ကားတိုက်ခံရ

October 8, 2021

ယာဉ်များကို အဓမ္မငွေညှစ်နေသည့် ဝေါမြို့နယ်ရဲတပ်ဖွဲ့ ကားတိုက်ခံရ၊ ရဲအုပ် ၁ ဦး သေဆုံး

ပဲခူးတိုင်းဒေသကြီး၊ ဝေါမြို့မှာ ​ မော်တော်ယာဉ်တွေကို ​အ​ပြစ်မရှိ အ​ပြစ်ရှာတားဆီး​ပြီ အဓမ္မ ငွေညစ်တောင်းယူနေတဲ့အဖွဲ့ အောက်တိုဘာ ၇ ရက်​နေ့ ည ၇ နာရီလောက်က ကားနဲ့ အတိုက်ခံရတာကြောင့်  ရဲအုပ် ၁ ဦး သေဆုံးခဲ့တယ်လို့ ဒေသခံတွေက ပြောပါတယ်။

​ဝေါ​မြို့မရဲစခန်းက နယ်ထိန်းခေါင်းဆောင် ရဲအုပ် မင်းသိန်းနဲ့အဖွဲ့ဟာ ​နေ့စဥ် ညဘက်တွေမှာ မူးယစ်​သောက်စား​​ပြီး လူရှင်းတဲ့ ​မြို့ပြင်ထွက်ကာ  မြဝတီဘက်က လာတဲ့ကားတွေကို အကြောင်းမဲ့တားဆီးစစ်ဆေး​​ပြီ အပြစ်မရှိအပြစ်ရှာ အဓမ္မ ငွေညစ်တောင်းယူနေတာ ​ကြာ​ပြီလို့ ဆိုပါတယ်။

မနေ့ညက ရှမ်းစု​ကျေးရွာအနီးမှာ မော်တော်ယာဉ်တွေကို တားဆီးပြီ အ​ပြစ်မရှိအ​ပြစ်ရှာဆဲဆို​ကြိမ်း​မောင်းကာ  အဓမ္မ ငွေညစ်တောင်းယူနေချိန် ကား​နဲ့ အတိုက်ခံရတာလို့ ဒေသခံတစ်ဦးက ပြောပါတယ်။

"​မြို့ပြင်ထွက်ပြီ မူးကြောင်ကြောင်နဲ့ ကားတွေလိုက်တား၊ မှောင်မှောင်မည်းမည်းနဲ့ အခုလို အချိန်အခါမှာ ဘယ်ကားသမားက ရပ်ရဲမလဲ။ စစ်ဆေးမယ်ဆို မြင်သာထင်သာရှိတဲ့ မြို့ထဲမှာ စစ်လေ၊ ညကသူတို့အဖွဲ့ တော်တော်မူးနေကြတယ်။ မူးရူးပြီ ​မြို့​ပြင်ထွက်လမ်းပေါ်တက်​ပြီ တရား လက်လွန်  လုပ်ချင်သလိုလုပ်နေကြတာဆိုတော့ အတိုက်ခံရတာ နည်း​တောင်နည်း​သေးတယ်။"

ယာဉ်တိုက်မှုကြောင့် နယ်ထိန်းခေါင်း​ဆောင် ရဲအုပ်မင်းသိန်းမှာ ဒဏ်ရာ​ပြင်းထန်စွာနဲ့  သေဆုံးခဲ့ပြီ ယာဉ်တိုက်သွားသူကိုတော့ ဖမ်းဆီးစစ်ဆေးနေပါတယ်။

4 months Ago

December 4, 2019

ဗြိတိန်နိုင်ငံ ကျောင်းတကျောင်းရှေ့ ကလေးငယ်တစု ကားတိုက်ခံရ

ဗြိတိန်နိုင်ငံ အင်္ဂလန်တောင်ပိုင်း လော့တန်မြို့မှာ ဒီဇင်ဘာလ ၂ ရက်နေ့က  ကျောင်းရှေ့မှာရှိနေတဲ့ ကလေးငယ်တစုကို ကားတစီးဝင်တိုက်ခဲ့တာကြောင့် ကလေး ၁ ယောက် သေဆုံးပြီး ၅ ယောက် ဒဏ်ရာရခဲ့ပါတယ်။ သေဆုံးသူဟာ  ၁၂ နှစ်အရွယ် ကလေး ဖြစ်ပြီး  ဆေးရုံမှာ သေဆုံးခဲ့တာ ဖြစ်ပါတယ်။    ဒီယာဉ်တိုက်မှုမှာ ၅၃ နှစ်အရွယ်နဲ့ တခြား ကလေး ၄ ယောက်တို့ ဒဏ်ရာရပေမယ့်  အသက်အန္တရာယ် မရှိဘူးလို့ သိရပါတယ်။ ဒီယာဉ်တိုက်မှုမှာ ပါဝင်တဲ့ကားဟာ ခဲရောင် ဖို့ဒ်ကားတစီး ဖြစ်ပြီး ဗြိတိန်ရဲတပ်ဖွဲ့က လူသတ်မှု စုံစမ်းရေးလုပ်နေပါတယ်။ ကားတိုက်ခံရတဲ့ ကလေးအားလုံးဟာ အဲဒီကျောင်းမှာ တက်နေတဲ့ ကျောင်းသားတွေ  ဖြစ်ပုံရတယ်လို့ ရဲတပ်ဖွဲ့က ပြောခဲ့ပါတယ်။
2 years Ago
Up