ကိုကင်း ၂ တန်

A d v e r t i s e m e n t With Us

October 28, 2020

တဝက်တပျက်ငုပ်နိုင်သည့်ရေယာဉ်ဖြင့် သယ်လာသည့် ကိုကင်း ၂ တန်ခန့် ကိုလံဘီယာ၌ ဖမ်းမိ

ကိုလံဘီယာ ရေတပ်ဟာ တဝက်တပျက် ရေငုပ်နိုင်တဲ့ ရေယာဉ်ထဲမှာ ထည့်သွင်း သယ်ဆောင်လာတဲ့ ကိုကင်း ၂ တန်လောက်ကို သိမ်းဆည်းနိုင်ခဲ့တယ်လို့ အရာရှိတွေကို ကိုးကားပြီး ရိုက်တာသတင်းမှာ အောက်တိုဘာ ၂၈ ရက်က ဖော်ပြပါတယ်။ ကိုလံဘီယာ ကမ်းရိုးတန်းကနေ ၃၅ မိုင်အကွာ ပစိဖိတ်သမုဒ္ဒရာထဲမှာ အောက်တိုဘာ ၂၆ ရက်က စီးနင်းမှုအတွင်း ကိုလံဘီယာ အီကွေဒေါနဲ့ မက္ကဆီကို နိုင်ငံသား ၃ ယောက်ကို ဖမ်းဆီးထိန်းသိမ်းထားတယ်လို့ ရေတပ်က ပြောပါတယ်။ ရေတပ်က ရေငုပ်သင်္ဘောနဲ့ ကိုကင်းတွေကို အီကွေဒေါနယ်စပ်အနား ကိုလံဘီယာနိုင်ငံ အနောက်တောင်ပိုင်း တူမာကို ဆိပ်ကမ်းဆီ သယ်လာခဲ့တယ်လို့ ဆိုပါတယ်။ သံသယရှိသူတွေဟာ ကိုကင်းတွေကို မက္ကဆီကိုနိုင်ငံထဲက မူးယစ်ဂိုဏ်းတွေဆီ ပို့ဖို့ စီစဉ်ထားခဲ့တာလို့ ကိုလံဘီယာ ရေတပ် အရာရှိတွေက ပြောခဲ့ပါတယ်။
4 months Ago

December 12, 2019

ပီးရူးနိုင်ငံ ရေငုပ်သင်္ဘောတစီးအတွင်း ကိုကင်း ၂ တန် ရှာဖွေတွေ့ရှိ

ပီရူးနိုင်ငံက ရေငုပ်သင်္ဘောတစီးထဲမှာ ဝှက်ထားတဲ့ ကိုကင်းအလေးချိန် နှစ်တန်ကို အာဏာပိုင်တွေက သိမ်းဆည်းရမိခဲ့တယ်လို့ အရာရှိတွေက ဒီဇင်ဘာ ၁၂ ရက်မှာ သတင်းပို့ပါတယ်။  ပီရူးကမ်းခြေစောင့်တပ်ဖွဲ့တွေဟာ အီကွေဒေါနိုင်ငံနဲ့ နယ်စပ်နားက တာလာရာမြို့မှာ အဲဒီရေငုပ်သင်္ဘောကို ဒီဇင်ဘာ ၇ ရက်မှာ ကြားဖြတ်စစ်ဆေးခဲ့တာပါ။  သင်္ဘောပေါ်မှာ လူလေးယောက်လိုက်ပါလာတယ်လို့လည်း  ရဲတပ်ဖွဲ့က ပြောပါတယ်။ ပီးရူးနိုင်ငံရဲ့ ကိုကင်းထုတ်လုပ်မှုဟာ ကမ္ဘာ့အကြီးဆုံး ကိုကင်းထုတ်လုပ်တဲ့ ကိုလံဘီယာ နိုင်ငံလို အဆင့်ရှိတယ်လို့ မူးယစ်နဲ့ရာဇဝတ်မှုဆိုင်ရာကုလသမဂ္ဂအဖွဲ့(UNODC)က ဖော်ပြ ပါတယ်။ 
1 year Ago
Up