ကားခေါင်းအတွင်း

November 2, 2019

ယာဉ်မတော်တဆဖြစ်ပြီး ကားခေါင်းအတွင်း ညပ်နေသူ ၂ ဦးကို မီးသတ်တပ်ဖွဲ့ ကယ်ထုတ်

ရှမ်းပြည်နယ်၊ တောင်ကြီးခရိုင်၊ တောင်ကြီးမြို့နယ်၊ တောင်ကြီး-အေးသာယာအဆင်းလမ်း၊ မိုင်တိုင်အမှတ် (၁၁၁/၆)နှင့် (၁၁၁/၇) ကြားမှာ နိုဝင်ဘာ ၁ ရက်မနက်ပိုင်းက ယာဉ်တစီး တောင်နံရံနဲ့ တိုက်မိပြီး ကားခေါင်းထဲ ညပ်နေသူ ၂ ယောက်ကို မီးသတ်တပ်ဖွဲ့က ကူညီ ကယ်ထုတ်ခဲ့ပါတယ်။ နိုဝင်ဘာ ၁ ရက်နေ့ မနက် ၁၁ နာရီခွဲလောက်က FUSO (အဖြူရောင်)ယာဉ်ဟာ ဘရိတ်ပေါက်ကာ အရှိန်မထိန်းနိုင်ဘဲ တောင်နံရံကို တိုက်မိ တိမ်းမှောက်ပြီး ကားခေါင်းခန်းမှာ လူ ၂ ယောက် ညှပ်နေကြောင်း သတင်းအရ သွားရောက်ကယ်ထုတ်ခဲ့တာလို့ မြန်မာနိုင်ငံ မီးသတ်တပ်ဖွဲ့ သတင်းထုတ်ပြန်ပါတယ်။ ဒဏ်ရာရရှိသူ ၂ ယောက် (မစိုးရိမ်ရ) အား  တောင်ကြီးမြို့နယ်မီးသတ်စခန်းက ရှာဖွေကယ်ဆယ်ရေးယာဉ် ၁ စီး၊ သန္ဓေမီးသတ်တပ်ဖွဲ့ဝင် ၁၅ ဦး၊ အရန်မီးသတ်တပ်ဖွဲ့ဝင် ၅ ဦးတို့က သက်ဆိုင်ရာအဖွဲ့အစည်းတွေနဲ့ ပူးပေါင်းကယ်ဆယ်ခဲ့ပြီး ကြက်ခြေနီတပ်ဖွဲ့ သူနာတင်ယာဉ်နဲ့ တောင်ကြီးမြို့ စဝ်စံထွန်းပြည်သူ့ဆေးရုံကြီးကို ပို့ဆောင်ပေးခဲ့တယ်လို့ ဆိုပါတယ်။
2 years Ago
Up