ကား ဗုံးခွဲ

August 15, 2021

ပါကစ္စတန်တွင် မင်္ဂလာဆောင်မှပြန်လာသည့်ကား ဗုံးခွဲခံရ၊ ၁၀ ဦးထက်မနည်း သေဆုံး

ပါကစ္စတန်နိုင်ငံရဲ့အကြီးဆုံးမြို့ ကရာချိမှာ မင်္ဂလာဆောင်ကနေ အိမ်ပြန်လာတဲ့ အမျိုးသမီးတွေ၊ ကလေးတွေပါတဲ့ ကုန်ကားကို သြဂုတ် ၁၄ ရက်ညက ဗုံးခွဲတိုက်ခိုက်တာကြောင့် ၁၀ ယောက်ထက်မနည်း သေဆုံးကာ ၂ ဦး ပြင်းထန်ဒဏ်ရာရခဲ့တယ်လို့ ရဲက ပြောပါတယ်။

လွတ်လပ်ရေးနေ့ကို ဆင်နွှဲနေတဲ့ အချိန်ဖြစ်လို့ တိုက်ခိုက်တဲ့ အကြောင်းရင်းကို ရှင်းရှင်းလင်းလင်း မသိရသေးသလို  ဘယ်သူ့လက်ချက်ဆိုတာကိုလည်း မသိရ သေးပါဘူး။ 

ကနဦးစုံစမ်းစစ်ဆေးချက်အရ မော်တော်ဆိုင်ကယ် စီးလာသူတွေက လက်ပစ်ဗုံးနဲ့ တိုက်ခိုက်ခဲ့တာ ဖြစ်ပုံရတယ်လို့ ကရာချိရဲတပ်ဖွဲ့ အကြမ်းဖက်မှု တိုက်ဖျက်ရေးဌာန အကြီးတန်း အရာရှိက ပြောပါတယ်။

အရင်အပတ်ကလည်း နိုင်ငံအနောက်တောင်ပိုင်း ကတ်တာမြို့မှာ ဗုံးနဲ့ သီးခြားတိုက်ခိုက်မှု ၂ မှုအတွင်း လူ ၂ ယောက် သေဆုံးခဲ့ ပါတယ်။ ဒီတိုက်ခိုက်မှုကိုတော့ ဘာလို့ချ် ခွဲထွက်ရေးအဖွဲ့က သူတို့ လက်ချက်လို့ အခိုင်အမာ ကြေညာခဲ့ပါတယ်။

4 months Ago
Up