွှန်ကြားရေးမှူး ဒေါက်တာခင်ခင်ကြီးက ပြောပါတယ်။ ကိုဗစ်-၁၉ ကာကွယ်ဆေး Covishield ကိုတော့   ကိုဗစ်ကာကွယ်ထိန်းချုပ်ကုသရေးလုပ်ငန်းတွေကို လုပ်ဆောင်ပေးနေတဲ့ ကျန်းမာရေး ဝန်ထမ်းနဲ့ စေတနာ့ဝန်ထမ်းတွေကို ပထမဦးစားပေးထိုးနှံသွားမှာဖြစ်ပါတယ်။  နိုင်ငံ့တာဝန်တွေကို အရေးကြီး လုပ်ဆောင်နေတဲ့  ပြည်ထောင်စု အစိုးရအဖွဲ့ဝင်တွေနဲ့ ပြည်ထောင်စုလွှတ်တော်ကိုယ်စားလှယ်တွေကို ဒုတိယဦးစားပေး အုပ်စုအဖြစ် ထိုးနှံပေးသွားမှာဖြစ်ပြီး တတိယအုပ်စုအနေနဲ့ကတော့ ရောဂါကူးစက်နိုင်တဲ့သူတွေကို ထိုးပေးဖို့ သတ်မှတ်ထားပါတယ်။ ဗဟိုအဆင့်မှာတော့ ကာကွယ်ဆေးထိုးပေးမယ့် ကျန်းမာရေးဝန်ထမ်းတွေကို ဇန်နဝါရီ ၂၃ နဲ့ ၂၄ ရက်နေ့တွေမှာ သင်တန်းပို့ချပေးနေပြီး ပြည်နယ်နဲ့ တိုင်းဒေသကြီးတွေမှာတော့ ဇန်နဝါရီ ၂၅ နဲ့ ၂၆ ရက်နေ့တွေမှာ သင်တန်းပို့ချသွားမယ်လို့ ဒေါက်တာခင်ခင်ကြီးက  ပြောပါတယ်။ ကိုဗစ်ကာကွယ်ဆေးအာနိသင် သက်ရောက်ဖို့အတွက် ပထမအကြိမ် ကာကွယ်ဆေးထိုးပြီး ၂၈ ရက် အကြာမှာ ဒုတိယအကြိမ် ထိုးရမှာဖြစ်ပါတယ်။  အိန္ဒိယနိုင်ငံက ပေးပို့တဲ့ ကိုဗစ် ကာကွယ်ဆေး ၁ သန်းခွဲဟာ လူဦးရေ ၇ သိန်းခွဲကို ထိုးနှံနိုင်မှာလည်းဖြစ်ပြီး နောက်ထပ် ကာကွယ်ဆေးရောက်ရှိလာမယ်ဆိုရင်လည်း အရေးကြီးအုပ်စုအလိုက်ခွဲခြားပြီး ထိုးပေးသွားမယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။  ရန်ကုန်မြို့က မြို့နယ်တချို့မှာ ကာကွယ်ဆေးထိုးဖို့အတွက် စာရင်းကောက်ခံတာတွေ လုပ်ဆောင်နေပြီလည်း ဖြစ်ပါတယ်။   
12 months Ago

ကိုဗစ်ကာကွယ်ဆေးထိုးပေးရန် ‌စေတနာ့ဝန်ထမ်းစာရင်းများ ကောက်ခံနေ (ဓာတ်ပုံ)

ကိုဗစ်-၁၉ ကာကွယ်ဆေးထိုးပေးဖို့ ဦးစားပေးအုပ်စုတွေထဲက စေတနာ့ဝန်ထမ်းများ ကို ဇန်နဝါရီ ၂၃ ရက်နေ့ကစတင်ပြီး စာရင်းကောက်ခံနေပြီလို့ သိရပါတယ်။ "အစ်ကိုတို့ကိုတော့ ၂၃ ရက်ဇန်နဝါရီလက လာကောက်သွားပါပြီ။ စာရင်းပေးလိုက်ပါပြီ" လို့ ဒဂုံအရှေ့ပိုင်းမြို့နယ် စေတနာရှင် ပရဟိတအသင်းမှ ကိုဖြိုးက ပြောပါတယ်။ စေတနာ့ဝန်ထမ်းစာရင်းတွေကို မြို့နယ်အထွေထွေအုပ်ချုပ်ရေးဦးစီးဌာနက ကောက်ခံနေတာဖြစ်ပြီး ကာကွယ်ဆေးထိုးနှံပေးရမယ့် ပြည်သူတွေရဲ့ အမည်စာရင်းအပြည့်အစုံကို မြို့နယ်လူဦးရေ ထူထပ်သိပ်သည်းမှုအပေါ်  မူတည်ပြီး ဦးစားပေး အဆင့်ခွဲခြားသတ်မှတ်ထားပါတယ်။ ဇန်နဝါရီ လကုန်ပိုင်းထက်နောက်မကျဘဲ အဲဒီစာရင်းကို သက်ဆိုင်ရာ တိုင်းဒေသကြီးနဲ့ ပြည်နယ်တွေရှိ ပြည်သူ့ကျန်းမာရေးဦးစီးဌာနတာဝန်ရှိသူတွေနဲ့ စိစစ်ညှိနှိုင်းရွေးချယ်ပြီး ကိုဗစ်-၁၉ ကာကွယ်၊ ထိန်းချုပ်၊ ကုသရေးအမျိုးသားဆင့် ဗဟို‌ကော်မတီက ဇန်နဝါရီ ၂၂ ရက် ရက်စွဲနဲ့ ညွှန်ကြားထားတယ်လို့ သိရပါတယ်။ Photo - Ye Myo Khant / MPA  
12 months Ago
More News
Up