ကာမိုင်းမြို့

May 5, 2022

ကာမိုင်းမြို့တွင် စစ်ကောင်စီလက်အောက်ခံ ပြည်သူ့စစ်တပ်ဖွဲ့ဝင်တဦး ပစ်သတ်ခံရ

ကချင်ပြည်နယ် ကာမိုင်းမြို့မှာ မေ ၅ ရက် မနက်ပိုင်းက စစ်ကောင်စီတပ် လက်အောက်ခံ ပြည်သူ့စစ်တပ်ဖွဲ့ဝင်တဦး သေနတ်နဲ့ပစ်သတ်ခံခဲ့ရတယ်လို့ ဒေသခံတွေက ပြောပါတယ်။

ပြည်သူ့စစ်တပ်ဖွဲ့ဝင် ဦးဇော်ဌေး ဆိုသူဟာ လက်ဖက်ရည်ထိုင်သောက်နေစဉ် အမည်မသိ သေနတ်သမားနှစ်ဦးက လာရောက်ပစ်ခတ်သွားတာကြောင့် သေဆုံးခဲ့တာလို့ ဆိုပါတယ်။

ဒေသခံတဦးက “မနက် ၇ နာရီလောက်က မြနန္ဒာ လက်ဖက်ရည်ဆိုင်ထိုင်နေတုန်း ဆိုင်ကယ်နဲ့ လူနှစ်ယောက် လာပစ်သွားတာ။ အနီးကပ် ပစ်သွားတာ။ သူထိုင်တဲ့နေရာမှာပဲ ပွဲချင်းပြီးသေတယ်။ လာပစ်သူနှစ်ယောက်  ဘယ်သူဆိုတာတော့မသိဘူး” လို့ ပြောပါတယ်။

ဦးဇော်ဌေး သေဆုံးရာအနီး စစ်ကောင်စီ တပ်ဖွဲ့ဝင်တွေက လာရောက်စစ်ဆေးပြီး အလောင်းကို သယ်ဆောင်သွားတယ်လို့ ဆိုပါတယ်။

ကာမိုင်းမြို့နယ်မှာ သြဂုတ် ၁၁ ရက်နေ့ကလည်း စစ်ကောင်စီ လက်အောက်ခံ ပြည်သူ့စစ်တပ်ဖွဲ့ဝင် ဦးတင်အောင် ဆိုသူ ပစ်သတ်ခံခဲ့ရပြီး ဦးဇော်ဌေးကတော့ ဒုတိယမြောက် ပစ်သတ်ခံခဲ့ရသူ ဖြစ်ပါတယ်။

5 months Ago

July 22, 2021

ဖားကန့်မြို့နယ်၊ ကာမိုင်းမြို့အဝင်ဂိတ်ပေါက်ကွဲ ၄ ဦးထက်မနည်း သေဆုံး

ကချင်ပြည်နယ်၊ ဖားကန့်မြို့နယ်၊ ကာမိုင်းမြို့အဝင်ဂိတ်မှာ  ဇူလိုင် ၂၂ ရက် ဒီနေ့မနက်ပိုင်းက ပေါက်ကွဲမှုဖြစ်ခဲ့တာကြောင့်  စစ်ကောင်စီတပ်သား ၄ ဦးထက်မနည်းသေဆုံးခဲ့တယ်လို့ သိရ ပါတယ်။

အကြမ်းဖက်စစ်ကောင်စီတပ်သားတွေထိုင်တဲ့ ဂိတ်ကို မနက် ၇ နာရီကျော်လောက်မှာ ပြည်သူ့ကာကွယ်ရေးတပ်ဖွဲ့ PDF ကလာရောက်ဖောက်ခွဲခဲ့တာလို့ ဒေသခံတွေကပြော ပါတယ်။

"အသေးစိတ်တော့မသိရသေးဘူး ၄ ယောက်လောက်သေသွားတယ် ကြားတယ်။ ပစ်တာလား ဖောက်ခွဲတာလား သေချာမပြောတတ်ဘူး။ မနက်က ပေါက်ကွဲသံကြားရတယ်။ ခုတော့ လမ်းတွေကို ပိတ်စစ်တာတွေလုပ်နေတယ်''လို့ ဒေသခံတစ်ယောက်က ပြောပါတယ်။

ပေါက်ကွဲမှုဖြစ်ပွားပြီးနောက်ပိုင်း ဆေးရုံကုန်း နောက်ပိုင်းမှာတပ်စွဲထားတဲ့ အထိုင်တပ်က လာရောက်ပြီး စစ်ဆေးနေသလို လမ်းသွားလမ်းလာတွေကိုလည်း ပိတ်ဆို့စစ်ဆေးနေပါတယ်။

အဆိုပါ ပေါက်ကွဲ သေဆုံးမှုဖြစ်စဉ်နဲ့ ပတ်သက်ပြီး စစ်ကောင်စီဘက်ကတော့ သတင်းမထုတ်ပါဘူး။ 

ကာမိုင်းမြို့မှာ ဇူလိုင်လ ၁၄ ရက်နေ့ကလည်း ဖားကန့်ဘက်ကိုလာတဲ့စစ်ကြောင်းကို ကေအိုင်အေဘက်က ဖုန်းတာဝါတိုင်အနီး ကြားဖြတ်တိုက်ခဲ့လို့ တိုက်ပွဲတွေဖြစ်ပွားခဲ့ပါသေးတယ်။

1 year Ago
More News
Up