ကိုကာပင်ပေါင်း ၂၅၀၀

March 5, 2020

ဟွန်ဒူးရပ်စ်တွင် ကိုကင်းထုတ်လုပ်သည့်စိုက်ခင်းနှင့် ဓာတ်ခွဲခန်းတွေ့ရှိ

ဟွန်ဒူးရပ်စ်နိုင်ငံ ကိုလွန်ဒေသမှာ  ကိုကာစိုက်ခင်းတခုနဲ့ ကိုကင်းထုတ်လုပ်တဲ့ ယာယီ ဓာတ်ခွဲခန်းတခုကို အာဏာပိုင်တွေက မတ် ၃ ရက်မှာ ရှာတွေ့ခဲ့ပါတယ်။ အာဏာပိုင်တွေ ပြောကြားချက်အရ ကိုကာပင်ပေါင်း ၂၅၀၀ လောက်နဲ့ ကိုကင်း ၁၀ ကီလိုကို သိမ်းဆည်းရမိတယ်လို့လည်း သိရပါတယ်။ မူးယစ်တိုက်ဖျက်ရေးအဖွဲ့အကြီးအကဲက ရဲတပ်ဖွဲ့ဟာ ကိုကာစိုက်ခင်းတွေကို ဖျက်ဆီးနေပြီး ကိုကာပင်တွေဟာ အမြင့် ၁ မီတာခွဲလောက်အထိ ရှိတယ်လို့ ပြောပါတယ်။  မူးယစ်ကုန်သည်တွေဟာ မက္ကဆီကိုနဲ့အမေရိကန်ဆီ မူးယစ်ဆေး ပို့ဆောင်ရာမှာ ဟွန်ဒူးရပ်စ်ဟာ နာမည်ကြီး ကြားခံနိုင်ငံတခု ဖြစ်နေပါတယ်။  ၂၀၁၈ ဧပြီလတုန်းကလည်း ဟွန်ဒူးရပ်စ်အာဏာပိုင်တွေဟာ တယ်ဂူစီဂါလာပါဒေသ အရှေ့ပိုင်း  တောင်ထူထပ်ရာ နေရာမှာ ၇၀ ဒသမ ၄ ဧက အကျယ်အဝန်းရှိတဲ့ ကိုကာစိုက်ကင်းကို ဝင်ရောက်ဖမ်းဆီးခဲ့ပါတယ်။ 
1 year Ago
Up