ကိုဗစ်

January 16, 2022

ကိုဗစ်ဗိုင်းရပ်စ်များအတွက် N-95 နှာခေါင်းစည်းများတပ်ရန် အမေရိကန်အကြံပြု

အမေရိကန်ရောဂါထိန်းချုပ်ရေးနဲ့ ကာကွယ်ရေးဗဟိုဌာန (CDC) က ကိုဗစ်-၁၉ ဗိုင်းရပ်စ်တွေကို ကာကွယ်ဖို့ နှာခေါင်းစည်းတွေထဲမှာ ကာကွယ်မှုအပေးနိုင်ဆုံး N-95 နှာခေါင်းစည်းတွေကိုသာ အမြဲသုံးကြဖို့ လမ်းညွှန်လိုက်ပါတယ်။ 

တဖက်မှာ N-95 အသက်ရှုကိရိယာတွေ တပ်ဆင်ခြင်းကိုလည်း ကန့်ကွက်မှု မပြုပါဘူး။

N-95 အသက်ရှူကိရိယာတွေက ဗိုင်းရပ်စ် ကြီးကြီးငယ်ငယ် ၉၅ ရာခိုင်နှုန်းကို ကာကွယ်ပေးနိုင်တာ မှန်ပေမဲ့၊ လတ်တလော တနိုင်ငံလုံး အလုံအလောက် ရရှိဖို့ ခက်ခဲပါတယ်။ 

ဒါကြောင့် အမြဲတမ်း လွယ်လွယ်ကူကူ ဝတ်ဆင်လို့ရနိုင်တဲ့ N-95 နှာခေါင်းစည်းတွေကိုသာ အဆက်မပြတ် သုံးစွဲကြဖို့ CDC ပိုပြီး တိုက်တွန်းပါတယ်။

နယူးဂျာဆီပြည်နယ်ရှိ Protective Health Gear (PHG) စက်ရုံဆိုရင် N-95 Mask တနေ့ကို အခု ၇၀,၀၀၀ ထုတ်လုပ်နေပြီး လာမယ့်လတွေမှာ တရက် ၁ သိန်း ၁ သောင်း ထုတ်လုပ်ဖို့ စီစဉ်နေပါတယ်။ 

N-95 Mask တွေကို အိုမီခရွန် ဗိုင်းရပ်စ်ကူးစက်နှုန်းကို အမှီလိုက်ထုတ်လုပ်နေပြီး ၂၀၂၂ နှစ်လယ်ပိုင်းမှာ တကမ္ဘာလုံး လက်လှမ်းမီနိုင်မယ်လို့ ကုမ္ပဏီစီအီးအို Brian Wolin က ပြောပါတယ်။

2 days Ago

January 15, 2022

မြန်မာတွင် အိုမီခရွန်ပိုးတွေ့လူနာ ၁၀ ဦးထပ်တိုး၊ စုစုပေါင်း ၇၆ ဦးထိရှိလာ

မြန်မာနိုင်ငံမှာ SARS-CoV-2 Variant Omicron (အိုမီခရွန်) ရောဂါပိုးတွေ့လူနာ ၁၀ ဦး ထပ်မံစစ်ဆေးတွေ့ရှိရပြီး စုစုပေါင်း ၇၆ ယောက်ထိ ရှိလာပြီ ဖြစ်ပါတယ်။

ပြည်ပနိုင်ငံတွေက ပြန်လည်ရောက်ရှိလာပြီး ကိုဗစ်-၁၉ ရောဂါပိုး တွေ့ရှိသူတွေရဲ့ ဓာတ်ခွဲ နမူနာတွေထဲက မျိုးရိုးဗီဇပြောင်း ရောဂါပိုးတွေ့ရှိနိုင်တဲ့ သံသယဖြစ်ဖွယ် ဓာတ်ခွဲနမူနာ တွေကို စစ်ဆေးခဲ့ရာမှ ၁၀ ခုမှာ အိုမီခရွန်ရောဂါပိုး တွေ့ရှိခဲ့ရတာလို့ စစ်ကောင်စီ ကျန်းမာရေးဝန်ကြီးဌာနက ဇန်နဝါရီ ၁၅ ရက်ညပိုင်းမှာ ထုတ်ပြန်ပါတယ်။

အဲဒီထဲမှာ Relief Flight တွေနဲ့ အိန္ဒိယနိုင်ငံမှ ဝင်ရောက်လာသူ နိုင်ငံခြားသား ၃ ယောက်နဲ့ မြန်မာနိုင်ငံသား  ၅ ယောက်မှာ အိုမီခရွန်ရောဂါပိုးတွေ့ရှိရပြီး ကျန်မြန်မာနိုင်ငံသား ၂  ယောက်ကတော့ ပြီးခဲ့တဲ့ ဇန်နဝါရီ ၁၃ ရက်က အိုမီခရွန်ဓာတ်ခွဲအတည်ပြုလူနာနဲ့ အနီး ကပ်ထိတွေ့ခဲ့တဲ့ မိသားစုဝင်တွေ ဖြစ်တယ်လို့ ဆိုပါတယ်။

ပြီးခဲ့တဲ့ ၂၀၂၁ ခုနှစ်၊ ဒီဇင်ဘာ ၂၈ ရက်တုန်းကတော့ ယူအေအီးနိုင်ငံ၊ ဒူဘိုင်းမြို့ကနေ ကယ်ဆယ်ရေး လေယာဉ်နဲ့ ပြန်လည်ဝင်ရောက်လာသူ မြန်မာနိုင်ငံသား ၄ ယောက်မှာ အိုမီခရွန်ရောဂါပိုး တွေ့ရှိရကြောင်း ကနဦး ထုတ်ပြန်ထားခဲ့တာပါ။

အဲဒီနောက် ဇန်နဝါရီ ၇ ရက်နေ့မှာတော့ မြန်မာနိုင်ငံသား ၁၁ ယောက်နဲ့ နိုင်ငံခြားသား ၁ ယောက်၊ စုစုပေါင်း ၁၂ ယောက်၊ ဇန်နဝါရီ ၁၁ ရက်မှာ အိန္ဒိယနိုင်ငံက ပြန်လာတဲ့ မြန်မာနိုင်ငံသား ၃ ယောက်၊ ဇန်နဝါရီ ၁၂ ရက်မှာ အိန္ဒိယပြန်လာတဲ့ မြန်မာနိုင်ငံသား ၂ ယောက်၊ ဇန်နဝါရီ ၁၃ ရက်မှာ မြန်မာနိုင်ငံသားအယောက် ၄၀ အပါအဝင် လူပေါင်း ၄၂ ယောက်တို့မှာ အိုမီခရွန်ရောဂါပိုး တွေ့ရှိကြောင်း ထုတ်ပြန်ထားပါတယ်။

ဒါ့အပြင် ဇန်နဝါရီ ၁၄ ရက်မှာလည်း မြန်မာနိုင်ငံကို ဝင်ရောက်လာတဲ့ နိုင်ငံခြားသား ၃ ယောက်မှာ SARS-CoV-2 Variant Omicron (အိုမီခရွန်) ရောဂါပိုး ထပ်မံစစ်ဆေး တွေ့ရှိရတယ်လို့ စစ်ကောင်စီ ကျန်းမာရေးဝန်ကြီးဌာနက ထုတ်ပြန်ပါတယ်။

အိုမီခရွန်ဟာ ကိုဗစ်ဖြစ်ဖူးသူတွေမှာ ပြန်ဖြစ်နိုင်ခြေများပြီး အရင်မျိုးစိတ်တွေထက်ပိုပြီး ကူးစက်မြန်စေတယ်လို့ ကျန်းမာရေးပညာရှင်တွေက ပြောထားပြီး ကာကွယ်ဆေးထိုးနှံ ပြီးသူတွေမှာလည်း ပြန်ဖြစ်နိုင်တယ်လို့ ဆိုပါတယ်။

လတ်တလောမှာတော့ ဗီဇပြောင်းမျိုးကွဲကိုဗစ်ပိုး အိုမီခရွန်ဟာ လက်ရှိနိုင်ငံ ၁၄၀ ကျော်မှာ ကူးစက်ပျံ့နှံ့နေပြီး အဲဒီမျိုးကွဲကြောင့် သေဆုံးသူ ၁၁၀ ကျော် ရှိနေပြီဖြစ်ပါတယ်။

2 days Ago
More News
Up